Te We Bidi Dabego Jerusalem Hagede Gela Wali 1:1 - Godigo dwagi yai po buku

¹ Jerusalem da, hobede mu dao, aga te yǫya pai we me deli tiwai bidibao. Polobadu da, agai we bidi hauwa mu elaluai dao. Tiali goli, tegoba, megi da, aga olo mu te elalubao. Awe, polobadu agai gasa tǫ kantri dabe we bidi tomode genuai nogi elaluai da. Tiali goli, megi da, aga sęgę genuai elalubao, te wilawe we me tiwai dao. Polobadu aga te polalubo kwin we tiwai bidama, agai provins hauwa tonaluai dao. Tiali goli, megi da, te boi bidi dabego aga aiyaba elaluama, tama aga olo sę ebo we tiwai te bidibao.

Te We Bidi Dabego Jerusalem Hagede Gela Wali 1:1 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

Te Israel me Juda Hani Sigo Tuni Bidigo Po Elalubo Buku Si 23:33

Te Isip bulu king bidi Nekogo agai te bidi Joahasgo te king sę yali sela sąyani, tama aga te Hamat bulu taun Ripla taunde aga te hadabu bede bidali, tama te king Joahas aga king bidi nigilama ma bidibe. Tama te king Nekogo te Juda hani dali te agai takis mone sali, te mone te 3,400 kilogram usu silva me sali, me te 34 kilogram gol, tama mone dabe selama, takis mone mani.

Te Israel me Juda Hani Sigo Tuni Bidigo Po Elalubo Buku Si 23:35

Tama te king Jehoiakim agai te tigidali we bidi dabe dali, te silva me gol me sali, tama te agai te nai dabe selama, tama te Isip king bidi Nekobolo te takis mone mawai. Te king bidi Jehoiakim agai augwalibolo te po wali, “Dagego te takis mone te duga usu naga sesaibao,” wali. “Te umabo mone mubo bidigo da, teda augwaligo genuai mone muao,” wali, “tama te dwasianu mone munalubo bidigo da, teda te dwasianu mone mao,” wali. Tama tialima, te king Jehoiakimgo te we bidi dabego te muani te silva me, te gol me agai selama, tama te king Nekobolo tolali.

Tuni Bidi Dabego Po Elalubo Buku Si 9:26

King Solomongo te tigidali kantri king bidi dabe tonaluali, te moni pabo ąį nogi Yufretis gagalasa pelama, kantri Filistiadu pelama, kantri Isip dąį usu nigi pali.

Esra 4:20

Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.

Nehemia 5:4

Tama hani mebago te tiwai po wali, “Dago me te dena abagi dabede te negeli selama, te kingba takis maiabo mone sai. Tama dago te negeli wei ponesiąbaso da, teda te abagi dabego te dago tǫ me wain gi saibao,” wai.

Nehemia 9:37

Dago te dwai sęgę sabo sę yalio, tama tibaso nago te gasa bulu tǫ pedai kingo da tonalumainu yai. Tama augwaligo te dago tǫde pedalubo nai tigidali siyu ebo dao. Te kingo te po obaso da, teda dago dali te dago tonalubo nai kibu dabego me te agai homu wali naga pabo dao. Tama tiyu, dago sęgę genuai mu elalubo dao,” augwaligo te po wali.

Godigo Nogi Ugwaba Sabo Tęąbi Po Wabo Buku Dabe 122:4

Te Israel hani dabe teba aselama, te Genuai Bidiba puba hwi po wagasobo dao, te polobadu agai augwaliba wali po tiwai gilama ebo dao.

Aisaia 14:12

“Nage genuai nogi mu elaluai dao. Te tigidali tǫde we bidi dabego gedude nage te kigamu dagalude nanebo hǫ tiwai bidai dao. Tiali goli, megi da, Godigo nage polo tǫba sąwai dao. Nage boma pai hwįbo bidi dao, nage tǫ pedai kantri hauwa aiyaba elaluali bidi dao. Tiali goli, megi da, mu menio.

Aisaia 3:26

Tama augwaligo nago nai tigidali saibao. Nage te we me augwaligo agai ugwa dabe sese sela sąwai tiwai yaibao. Tama aga tǫde habu olo dulalubo tiwai yaibao. Tama te obo sunumi dabego te nai dabe nage tigide pedalobo sulama, tama augwali hobede elama, gela waibao.

Aisaia 49:21

Te nago nagade digi te tiwai po waibao, ‘Dego enaba te tigidali wai maniwe? Eno wai dabe te hagawai, te eno wai ma ame nogobeo homu yali. Te boi bidi dabego ena kalabus elama, sela pali. Dego mu te wai dabe ame nenama, negeduama, te genuai eboba usu naniwe? Enaduba deli bidai, tiali goli te wai dabe menadu asela wai dawe?’ nago te po hanalu waibao,” God Genuai Bidigo te po wali.

Aisaia 50:5

Genuai Bidigo eno olo dalama, te agai po odomainu yali, te eno agade hagoma eyu, te agai enaba mawainu ebo sęde te habu bulu me kilasa pabeo.

Aisaia 52:2

Hobede ya, Jerusalem, tiali te nage hogodama, te nago tigide tǫ sela sąyao. Awe, Saion hanu, te nago dogonide kęnani sen peda sąnama, te naga sia kingba duagi soao.

