Te We Bidi Dabego Jerusalem Hagede Gela Wali 3:34 - Godigo dwagi yai po buku

^34-36 Tama tibaso, bidigo te da kalabuside bidibo Juda bage dali dwai sę ebaso da, teda Genuai Bidigo te koneaibao. Ma, bidigo te Ugwadu Mu Bidibo God dali hagoma eyu, tama gasa bidi dali doloba pai kolesaga isąbaso da, teda Godigo te sę ebo bidi sugobe da, agawe? Ma, bidigo te po tų ebo kolesaga doloyu, gasa bidiba dene mobaso da, teda Genuai Bidigo tede hagela homu mu yaibao.

Te We Bidi Dabego Jerusalem Hagede Gela Wali 3:34 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 102:20

Agai te kalabus bidi dabe augwa tolali sęgęde gela wabo odali. Tama agai te po tų silama tama augwa te kalabus silali bidi dabe tau siyu, te augwali me isidali weyu yalio.

Godigo Nogi Ugwaba Sabo Tęąbi Po Wabo Buku Dabe 69:33

Genuai Bidigo te doado bage sǫą pabo we bidi dabego gedu haluasa po wabo odali, tama agai te aga we bidi dabe te kalabuside bidibo bage te homu kone ebo me tagalugobeo.

Godigo Nogi Ugwaba Sabo Tęąbi Po Wabo Buku Dabe 79:11

Nago te kalabuside bidibo bidi dabego gela wabo odao. Tama te nago genuai bomogo, nago te bidi dabe te boi bidi dabego po weyu, te isimainao po wali bidi dabe, augwali ma sao.

Aisaia 14:17

Aga tama dawe, te hanu dabe dolama, tama te bulu dabe olo bulu nigilali bidi dawe? Te tama dao, te bidi agai te aga kalabus ilali bidi dabe hobede elama, tama agai augwa buluba ma pomainu sula tagalai menio,’ augwaligo te tobage po augwa hasi hanalu waibao.”

Aisaia 49:9

Te eno te kalabuside bidibo, me be hulia side bidibo bidi dabeba te tiwai po weyu, ‘Asao,’ po waibao. ‘Dage te kalabus tagalama, olo mu bidaibao,’” te po wali. “Tama augwa te kalabus tagalama, augwa tǫba ma asaibao. Te augwali sunumidu pebelayu, me bulu dudu pabode, te augwa tubo nai hauwa elalueibao.

Jeremaia 50:17

Genuai Bidigo e tiwai po wai, “Israel te sipsip me deli tiwai, te gasa tǫ kantri dabe te laion tiwai elama, aga dolainogo elama, te augwaligo aga pobeali. Hasia te Asiria kingo aga pageabi elama, tuali. Te nosali, te Babilon king Nebukatnesargo te agai nogo sągą dili dabe halua tuai dao.

Te We Bidi Dabego Jerusalem Hagede Gela Wali 3:33

Tama agai augwali dene me sęgę mabode agai wiegi yai homu me ebo menio.