Te We Bidi Dabego Jerusalem Hagede Gela Wali 3:21 - Godigo dwagi yai po buku

²¹ Tiali goli, eno gasa nai me homu kone yali, tama tialigo te tibogo eno Genuai Bidigo ena tau somainu bomo elama, mu tonalubao. Te nai dabe da e dao.

Te We Bidi Dabego Jerusalem Hagede Gela Wali 3:21 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 119:81

Nago ena ma sogowe weyu tonalu, te ena haliga sęgę mu ebao, tama eno bomo tigidali silibao. Tiali goli, eno nago pode konealubo homu dąų wai mu elalubo dao.

Godigo Nogi Ugwaba Sabo Tęąbi Po Wabo Buku Dabe 130:7

Da Israel dabe, dago konealubo homu te Genuai Bidiba muiyąo, magi baso meni, agai da sesemane wei mu idubao. Tama sesemane sogo te agai da tau sabo homu eyu, te da dolidali olama tebo dao.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.