Te We Bidi Dabego Jerusalem Hagede Gela Wali 1:9 - Godigo dwagi yai po buku

⁹ Polobadu aga dwai kolesaga te pepeli dilide mu elaluai dao. Tiali goli, agai aga dolabo homu kone me ebeo. Tama tialigo aga mu dolama, mu dolali, tama bidi mego aga hobede eyu, tau sabo me egobeo. Tama Jerusalem agai e tama tiwai po i obao, “Genuai Bidi, eno e sęgę suao. Te boi bidi dabego ena aiyaba mu elalualio. Tama augwaligo ena dolalide wiegi yai homu pemene elama, gana pali dao,” wabo.

Te We Bidi Dabego Jerusalem Hagede Gela Wali 1:9 Iomraidhean Croise

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

Te Israel me Juda Hani Sigo Tuni Bidigo Po Elalubo Buku Si 14:26

Genuai Bidigo suali, ma te Israel hani augwa boi bidi dabego te augwali tigiba genuai sęgę mu mabo sę eyu, tama augwali mu silibo homu ebo koneani. Tama tialima, te deli deli bidi naga bidada pali. Tama me te augwali tau sabo bidi me deli meni.

Nehemia 9:32

“Dago God, nago genuai nogi me genuai bomo elalubao. Da tigidali te nago bomo dologode bidibao. Tigidali sogo nago te naga dąų walali bomai po wali pelama, tama nago dabolo te olo mu tau sabo wiegi yai kolesaga ebao. Megi da te genuai sęgę tolai, tama tiyu dago homugo nago da homu koneama tau sao. Polobadu te Asiria king dabego te dago kingba, me tobolu bidi dabeba, me pris, me profet dabeba dwai sę eyu, te dago wąį nǫų dabeba me te tiwai yai. Tama te sęgę dade elalua asidubadi, te megi e sogoba usu nagasobao.

Godigo Nogi Ugwaba Sabo Tęąbi Po Wabo Buku Dabe 119:153

Nago suali, ena te genuai sęgę elalubo, tama tialima, nago te sęgę sela sąyao. Eno nago bomo yai po homu kone me gegeda palobo menio.

Godigo Nogi Ugwaba Sabo Tęąbi Po Wabo Buku Dabe 140:8

Genuai Bidi, nago te dwai sę ebo bidi dabeba te augwaligo sainu ebo nai dabe munu me magio. Tama augwali hagoma idali weyu, nago augwaligo te dwai sę yainu po mia sali sę emainu me elamu dao.

Godigo Nogi Ugwaba Sabo Tęąbi Po Wabo Buku Dabe 25:18

Nago enade te haliga sęgę, me haliga dene ebo tigidalide nago homu kone palama, tama nago eno sęgę tigidali sela sąyao.

Godigo Nogi Ugwaba Sabo Tęąbi Po Wabo Buku Dabe 69:21

Te eno nasi ebo sogo, augwaligo te dwai marasin ena mani. Te ena dogoni wa pobaso, tama augwaligo te ha ebo ąį nogi viniga naga ena mayu yai dao.

Ma Dobola Sali 3:17

Tama eno te po wali, te eno dage Isip tǫde selama, te bulu bidi dabego dwai sę mu dagebolo ebaso, tama eno dage te Kenan bagego tǫ, me te Hit hani, me te Amor me, Peres me, te Hivi, me Jebus, te hanigo tǫba eno dage odasa painogo ebao. Te dwagi yai tǫ, te ili hauwa elalubo tǫ dao.” ’

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Ma Dobola Sali 4:31

Tama tibaso, augwaligo homu Aronba mu dąų wai. Augwaligo te po tiwai wabo odali, Genuai Bidigo suali, te Isip hani augwaligo te Israel hani dali dwai kolesaga ebaso, agai homu hauwa augwalide ebo dao. Tama te we bidi dabe augwaligo te po odolama, tama augwa tobolu tǫba aiyaba munama, Genuai Bidibolo lotu po wai.

Kolesaga Koneai Bidigo Pusali Po Elalubo Buku 4:1

Te tobage dolo isąwai kolesagade eno homu kone ma palali, te tǫde we bidi augwaligo ebo kolesaga da. Te dwai sę ebo bidi dabego te we bidi hauwa aiyaba elalubaso, tama te we bidi augwali dwai mu gela wali. Tiali goli, augwali tau sabo bidi meni yai. Magi baso meni, te dwai sę ebo bidi dabego bomo hauwa elalubao.

Aisaia 3:8

Jerusalem de Juda si te dwai sogoba sabolama, tulalubo gagalali. Magi baso meni. Augwaligo tigidali pogo me, sęgo me, augwaligo Genuai Bidigo nogi aiyaba elalubo dao. Augwaligo te dwai kolesaga agai gedude ma ebo dao.

