Te We Bidi Dabego Jerusalem Hagede Gela Wali 3:51 - Godigo dwagi yai po buku

⁵¹ Eno ena taun we dabe augwali dwai mu bidibo suali. Tialima, ena homu sęgę genuai mu ebao.

Te We Bidi Dabego Jerusalem Hagede Gela Wali 3:51 Iomraidhean Croise

Tigidali Nai Gagalama Nigali Side 44:34

Tama te wai ena dali ma pisąbaso da, ena te aya pageba ma pogobeo. Eno te tiwai sęgę te eno ayaba pedalubo te eno homude hagela yaibao,” Judago te Josepbolo te po wali.

Jeremaia 11:22

“Ena Genuai Bidi Tigidali Bomo Elalubao, eno po dolo obao, eno te Anatot hani bidi dabeba dwai sę mu yaibao. Eno te boi bidi dabe tagala palama, te ogwa bidi dabe ela mumainu yaibao. Tama te sogo te Anatot dabe te nai menia selama, te augwa wai dabe isila paibao,” te po wali.

Jeremaia 14:16

Tama te profet dabego po odali we bidi dabe, augwali me te hwįbogo me nasigo dolaibao. Tama boi bidi dabego te we bidi me wai puluba selama, te Jerusalem sunumiba sąsą paibao. Tama augwali tigi pubulabo bidi meni yaibao. Te Jerusalem dwai sę mu ebo we bidi dabe, tiyu te eno augwali mu dolaibao,” wai dao.

Jeremaia 14:18

Te ena hanu bulu badu bilibadi, eno te hwįnama elali bidi tigi dabe suali. Tama ena te hanu sunumi dabedu pobadi, eno te nai mu meni yai we bidi te augwa tigi dolali elalubo suali. Te pris me profet dabe olo bilibao, te augwa mena sę ebowe, te augwa me konesiąwai dao,’ nago te po pusao,” wali.

Jeremaia 19:9

Te boi bidi dabe Jerusalemba boi hwįagasobo sogo da, te augwaligo hanu bagua sagasaibao. Te tama tebogo te Jerusalemba genuai sęgę mayu, te augwali nai mu sǫą paibao. Tama tialima, te we bidi dabego augwa wai dabe digi ma ela tueibao. Te we bidi dabego augwa abagi hasi ma elama, tuiebao,’ wai dao.”

Te We Bidi Dabego Jerusalem Hagede Gela Wali 1:18

Tiali goli, Jerusalemgo te po wali, “Genuai Bidigo ena dali te yali kolesaga te dolo mu dao. Magi baso meni. Eno agai po sela sąwai dao. Tega, dage tigidali kantri we bidi, dagego eno te po odiąo. Eno te genuai sęgę tolali suao. Te boi bidi dabe augwaligo eno gesi bidi me gesi wegi dabe selama, tama augwali digibulu tǫ kantri dabeba mu kalabus igi palio.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Te We Bidi Dabego Jerusalem Hagede Gela Wali 2:21

Te boi bidi dabego augwa moni ge hwągo te gesi wegi ogwa me, monu dabe me, ela silalio. Awe, augwaligo te we sasiąwai gesi bidi dabe dali, te bidigo sasiąwai gesi we dabe dali te ela muani. Tama augwaligo tigi dabe eno sunumi dabede subigila wilalua pabo. Genuai Bidi, nago eno te we bidi dabe dali sębę mu yalio. Tama nago augwali dali hobede me ebeo. Menio. Nago augwali elama, isilai dao.

Te We Bidi Dabego Jerusalem Hagede Gela Wali 3:50

Ena gela odubadi, te Genuai Bidigo aba tonama, tama da homu kone eboba usu naibao.

Te We Bidi Dabego Jerusalem Hagede Gela Wali 3:52

Te bidi mebago ena dali olo dali boi bidi homu elama, tama ena olo dali elama, isilainu yali. Tama augwaligo ena bidigo ba pobeasa pabo tiwai yai.

Te We Bidi Dabego Jerusalem Hagede Gela Wali 5:11

Te Saion bulu dude digi, me te Juda dabego taun dabede, te boi bidi dabe augwaligo dago we dabe, me dago wegi mani dabe kegelama, tama augwaligo penani sę dabe yalio.