Te We Bidi Dabego Jerusalem Hagede Gela Wali 2:19 - Godigo dwagi yai po buku

¹⁹ Hulide nage hauwa sogo mu hodalu, tama Genuai Bidiba gela hwą wao. Nago agabolo gedu haluasa po bomonama weyu, te nago sęgę agabolo pusuyu, me nago homu sęgę po agabolo pusao. Magi baso menio, naga wai bǫų dabe augwali nasi elama, tama augwali bomo kimi isibaso, augwali te naga sunumi dabe sesegede te dedege pabo dao. Tialima, nago nogo ugwaba selama, tama Genuai Bidibolo augwali hobede emainu hanalu wao.

Te We Bidi Dabego Jerusalem Hagede Gela Wali 2:19 Iomraidhean Croise

Jopgo Po Asęani Elalubo Buku 3:24

“Ena nai me tubo meni yani. Eno haligade gela naga wabo. Ena dene dwai mu ebaso, ena hwąwa boma mu wabo dao. Tama eno homu sęgę da, ąį gamiade wę pągąlubo tiwai elama pabo tiwai ebo.

Godigo Nogi Ugwaba Sabo Tęąbi Po Wabo Buku Dabe 119:55

Genuai Bidi, hulide eno homugo nage koneyu, tama nago dwagi yai po eno wali pabo dao.

Godigo Nogi Ugwaba Sabo Tęąbi Po Wabo Buku Dabe 134:2

Dagego te tempel be tomode gedu haluasa po bomo elama weyu, tama Genuai Bidigo nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 141:2

Eno homugo nago eno gedu haluasa po wabo te nageba denami ebo nai hano asobo tiwai emainao. Awe, te eno nogo si ugwaba siyu, nagebolo gedu haluasa po wabo si, eno homugo te ebo te nago gedude te piode mabo ofa tiwai emainao.

Godigo Nogi Ugwaba Sabo Tęąbi Po Wabo Buku Dabe 142:2

Eno agaba te enade elalubo te homu dogia pabo homu tigidali, me te enaba pedalubo tigidali sęgę po walali.

Godigo Nogi Ugwaba Sabo Tęąbi Po Wabo Buku Dabe 142:3

Te eno haliga sęgę mu ebo sogo, tama eno homugo ena dolaiba homu yai, te eno pabo tų te nago koneanio. Te eno sunumide te bidi dabego ena tola sabo bono gągą geme dualama, elalubao.

Godigo Nogi Ugwaba Sabo Tęąbi Po Wabo Buku Dabe 28:2

Te eno nageba i weyu, nago ena tau sao wabo sogo, te nago eno gela wabo odao. Eno gedu haluasa po weyu, tama eno nogo ugwaba siyu, te nago wiegi yai be elalubo madiba nogo dų yaibao.

Godigo Nogi Ugwaba Sabo Tęąbi Po Wabo Buku Dabe 42:3

Sesemane sogo te bidi dabego enaba te tama po wali, “Te nago God mena bidibawe?” Tama tibaso, ena sesemane sogo gela udubo sę yali. Te eno gedu ąį te eno siade me hulide nai tubo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.

Godigo Nogi Ugwaba Sabo Tęąbi Po Wabo Buku Dabe 42:8

Tiali goli, eno homugo te Genuai Bidigo enabolo te olo tau sabo kolesaga te giligade emainu yali. Tama te hulide eno te agaba usu da weyu, gedu haluasa po wabo tęąbi po waibao, tama te ena bidabo ula mabo Godiba te usu da po wabo gedu haluasa po waibao.

Godigo Nogi Ugwaba Sabo Tęąbi Po Wabo Buku Dabe 62:8

Eno hani dabe, sesemane sogo dagego te Godiba konealubo homu dąų waiyąo. Dagego te duga tigidali sęgę me, te tigidali homu te agaba pusao, awe, bidigo te wę gelibo tiwai eyu yao. Magi baso meni, da te agaba pelama, bugagia bidainu te tama tiao.

Godigo Nogi Ugwaba Sabo Tęąbi Po Wabo Buku Dabe 63:4

Te eno nageba usu da weyu, tama nago nogi ugwaba sidubadi, te ena isibo siba usu naibao. Te eno nogo ugwaba selama, tama nageba gedu haluasa po waibao.

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Aisaia 51:20

Te nago we bidi dabego bomo meni yai, te augwa gedu gęǫ page elama, te augwa degasa dulama, te augwali tigidali sunumi bagude pila muna muna palio. Augwali te hasa bade tuali tiwai elaluali. Augwa te magi sę yabo usu me ebeo. God, Genuai Bidigo te augwaliba wado po olama, te aga haliga sębę ebo kabude te ąį tumainu ilali, te augwali dodolo pelama, elaluai dao.

