Dwagi Yai Gesi Po Lukgo Asęani 1:68 - Godigo dwagi yai po buku68 “Dena Genuai Bidi Israel dabego God nogi kegenaninao. Agai aga we bidi da tau sagasalio. Faic an caibideil |
Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.
Tama agai te po wai, ‘Dago te Godigo nogi ugwaba sao, te da Israel dabego Genuai Bidi dao, magi baso meni, megi agai te ena ogwago ena hasegelama, tama eno sę yali pesage siyu, te king pedelali, tama agai enabolo te agai yali sę eno sumainu ilali. Dago te Godiba wiegi yai homu pemene inao,’ Devitgo te po wai,” te bidi Jonatango te po Adoniyabolo wali.
Tialima, agai te tama po wali, “Te Godigo nogi ugwaba sao,” wali, “te Israel dabe dago Genuai Bidi dao. Magi baso meni. Aga digi agai te eno aya Devit dali dąų wali po te bugagia wali pali. Devitgo homugo te we bidi God pąba sisinagasabo be me deli sę emainu homu yai, te dago Genuai Bidi, te agaba lotu po omainu yali. Tiali goli, Genuai Bidigo agabolo te tama po wai, ‘Te eno ena we bidi te Isipde gagalasa sela asali, te megi sogoba usu nagasu, eno te Israel dabe augwaligo enaba lotu omainu ebo be sę yabo te hani me deligo hanu me deli te eno sa me musiąwai dao. Tiali goli, Devit, eno nage sa muani, te eno we bidi nago tonalumainu yali. Nago te eno genuai be me deli sę yabo homu ebo, tama nago te ebo homu te wiegi yai homu dao.
Tialima Devitgo te we bidi augwaliba te tiwai po walio, “Godigo nogi ugwaba sao, dago Genuai Bidi dao.” Te we bidi augwaligo odama, te augwa kidu sugunama, te gesabidi tǫba pǫgulali, te genuai nogi Devitba me Godiba mayu tialio, te augwaligo Genuai Bidi me augwa wąį nǫų dabego Genuai Bidi me dao.
Tama tibaso, augwaligo homu Aronba mu dąų wai. Augwaligo te po tiwai wabo odali, Genuai Bidigo suali, te Isip hani augwaligo te Israel hani dali dwai kolesaga ebaso, agai homu hauwa augwalide ebo dao. Tama te we bidi dabe augwaligo te po odolama, tama augwa tobolu tǫba aiyaba munama, Genuai Bidibolo lotu po wai.
Augwaligo dage Jerusalem dabe ela silaibao, te be dabe tigidali augwaligo mu hųgiaibao. Be nigali masigi me deli ugwadu me munalugobeo, tigidali pepedelama, aba sąwaibao, meba me tedali, tedali, besala paibao. Magi baso te sę yaibawe? Woo, te Godigo dage suagasu tau sabo sogo asali side te dagego konebeo,” Jisasgo te po wai.
Tiali goli, polobadu dago homu tama yai, te bidigo agai da Israel we bidi te Rom gavman nogode bidali tagalama, agai da tonalumai yaibao. Dago te homu polobadu yai dao. Tiali, menio. Tama gasa po me tama telaluaio, te sę pedelai, tama megi te bidi duba elali, sela sogo bidibao,” te bidi si Jisas dali te po wai.
Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.
Te Krais aga ni pedaide isilama, tama agai kanemego te da dąų wali nai pisigina sąwai, tama megi da olo mu bidibo dao. Te po page e dao, te Jisasgo kanemede te God agai dago yali dwai dwai sęgę tigidali te mu sela sąwai dao. Godigo da dali yali olo tau sabo kolesaga te dwasianu menio, agai te kolesaga umabo mu da dali yai.
Tama Kraisgo te kibu meme kanemego me te omai bulmakau kanemego me te selama, tama aga te Tedali Gasagi Yai Be Habu Mu tomoba me pabeo. Menio. Agai te aga kanemego digi ofa Godibolo elama, tama aga te Tedali Gasagi Yai Be Habu Mu tomoba deli sogo naga palio. Tama tiyu, agai da te sesemane sogo bidada peyu, bidada pabo tede bidimainogo da ma siyu abelai dao.