Te We Bidi Dabego Jerusalem Hagede Gela Wali 4:4 - Godigo dwagi yai po buku

⁴ Te dwasianu wai bǫų dabe augwali tuabo ame menio. Tama augwaligo dogoni dolama, mu aloa pabo dao. Te wai bǫų dabe augwali biliyu, te we bidigo augwali nai momainu biliyu, hanalua bilalio. Tiali goli, te bidi mego augwali nai me mabeo.

Te We Bidi Dabego Jerusalem Hagede Gela Wali 4:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 18:27

Tiali goli, te ami gavman ofisa bidigo e tama po wei ponani, “Eno kingo ena tagala palama, te eno e wabo po te duga king dali, dage dali sigo naga odomainu ena tagala palobeo. Menio. Te oga taun obo banisde dolalubo bagego me te po odomainao wali. Magi baso meni, tialima te boi hwįbaso da, teda te dago te Jerusalem taun bologobea saibao, tama te dage tigidalide dwai bodolu sogo mu dageba dolo pedalaibao,” wali. “Tama te taun obo banis daide ugwadu oga bidibo bage augwaligo tuabo nai mu menio. Tama augwali te di tuyu, tama te augwa poi ma tuyu, te yaibao,” wali, “te tibo tiwai te dage tama dao,” wali.

Te Israel me Juda Hani Sigo Tuni Bidigo Po Elalubo Buku Si 25:3

Tama te kibu be tomode te 4 polua, dei 9 wabode, te Jerusalem taunde bidali we bidi dabe te nasi dwai mu yali, magi baso meni, augwaligo tuabo nai sia sali.

Godigo Nogi Ugwaba Sabo Tęąbi Po Wabo Buku Dabe 137:6

Jerusalem, te eno nageba homu kone me isiąyu, tama te eno polalubo pemene ebo homu nageba sa munama, bidisąbaso da, teda eno dogoni dolobaso, tama eno tęąbi ma wainu ebaso, usu me egobeo.

Godigo Nogi Ugwaba Sabo Tęąbi Po Wabo Buku Dabe 22:15

Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.

Aisaia 5:13

Tama tibaso, Genuai Bidigo te po wali, “Mu tama, eno we bidi dabe dagego ena konebo hagela yali. Tama tibaso, boi bidi dabego dage gasa buluba me kalabus elama, odasa paibao. Te genuai bidi dabe nai menia saibao. Te olo we bidi dabe te ąį nogone eyu bidaibao. Tama augwali mu dolaibao.

Jeremaia 14:3

Te genuai bidi dabe augwa sę ebo bidi dabe tagala palama, te ąį tugi pao wali. Augwali te ulu wę dabeba pali, tiali goli ąį me elalubeo. Tama augwa te sospen sene olo ma sela pai. Te we bidi dabe augwa homu kone palali dwai mu ebaso, te augwa hale ebaso, augwa gesabidi halua siyu yai dao.

Te We Bidi Dabego Jerusalem Hagede Gela Wali 1:11

Te Jerusalem we bidi augwali nasi genuai mu ebaso, tama augwali nai gegebo bomai sę mu te ebao, tama augwali hwąwa dwai mu obao. Augwa tigi bomo ma sainu eyu, augwaligo augwa wiegi wiegi yai nai dabego te dobu si ebo sę eyu, te nai sela tubo dao. Tama Jerusalemgo i weyu, te po obao, “Genuai Bidi, sulama, koneao, ena dwai bidu, te olo nai tiwai naga bidibao,” wabo.

Dwagi Yai Gesi Po Lukgo Asęani 10:11

‘Dagego e bulude elalubo te dago sągąde dagayane te pobele bage te dago sela sąbo da, te duga konemai hagede ebao. Tiali goli, dagego bugagia homu kone palao. Godigo we bidi tonalubo sę ebo bomo dage pageba pąba yagasalio,’ te po waiąo.

Bomai Po 28:48

tama tibaso Genuai Bidigo boi bidi dabe tagala palama, dage dali hwįagaselama, tama dage augwalide sę yaibao. Tama dage nai sili bidaibao, tama dage wę nogonego isaibao. Tama me name ugwa dabe, me ugwa meba dabe, me gasa meba nai dabe habuge yaibao. Tama te boi bidi dabego dage agalama, dage sese dola siliboba usu naibao.

Bomai Po 32:24

Eno augwali moni dwai nasi emainogo ilaibao, tama augwali haniani gasi elama, isila paibao. Tama eno haniani dwai gula mane dabe bulu hasa dabe aselama, augwali tula silimainu yaibao.