Aisaia 37:17

Genuai Bidi, eno homugo nago olo eno gedu haluasa po waboba bugagia munama, te eno gedu haluasa po odolama, tama nago daba te pedalubo dwai sę dabe bugagia suao. Tama eno homugo nago te tigidali dwai po wabo odomainu hagede ilali, Senakeripgo nageba te sę yai, God nage te sesemane sogo bidada pabo dao.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 37:29

Eno te nago haliga sębę ebo po, me te hagoma ebo po tigidali te tama kolesaga ebo po odali, te nago tama tiyu, naga digi naga nogi ugwaba sali. Tiali goli, megi da, eno nagede bomai po elalubao. Eno te huk te bisigi ebo nai selama, te nago gunide munama, te eno ain dage augwaligo te hos pedauwalide mubo nai selama, te nago pedauwalide muaibao. Tama nosali eno nage te naga asali sunumidu ma kekasa paibao,’ Genuai Bidigo te po wai.”

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 47:7

Nago homugo nage te kwin sesemane sogo bididuaiba homu yali, tama tiyu, nago te nageba nosali pedelabo sę te bugagia homu kone palobeo. Mu tama, tede nago homu kone palobeo.”

Aisaia 51:19

Nago sęgę genuai mu tolama, te dego nage homu dene elama, te nago haliga wiegi yai usu ma iligowe? Te boi bidi dabego aluama, nage dolagasali. Te augwaligo nago we bidi me hauwa te bainatgo elali. Te genuai nasi nageba pedelali sogo tiali. Te eno mena sęgo nage tau selama, nago te haliga sęgę elalubo siligowe?

Aisaia 54:11

Genuai Bidigo te tiwai po wai, “Hobede ya, Jerusalem, nage te hauwa dolali taun, te nage homu dene elama, tau sabo bidi meni yai. Tiali goli, eno te wiegi wiegi yai masigi te gasagi yai mu selama, te nage ma nigaibao, te nage gasa sawi yai taun mu pedelaibao. Eno te gasagi yai tedali masigi dabe selama, te tǫde wasilama, te ugwadu daide taun ma nigaibao. Te eno te haniani wiegi yai dila pai masigi selama, nago be sę ebadi, te bomai obogo nage bagulama, te obo sunumi dabe me, te genuai masigigo nigai obo daide elaluabo taua, te dabe nigaibao.”

Jeremaia 13:27

Eno nago ebo kugumini yai kolesaga sualio. Nago te tibo god dabe wali pabo sę bomonama eyu, te augwaliba te bulu du dabeba lotu weyu, me te kala pesage dabede lotu weyu ebao. Nage te we me deli tiwai aga sali bidi mu tagalama, te gasa bidi dabe dali pigi pelama, te penani sę umabo mu yali. Tama nage te so hosgo te omai hos dabeba bomonama i wabo tiwai ebao. Hobede muo, Jerusalem, nage te meda yai mu bididu, te nage wiegi yai meda meni yai pedelabo homu ebeo. Nage te tiwai tama bidada pidubadi, te mena sogoba usu naibawe?” te po wai dao.

Jeremaia 16:7

Tialima, te isali bidi dabede te bidi mebago homu denede gela wagasobaso, te bidi dabeba nai me tuabo ąį sela asabo bidi dabe meni yaibao, te augwali homu nagame ilabo sę yabo me tegobeo. Te augwa aya ma ida isali, te tagala, te hani dali hobede elama bidagasabo bidi meni yaibao,” te po wai.

Jeremaia 2:34

Te walu doado bage meni yai bidi dabego nago be alusiąbadi, tiali goli nago augwali odolali elama, tama augwaligo kaneme te nago ugwa dabede dagana sai elalubao. Nago te tobage dwai kolesaga dabe eyu,

Jeremaia 48:26

Genuai Bidigo te tiwai po wali, “Moapgo ena dali hagoma ebaso, te eno homugo te boi bidi dabego aga elalumainogo homu elama, te aga bomai ąį tulama, gęǫ page ebo bidi tiwai pedalumainogo ilimainao. Te aga bugali bogu daide pila mudu, bebegeludubaso, te bidi dabego aga gisugu momainogo yaibao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Te We Bidi Dabego Jerusalem Hagede Gela Wali 1:17

Saiongo bidi mebago aga tau somainu homu eyu, aga nogo balalubao, tiali goli, te bidi aselama, aga dali hobede eyu, tau siyu me yagasobeo. Genuai Bidigo boi bidi dabe tigidali bulu badu i olama, tama te Israel hani dali hwįagasali. Tama te boi bidi dabego te Jerusalem te dwai damua pai pesage tiwai mu tonobo ąǫ yali.

