Te We Bidi Dabego Jerusalem Hagede Gela Wali 1:15 - Godigo dwagi yai po buku

¹⁵ Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.

Te We Bidi Dabego Jerusalem Hagede Gela Wali 1:15 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 9:33

Tama Jehugo augwalibolo e tama po wali, “Te we eba eda sąyao,” wali. Tama augwaligo te Jesebel selama, tama te we aga aba sąwai. Tama agai kanemego dobola sąyu, tama te kanemego tama te bede me te kaneme dagana sali, tama te Jehugo hos kibude me te kaneme dagana sali. Tama Jehugo te hos kibugo me te karisgo me te Jesebel tigidu agaga pali.

Godigo Nogi Ugwaba Sabo Tęąbi Po Wabo Buku Dabe 119:118

Te nago bomo yai po wali pisąma tagalobo we bidi tigidali te nago tudiba mubo dao. Te augwaligo tibo po wabo dabe te odolali waibao.

Aisaia 28:18

Tama eno dagego te isibo kolesaga dali, me te isibo bidi dabego bulu dali, dagego dąų olama yali po eno tomode togolama, mu silaibao. Tama te dwai kolesaga mu dagede pedalama, tama dage mu isila paibao.

Aisaia 41:2

Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Aisaia 5:5

Megi da, dagebolo ena wain gide yaiba homu yali po dagebolo eno pusa mawaibao. Te eno wain gi obo hųgia sąwaibao. Awe, te obo dolama, tama te bulu hasa dabe te gi tomoba pelama, tama te wain ni tulama, dolomainu yaibao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Jeremaia 13:24

Jerusalem, te eno nago we bidi dabe sela sąwaibao, te waligo te wa pai pesage taga soyu, te witgo hogomu sela sąyagasobo tiwai yaibao.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Jeremaia 18:21

Tialima, megi da, eno homugo nago te augwaligo wai dabe te nai sǫą pelama, nasi eyu, isimainogo ilao homu ebao. Tama te boi bidi tagala palomainogo elama, te bidi dabego meba ela mumainogo ilao. Tama te bidi meba dwai gasi selama, isimainogo yao. Tama te gesi ogwa bidi dabe da, te boi hwįgi pabode isimainu yao. Tama te augwa we dabe sibi te wai meniama, te bidi me meni yaibao.

Jeremaia 37:10

Te dagego Babilon dabe dali hwįnama, te augwaligo ami tigidali aiyaba elaluama, te dagego augwali ami bidi dabe hauwa ela mugi sogo da, teda tagalao, te hwįnama tigi dabe dolali ami dabe te augwa ugwa bede bidaluama, tialima, te bagego digi hogodama asiyu, te taun isigo ulubo usigi da,” te po wai dao.

Jeremaia 50:26

Dage tigidali pedai badu bidibo boi bidi dabe, dagego te Babilonba hwįagasiąo. Dagego te wit nai mubo be dabe tigidali aluao. Tama te Babilongo nai doado bage tigidali selama, te bidigo wit dabe pesage du holobo tiwai gilama yao. Tama te nai dabe dagego mu dolao. Dagego te bidi deli me elalumainogo me sula tagalamu dao.

Jeremaia 51:34

Taun Jerusalemgo te tiwai po wali, “Babilon king Nebukatnesargo ena tulama, te ena mu silalio. Aga te bulu gula mane me deli tiwaigo ena mu dalali. Te agai haliga eno wiegi yai naigo pągąnai. Agai te nai tula silama, te ena te moni pou disde te nai habu deli me munalu sąbo tiwai ilali. Nosali agai ena mu peą sąwanio. Te Babilon dabego eno tigi mu dolama, te eno kaneme gelali. Te augwa dwai sę yali dao, te eno homugo te Genuai Bidigo augwa te dwai sę yali wei ponao,” po wai dao.

