Te We Bidi Dabego Jerusalem Hagede Gela Wali 1:12 - Godigo dwagi yai po buku

¹² Jerusalemgo aga pąde elalubo sunumide soabo we bidi dabeba i wabo sę ebao. Agai te po obao. “Suiąo, ena genuai sęgę genuai mu elama, tama Genuai Bidi agai ena dene genuai mu manio, te aga sębę moni posolo tiwai mu yali sogode. Te polobadu te bidigo te tobage dene me sai meni yali bogo, tiali goli, dagego homugo te olo nai da weyu ebao.

Te We Bidi Dabego Jerusalem Hagede Gela Wali 1:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 88:16

Genuai Bidi, nago haliga sębęgo ena mesegelali. Nago ena dodolagia mu elama, tama ena mu dolai dao.

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Jeremaia 10:19

Tama te Juda dabego te tama po waibao, “Hobede mu ebao, da dolalio. Te dago sęgę genuai mu elalubao, te genuai keni pedela sisąbo tiwai ebao. Tiali goli, tagalao, te sęgę daba pedelama, te dago tolobo dao,” te po wali.

Jeremaia 18:16

Tialima, te augwa tǫ dolama, te olo pesage bulu tiwai pedelaibao. Tama te gasa hani we bidi te badu asobo sogo, augwa sulama, dwai midigi siyu, te wi umagi ebo dao.

Jeremaia 30:23

Odao. Genuai Bidigo haliga sębę te dwai sę ebo bidi dabeba pedelainogo ebo, te bomai wali me tulubage te augwaliba pedalubo tiwai yaibao, tama te poboge ebo bomai waligo te augwali tobolu aiyaba agabo tiwai yaibao wali.

Jeremaia 30:24

Genuai Bidigo haliga sębę me elaludu, te agai yaiba homu yali sę tigidali ela siligi paboba usu naibao. Te nosali dagego te sę page koneaibao wai dao.

Jeremaia 30:7

Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 48:27

Moap, polobadu nago posobo po olama, te Israelba dwai gisugu mawai Magi yaliwe? Nago homugo Israel te nai wi sabo hani tiwai me deli bidibaso, te nago agaba posobo po weyu, te nago aga nogi aiyaba elaluai da, agawe?

Te We Bidi Dabego Jerusalem Hagede Gela Wali 1:18

Tiali goli, Jerusalemgo te po wali, “Genuai Bidigo ena dali te yali kolesaga te dolo mu dao. Magi baso meni. Eno agai po sela sąwai dao. Tega, dage tigidali kantri we bidi, dagego eno te po odiąo. Eno te genuai sęgę tolali suao. Te boi bidi dabe augwaligo eno gesi bidi me gesi wegi dabe selama, tama augwali digibulu tǫ kantri dabeba mu kalabus igi palio.

Te We Bidi Dabego Jerusalem Hagede Gela Wali 2:1

Hobede mu dao, te wiegi yai taun Saion. Genuai Bidigo aga dali sębę genuai mu yali. Tama agai sębę da, te hulia sai haowago taun mesega sai tiwai dao. Polobadu da, te Jerusalem te kantri Israel bagego gawe ebo wiegi yai taun elaluama, tama megi da, agai te Jerusalem aiyaba elaluama, aga olo pobele bage tiwai elalubao. Mu tama Genuai Bidigo te taun Jerusalem dolobo sogo, agai aga tempel be te taunde elalubao olama, homu kone me ebeo. Menio. Agai taun sese tama mu dolalio.

Te We Bidi Dabego Jerusalem Hagede Gela Wali 2:13

Jerusalem, eno nage hobede mu dwalio. O Jerusalem, te meba taun dabe nago te sali dene tiwai me sai menio. Tialima, eno mena po mu olama, nago homu dąų walaibawe? Nage dolali, te ene genuai mu tomoba pali tiwai yalio, te tamu ąį ge te aiyana mu dulali tiwai yalio. Tama nage dego wiegi yai ma pedelemainu egowe? Woo, bidi menio.

Daniel 9:12

Nago te sę yaibao wali gilama tama te sę nago te dabolo me, dago tobolu bidi dabeba me yali. Nago te Jerusalemba te dwai sę mu elama, tama mu dolali. Te gasa taun me deli te Jerusalem taun dolali tiwai munu me ebeo.

Joel 2:2

Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Matyu 24:21

Te sogo da, te sęgę genuai mu elaluaibao. Te e tǫ gesi sogo elalubadi te megi e sogode te usu nagasu, te tiwai sęgę te polobadu munu me pedalobeo. Tama nosali me te tiwai sęgę munu me ma elalugobeo. Menio.