Te We Bidi Dabego Jerusalem Hagede Gela Wali 5:21 - Godigo dwagi yai po buku

^21-22 Genuai Bidi, nago da tudi ola menama, tama nago da dali sębę genuai mu yalio. Tiali goli, da nage pageba ma asaio. Tama tialima, nago da ma odasa asao. Tama nago da polobadu bugagia bidali tiwai ma bidimainu ilao.

Te We Bidi Dabego Jerusalem Hagede Gela Wali 5:21 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 18:37

Genuai Bidi, eno buba hwi wabo po odama, te eno nagebolo hanalubo tiwai gilama yao, tama te we bidi dabe augwaligo konemainao, nage naga, naga te God mu, tama te nago augwali homu begelama, te nageba ma asomainu ebo dao,” tama wali.

Godigo Nogi Ugwaba Sabo Tęąbi Po Wabo Buku Dabe 80:19

Genuai Bidi, nage te Tigidali Bomo Elalubo God dao, nago da te nagaba ma sao. Nago te olo tau mabo wiegi yai kolesaga dabolo eyu, te da tau sao, te da me hagagobeo.

Godigo Nogi Ugwaba Sabo Tęąbi Po Wabo Buku Dabe 80:3

God, nago da selasa, te nagaba ma pao. Nago te olo tau sabo wiegi yai kolesaga dabolo eyu, tama da tau sobaso da, teda da munu me hagagobeo.

Godigo Nogi Ugwaba Sabo Tęąbi Po Wabo Buku Dabe 80:7

Te Tigidali Bomo Elalubo God, nago da edaba ma sao. Nago te olo tau sabo wiegi yai kolesaga dabolo eyu, tama da tau sobaso da, te da me hagagobeo.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Aisaia 60:20

Nago te giliga me polua iba dega sigi pelama, te be hulia siyu ebo me pedalugobeo, magi baso meni, ena Genuai Bidi, sesemane sogo ena te nago ula tiwai elalueibao. Tama nago sęgę dali homu dene ebo sogo me tigidali silaibao.

Jeremaia 30:20

Te Israel dabe augwali te bomai hani elalu, te polobadu bidali tiwai yaibao. Te eno augwali tau selama, te augwali te augwa tǫde bugagia bidaibao. Te eno augwaliba dwai sę yainogo ebo hani dabeba dwai dene mawaibao.

Jeremaia 31:18

Te Efraim hani dabego gela wabo eno mu odalio. Augwa gela weyu, te tiwai po wali, ‘Genuai Bidi, nago da keloago elali, te nago da dodolali, te bidigo te hagoma ebo ogwa bidi bulmakau elibo tiwai yai. Genuai Bidi, nage naga dago God, te da nageba ma asabo homu ebao. Tama tialima, nago da odasa asao.

Jeremaia 31:4

Dage Israel, eno gedude dage te bidi dali pagela pisąwai gesi we tiwai dao. Tama te eno dage bomai hani we bidi ma pedalumainu yaibao. Te gesi ogwa wego pemene elama, hąbidi eleyu, te tęąbi wabo hani dabe dali pemene ebo tiwai dagego yaibao.

Jeremaia 33:10

Tama nosali Genuai Bidigo te tiwai po wali, “Megi da, te we bidi dabego te po obao, ‘Te taun dolama, te bidi me hasa te meni yalubao. Te Judago taun dabe, me te Jerusalem sunumi dabe olo elalubao, te bidi me hasa tede me elalubeo.’ We bidigo te po obao. Tialima, ena Genuai Bidi, eno po obao, nosali te we bidi dabe te bulu pesagede ma bidaibao,

Jeremaia 33:13

Tama augwa sipsip nedaibao. Tesę te bulu dude elalubo taun dabede, me te dwasianu buludu dabede, me te tǫ pedai Negev te saut Juda badu eyu, tama augwa te sę Benjamin hanigo tǫde, me te Jerusalempąde elalubo bulude, me te tigidali Juda taunde, te sęyaibao. Te ena, Genuai Bidigo po dao,” wali.

Esekiel 36:37

“Ena God Genuai Bidi eno te po obao. Te Israel dabe augwaligo enabolo te augwa we bidi hauwa ilao po hanalubo sogo da, teda eno augwaligo te gedu haluasa po wabo me odaibao.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Malakai 3:4

Tama nosali te Jerusalem dabe me te gasa Juda pedai badu augwa te wiegi yai ofa Genuai Bidiba eyu, te polobadu yali tiwai ebaso, tama Genuai Bidigo te augwaligo ofade wiegi yai pemene ma yaibao wai dao.