Te We Bidi Dabego Jerusalem Hagede Gela Wali 1:21

Te meba gasa we bidi hanigo eno ena te dene ebaso, gela wabo po odali. Tiali goli, ena dali hobede yabo bidi meni yai. Te eno boi bidi dabego nago enabolo te mani te genuai sęgę po odali. Tama augwaligo nago te yali sędę augwali wiegi yai homu pemene genuai mu ebao. Polobadu nago enabolo dwai dene maiabo bodolu muai dao. Tama te bodolu polo pedelalio. Tiali goli, megi da, eno homugo nago eno boi bidi dabeba me deli tiwai kolesaga me yao.

Te We Bidi Dabego Jerusalem Hagede Gela Wali 2:13

Jerusalem, eno nage hobede mu dwalio. O Jerusalem, te meba taun dabe nago te sali dene tiwai me sai menio. Tialima, eno mena po mu olama, nago homu dąų walaibawe? Nage dolali, te ene genuai mu tomoba pali tiwai yalio, te tamu ąį ge te aiyana mu dulali tiwai yalio. Tama nage dego wiegi yai ma pedelemainu egowe? Woo, bidi menio.

Te We Bidi Dabego Jerusalem Hagede Gela Wali 4:1

Hobede mu dao. Te Saion we bidi dolama elalubao. Polobadu augwali te sawi yai gol tiwai sawi yai mu elaluai dao. Tiali goli, te gol dabe augwali ula me isąma, megi da dolama mu elalubao. Polobadu da, te Genuai Bidigo genuai be tempel augwaligo te wiegi yai masigi dabego nigilama elaluai dao. Tiali goli, augwali megi da hagayali dao, te masigi dabe subigila tulaluama, te tigidali taun sunumi dabede munalua pabo dao. Megi da, te we bidi augwali nogi ma elalubeo. Augwali te dwai pobele bage sene dage te bidi dabego nigai, te sene dage tiwai dao.

Te We Bidi Dabego Jerusalem Hagede Gela Wali 5:1

Genuai Bidi, nago dabolo te dwai nai pedelali kone elama, tama nago da hobede yagameo. Suao, da dolama mu bidiyu, tama da meba we bidi hanigo gedude da hale dwai mu te ebao.

Hosea 2:14

Genuai Bidigo te po begelama wabo pode te tiwai po wali, “Tialima, eno te wiegi yai po te we Israel dali olama, tama aga te masigi kemi pesageba ma kekasa paibao. Tama eno aga homu bega sabo po weyu, agabolo te tiwai po waibao, ‘Eno nage godolo mu ebao,’ waibao.

Sefanaia 2:10

Te tama tiwai sę te Godigo te Moap dabe me Amon dabe dali me dene mawaibao. Magi baso meni. Augwaligo hamaga elama, tobolu gagea peyu ebo dao. Tama augwaligo Genuai Bidi Tigidali Bomo Elalubo Bidigo we bidi dabe dali dwai po wabo dao.

Dwagi Yai Gesi Po Jongo Asęani 11:19

Tama Juda we bidi hauwa augwali Jerusalemdu aselama, Marta dali Maria dali si bidibo digi asai, augwali si dali mumonani po omainogo, augwa si abe isali sogo tiwai.

Bomai Po 26:7

Tama tibaso, dago te Genuai Bidi, dago wąį dabego God, dago aga i wali, te da tau somainogo. Agai dago gela wali odali, tama me agai suali, dago tigide dene ebo, me bomai sę dabe, me dwai sogo dade posobo me agai suali.

Bomai Po 32:27

Tiali goli, eno tama tiali da, te boi bidi dabe augwali polama, te po wagi dao, “Dago Godigo we bidi dago bomogo augwali aiyaba elaluali dao,” po wagi dao. “Augwa Genuai Bidigo te sę dabe emainogo ebeo,” wagi dao. Tiyu, te boi bidi dabe augwaligo te po waidalio, tama tibaso, eno augwali mu siligobeo.’”

Bomai Po 32:29

Tialima, augwaligo homu kolesaga elaluyu da, teda augwaligo augwali te dolali te sę page konigi dao.

1 Pita 4:17

Magi baso meni. Te Godigo we bidi osola subo bodolu mani sogo pąba yagasai dao, tama agai te aga hani we bidi dali te osola suyu, te po tų ebo sę gagalaibao. Tama da, te da Godigo po wali pabo we bidi hani dao. Tialima God agai te po tų dodolobo sę gagalainogo eyu, tama hasia bolo agai te da aga hani we bidi dali te sę yaibao. Tama tibaso da, te Godigo gesi dwagi yai po odobo hagela yai we bidi dabe, nosali agai augwali dali te po tų ebo si, te augwaligo genuai dene mu saibao.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.