Jeremaia 6:11

Tiali goli, Genuai Bidi, nago augwaliba dene mabo haliga sębę enade me pągąnalubao, tama eno homude te dene mabo haliga sębę te palia saiba homu ebaso, usu egobeo.” Tialima, Genuai Bidigo enabolo e tama po wai, “Eno te haliga sębę ebo eno te sunumi dabe bidalubo wai puluba dabeba gea paliyu, te gesi bidi dabe sisinaluboba me tiao. Te bidi dabe augwa we dabe dali, me te monu dabeba me, eno te haliga sębę gea palao,” wai dao.

Te We Bidi Dabego Jerusalem Hagede Gela Wali 2:21

Te boi bidi dabego augwa moni ge hwągo te gesi wegi ogwa me, monu dabe me, ela silalio. Awe, augwaligo te we sasiąwai gesi bidi dabe dali, te bidigo sasiąwai gesi we dabe dali te ela muani. Tama augwaligo tigi dabe eno sunumi dabede subigila wilalua pabo. Genuai Bidi, nago eno te we bidi dabe dali sębę mu yalio. Tama nago augwali dali hobede me ebeo. Menio. Nago augwali elama, isilai dao.

Te We Bidi Dabego Jerusalem Hagede Gela Wali 3:34

Tama tibaso, bidigo te da kalabuside bidibo Juda bage dali dwai sę ebaso da, teda Genuai Bidigo te koneaibao. Ma, bidigo te Ugwadu Mu Bidibo God dali hagoma eyu, tama gasa bidi dali doloba pai kolesaga isąbaso da, teda Godigo te sę ebo bidi sugobe da, agawe? Ma, bidigo te po tų ebo kolesaga doloyu, gasa bidiba dene mobaso da, teda Genuai Bidigo tede hagela homu mu yaibao.

Daniel 3:13

Kingo te tama po odolama, tama aga wado po dwai mu olama, tama te po weyu, augwaligo te bidi sela agaba odasa asao wai.

Joel 3:13

“Te hani we bidi dabe te dwai mu dao. Te augwali te bidigo inawai tau yai wit nai togobo tiwai togwao. Te augwali bomonama agawaibao, bidigo te wain wai ge du te sągągo agabo tiwai yao. Te halobage tiwai nai te mu pągąna pelama, te wain ąį buluba gelaibao. Tialima, te hani dabe mu dolaibao,” wai dao.

Maika 7:10

Polobadu te boi bidi dabego dabolo te tiwai posobo po wali, “God, duga Genuai Bidi, menade bidibawe?” wali. Tiali goli, nosali te Genuai Bidigo da tau sabo augwa sulama, te augwali hale dwai mu saibao. Te Genuai Bidigo augwali aiyaba elaluama, te augwaligo te tǫ pu aiyana pai, te bidi dabego sągągo agabo tiwai ebo sueibao.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Dwagi Yai Gesi Po Lukgo Asęani 21:24

Tama te boi bidi dabego te Juda dabe me badu moni hwągo ela muaibao, me badu nogo si dųlama, kalabus ilama, odasa pelama, tama tigidali gasa tǫba mugi paibao, tede mu bidimainu yaibao. Tama te boi bidi dabe, te Juda bidi hani isąwai dabe, augwaligo te Jerusalem hanu mu dola silaibao, te aiyaba elaluaibao. Tama nosali te Juda hani isąwai dabego Juda dabe aiyaba elaluabo si silaibao,” Jisasgo te po augwalibolo wai.

Bomai Po 28:33

Te gasa kantri bidi dabe, dagego konesiąma yali bidi dabe, augwaligo dagego bomai sę elama bulai gi nai dabe sagasaibao. Tama tigidali sogo augwaligo dage dali dwai sę elama, dage dwai dene mayu yaibao.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Te Israel Tobolu Bidi Dabe 10:8

Te sogo kibu bede te augwali Israel dabe aiyaba elaluama, tama augwali mu dolali. Te Filistia dabego me te Amon dabego te Israel dabe aiyaba elaluama, tama augwaliba dwai sę mu ilidubadi, te 18 kibu be bidai. Te wę Jordan pedai me badu te Gileat te badu bidali te Israel dabede te tama sę yali. Te giliga pedalubo badu te Amon dabe bidali badu te sę yalio.