Dwagi Yai Gesi Po Lukgo Asęani 1:15 - Godigo dwagi yai po buku

¹⁵ Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Dwagi Yai Gesi Po Lukgo Asęani 1:15 Iomraidhean Croise

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

Tigidali Nai Gagalama Nigali Side 48:19

Tiali goli, aga ayago te agai po wali me pabeo. Menio. Agai te tiwai po Josepbolo wali, “Eno koneani, ogwao. Eno koneanio. Te Manasego hani wąį dabe te augwali hani me te genuai pedelaibao. Tiali goli, te aga ama sabi bidi da, te genuai bidi pedelaibao. Tama agai wąį dabe te augwaligo te Manasego hani te aiyaba elaluama, tama augwali te genuai hani bidi sibi mu pedelaibao,” wali.

Tuni Bidi Dabego Po Elalubo Buku Deli 17:8

Ena te nage mena badu pabo tigidali usu nama bidai. Tama nago boi bidi dabe eno aiyaba bomo kidilai madi te nosali nago augwali aiyaba elaluali. Te eno nageba genuai nogi mawaibao, te gasa tǫ kantri dabego polalubo bomai bidi dabego genuai nogi tiwai elalueibao.

Tuni Bidi Dabego Po Elalubo Buku Deli 29:12

Nago te wiegi yai nai dabe hauwa dabolo mobao. Te nago naga te tigidali nai tonalubao. Naga digi nage te tigidali bomo me kolesaga page bidi da, tama nago naga te bidi dabe bomo pedalabo sę ilibaso te genuai nogi sabo dao.”

Godigo Nogi Ugwaba Sabo Tęąbi Po Wabo Buku Dabe 22:9

Tiali goli, God, nago naga ena te idago haligade selama, tama ena bugagia pedelali. Tama ena te ame tubadi, nago ena tonaluai.

Jeremaia 1:5

“Te eno nage naga idago haligade ame nisąbo sogo, eno nage koneai. Te nage naga idago ame nisąbadi, eno nage sa munama, te gasa bulu tǫ kantri dabe tomode te profet sę ela bilabo bidi da homu yai dao,” wali.

Jeremaia 35:6

Tialima, augwaligo po wei ponoyu, te tiwai po wali, “Hobede yao, dago te wain tugobeo. Magi baso meni, dago wąį nǫų Jonadap, te Rekapgo ogwa, agai bomo yai po me deli dabolo menama, tama dabolo dali te dago haniba habu selama, dago te wain ąį tugio wai dao.

Pris Sę Ebo Bomai Po 10:9

“Te nage me nago ogwa dabego te bomai ąį wain me bia tulama, dage eno sel Ugwa Be tomoba me pelamuo. Te habu mu dao. Te dagego sel Ugwa Be tomode sę yabo sogo ąį tulama, te Ugwa Be tomoba pobaso da, te dage isaibao. Te dagego bulai wąį nǫų dabe nosali pedalubo hani, augwaligo me te bomai po wali pomainao.

Sekaraia 9:15

Tama Genuai Bidi Tigidali Bomo Elalubo Bidigo te aga we bidi tudi badu tonalu posolalueibao, tama augwaligo augwa boi bidi dabe ela silaibao. Te boi hwįbo side te augwaligo i wabo te bomai ąį tuai bidigo i hae wabo tiwai eyu, tama augwaligo te boi bidi dabe ela mueibao. Te boi bidi dabego kaneme te augwaligo te ofa yainu te poude tabilama te altaba gealubo tiwai yaibao.

Dwagi Yai Gesi Po Lukgo Asęani 1:14

Nago te ogwa nogi Jon poao. Aga ame nabo si, dage si me gasa we bidi hauwa me bugai homu naga yaibao. Magi baso meni.

Dwagi Yai Gesi Po Lukgo Asęani 7:28

Ma wadolu, Jisasgo te po wali, “Eno dagebolo obe dao, e tǫde ame nabo we bidi tigidali Jongo aiyaba elalualio. Tiali goli, te Godigo obo tomode bidibo moni nogi meni yai bidi me agai nogigo te Jon aga moni nogi aiyaba elaluaibao,” Jisasgo te po wali.

Dwagi Yai Gesi Po Lukgo Asęani 7:33

Te we bidi baptais mabo bidi Jon asama, nai gisilu, bomai wę gisilu yali goli, dagego te agade ‘Aga da, te dwai noma bulalubo bidi dao,’ te po wali.

Dwagi Yai Gesi Po Jongo Asęani 5:35

Jon da, te sole ula ebo gilama, agai ula we bidi dabebolo mawai dao. Tama dagego pęwadage side te ulade dagego dwagi yai homu osogo yai dao.

Godigo Sęba Tagala Palai Bidigo Po 2:4

Tama Godigo Dwagi Yai Mobogo augwali sali, te tigidali agada weyu, tama augwali tigidaligo gasagi yai gasagi yai konesiąwai po dabe wabo gagalali, te me bidigo me po weyu, tama me bidigo gasa po me weyu yali. Tama Godigo Mobogo augwali te po dabe omainu te sę ilali, augwaligo pedauwalidu.

Galesia 1:15

Tiali digi, polobadu eno idago ena ame nesiąbadi, tama Godigo ena te sogo sa muai dao. Tama tiyu, agai ena dali aga dwagi yai homu eyu, olo tau siyu, tama ena ame nenama, tama aga bidi mu pedalumainu ilama, tama agai ena i wai, eno agai sę emainogo yai.

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

Josua 3:7

Tialima, Genuai Bidigo Josuabolo te po wai, “Megi da, te eno nago nogi ugwaba sabo sę te Israel dabe augwali gedude gagalaibao, te ena nage dali bidibo konemainu, te ena Moses dali bidali tiwai gilama yaibao.

Josua 4:14

Te Israel dabego te sogode te Genuai Bidigo augwalibolo yali sę dabe sulama, tama augwaligo te Josua nogi ugwaba sali, augwaligo te Mosesbolo te tigidali sogo te aga nogi ugwaba sidubadi, te aga isiboba usu nagasali tiwai gilama yai dao.