Dwagi Yai Gesi Po Lukgo Asęani 1:12 - Godigo dwagi yai po buku

¹² Tama Sekaraiago Godigo ensel bidi dolalubo sulama, moni noma sali, wi yali.

Dwagi Yai Gesi Po Lukgo Asęani 1:12 Iomraidhean Croise

Daniel 10:7

Ena deligo naga eno te nai te nade subo tiwai yai. Te ena dali bidali bidi dabe augwaligo te magi nai deli me subeo, tiali goli augwali wi dwai mu elama, tama augwali wi pelama, duala sigi pai.

Dwagi Yai Gesi Po Makgo Asęani 16:5

Augwali te gų page tomoba pobadi, tama augwaligo te gesi ogwa bidi me deli te dolo nogo badu dualalubo suai. Aga te bobage tedela ugwa gudai elaluai. Tama augwali noma siyu midigi siyu wi yali.

Dwagi Yai Gesi Po Lukgo Asęani 1:29

Te wegi Mariago te po odobo si, aga homu tųą palio. Agai homugo e bidigo magi po nama wabowe, te homu yali.

Godigo Sęba Tagala Palai Bidigo Po 10:4

Agai te ensel bidi gedugo bomonama tonama, wi mu yai. Tama agai te bidibolo hanalu wali, “Eno genuai bidi, nago homugo magi sę yaiwe?” Tama te ensel bidigo te po wei ponoyu, te po wali, “God agai nago agabolo po wabo me, te nai meni yai we bidi tau sabo kolesaga me, te Godigo sulama, bugai homu ebao.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”

Te Israel Tobolu Bidi Dabe 6:22

Tama Gideongo koneani, agai te Genuai Bidigo Mobo Bidi ensel suali homu elama, tama aga dwai noma mu selama, tama te po wai, “God Genuai Bidi dao! Eno nago Mobo Bidi ensel gesabidi sualio. Megi da magi nai enaba pedelaibawe?”