Jeremaia 14:18

Te ena hanu bulu badu bilibadi, eno te hwįnama elali bidi tigi dabe suali. Tama ena te hanu sunumi dabedu pobadi, eno te nai mu meni yai we bidi te augwa tigi dolali elalubo suali. Te pris me profet dabe olo bilibao, te augwa mena sę ebowe, te augwa me konesiąwai dao,’ nago te po pusao,” wali.

Jeremaia 9:20

Dage Jerusalem we dabe, Genuai Bidigo po enaba dageba po pusao wali, tama dagego agai poba olo bugagia muao. Dagego duga wegi dabeba te hobede ebo tęąbi wabo kolesaga ola mao. Tama dage we deli deligo te hobede ebo tęąbi wabo kolesaga te gasa we dabeba ola mao.

Esekiel 5:10

Te eno dwai dene dageba mabo sogo da, te aya ida mebago te augwa digi wai dabe elama tueibao, me te wai dabe mebago te augwa aya ida ela tubadi yaibao. Te eno dwai dene mabo sęgę dageba ebaso, te dage hauwa isaibao. Te me badu bidibaso da, teda eno augwali te gasa bulu tǫ pedai tigidaliba tedela palaibao,’ eno te tiwai po waingo ebao,” Genuai Bidigo te po wali.

Esekiel 5:16

Te we bidi augwali eno te nai sǫą palobo sę mu elama, te dage nai nasi mu yaibao. Tama dage te sęgę sabo dene ebo te enesigigo te ene dageba enama, te dage dolobo tiwai yaibao.

Maika 1:16

Te boi bidi dabego te dagego homu godolo mu ebo wai dabe selama, te selasa paibao. Tialima, te duga wai dabede homu dene ebo gela weyu, tama te tobolu nisi tigidali poala sąnama, te tobolu wane kikili ilao.

Nahum 3:10

Tiali goli te boi bidi dabego te Tebes dabe aiyaba elaluama, te augwali sela pelama, kalabus igi pali. Augwaligo te wai dabe elama, augwali te tigidali sunumi tunu magede isasa palio. Tama augwaligo te Tebes genuai bidi dabe te sengo nogo duani, te augwa hasi dobola selama, te augwali sela palio.

Matyu 14:25

Tama te be posabo magade Jisas te sigi ąį daidu pelama, aga wali pabo bidi dabe augwali bidibo gebaba pedalainogo pai.

Dwagi Yai Gesi Po Makgo Asęani 1:35

Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Dwagi Yai Gesi Po Makgo Asęani 13:35

Tama te dagego me te tiwai gilama bugagia tonaluiąo. Te be page bidi aga nisu sogo asabo te dagego konebe. Te aga pio asogowe, ma huli tomode asabo me, ma te be posainuba po obadi me, ma te kigamu asabo me, te dagego konebe dao.

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

2 Timoti 2:8

Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.

Te Israel Tobolu Bidi Dabe 7:19

Tama Gideon dali, te aga dali pali bidi dabe te bidi sese a naga 100 bidi augwali pelama, te boi bidi dabe bidalubo pesage sesegeba sabolali. Te be mu hulia sai pąde tama te sogo te Midian dabego hulide tonalubo ami bidi dabe te hasegelai digi dao. Tialima, Gideon me te bidi dabe badi augwaligo te augwa te biugel bu ola peyu, tama augwaligo te todolaluali tǫgo nigali sospen sene alulu palio.

1 Samuel 1:15

Tama Hanago po wei ponoyu, te tiwai po wali, “Genuai bidi, te ena me polobeo. Ena te wain me bia wę me tubeo. Mu menio. Eno haligade sęgę mu dwai ebaso, tama eno gedu haluasa po weyu, tama eno sęgę te Genuai Bidiba pusubao.

1 Samuel 7:6

Tialima, tigidali we bidi te Mispa hanuba sisinagasai. Tama augwa te wę te ulu węde tulama, tama tǫba gelu, te Genuai Bidiba ofa ebo tiwai yalio. Tama augwa nai tubo habu selama bididubadi, te giliga dega sigulali. Tama augwa te Genuai Bidiba te tiwai po wali, “Dago dwai sę te nago gedude yai dao.” Tama Samuel te Mispade bidu, tama te Israel dabego po tų yagasobo odama, tama augwaligo po dodola mayu yai dao.