Aisaia 52:7

Te we bidi augwaligo bidi me deli te bulu du pesagedu udada asobo sulama, te wiegi yai pemene mu yaibao, te wiegi yai po Jerusalemba selasa asali. Agai te tiwai po waibao, “Saion, te wiegi yai sogo pedelalio. Godigo te boi bidi dabe aiyaba elaluama, te agai nage bugagia bidimainu ilalio. Megi da, nago Godigo te tigidali nai tonalubo dao,” agai te po waibao.

Aisaia 54:4

“Jerusalem, nage wi me igio. Te nage hale munu ma egobeo. Te bidi dabego posobo po nageba munu ma wagobeo. Te nage gesi ogwa bidi elalubadi hale sali, te nago homu kone mu gegeda palama, te sogo nagaduba te bidibo we tiwai homu ebo kone me isiąyu, te aga bidi isai we tiwai egobeo.

Jeremaia 31:7

Genuai Bidigo te tiwai po ma wali, “Te Jekopgo haniba wiegi yai pemene ebo tęąbi po wao, te hanigo te tigidali gasa hani dabe edelama, polalubo mu dao. Te enabolo genuai nogi mabo tęąbi weyu, te tiwai po wao, ‘Genuai Bidi, naga we bidi dabe ma sao, te me badu bidali hani Israel pedai dao,’ te po wao.

Jeremaia 40:9

Gedaliago augwali sulama, augwaliba te tiwai po wali, “Nogo guni sisu weyu, eno mu po obao, dage te Babilon dabe dologode bidibo wi me igimio. Menio. Dage te tǫde bidalu, te Babilon king dologode bidali da, te dage bugagia mu bidaibao.

Jeremaia 42:2

te Jeremaia bidibo madiba pali. Te augwaligo agabolo te tiwai po wali, “Edao, te nago Genuai Bidi Godiba nago gedu haluasa po weyu, te agabolo hanalu, te da dwasianu hani we bidi tau somainogo yao. Polobadu da hauwa elaluali, tiali goli megi nago suali, da dwasianu hani naga bidibao,” wali.

Jeremaia 44:2

“Tigidali Bomo Elalubo Genuai Bidi, aga da Israelgo God, agai te tiwai po wali, ‘Duga digi te tigidali dene mabo sę ena Genuai Bidigo te Jerusalemba me te tigidali Juda taunba yali sę suai dao. Megi augwali dolama elalubao, tede bidi me bidibe dao.

Jeremaia 44:6

Te eno haliga sębę umabo mu augwalide elama, te eno Juda taun dabeba, me Jerusalem sunumi dabeba me dolobo sę eyu, te augwali eno dwagila mu dolali. Te augwali doludubadi geąį dao,’ da Israelgo Godigo te po wai,” Jeremaiago te po wali.

Jeremaia 50:23

Babilon te hama me deli tiwaigo te gasa tǫ kantri dabe pepeda sąbo tiwai yali. Tialima, megi da, dage te Babilongo boi bidi dabe, dagego te Babilon pepeda sąnama dolao. Te gasa tǫ pedai kantri hani we bidi augwaligo aga subo sogo da, te augwali midigi dwai mu saibao,” te po wai dao.

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Te We Bidi Dabego Jerusalem Hagede Gela Wali 1:19

Eno abagi dabego ena tau somainu i wai dao. Tiali goli, augwali eno boi bidi pedelalio. Eno pris dabe, me tobolu bidi dabe, augwali nasi genuai mu yali. Tama augwali bugagia bidabo tubo nai gegebo bomai sę mu yalio. Tiali goli, augwali nai meniama, tama augwali eno sunumi dabede isai dao.”

Te We Bidi Dabego Jerusalem Hagede Gela Wali 2:1

Hobede mu dao, te wiegi yai taun Saion. Genuai Bidigo aga dali sębę genuai mu yali. Tama agai sębę da, te hulia sai haowago taun mesega sai tiwai dao. Polobadu da, te Jerusalem te kantri Israel bagego gawe ebo wiegi yai taun elaluama, tama megi da, agai te Jerusalem aiyaba elaluama, aga olo pobele bage tiwai elalubao. Mu tama Genuai Bidigo te taun Jerusalem dolobo sogo, agai aga tempel be te taunde elalubao olama, homu kone me ebeo. Menio. Agai taun sese tama mu dolalio.

Te We Bidi Dabego Jerusalem Hagede Gela Wali 2:10

Te Saion monu dabe, augwali olo dali tǫde dulaluyu, tama augwali pedauwali pania selama, bidalubao. Augwaligo augwa tobolude tǫ hogomu munama, tama augwaligo hobede side gudubo ugwa gudama bidibao. Tama te Jerusalemde gesi wegi mane augwali homu sęgę mu elama, tama augwaligo tobolu tǫba basi gulama, elalubao.

Te We Bidi Dabego Jerusalem Hagede Gela Wali 4:1

Hobede mu dao. Te Saion we bidi dolama elalubao. Polobadu augwali te sawi yai gol tiwai sawi yai mu elaluai dao. Tiali goli, te gol dabe augwali ula me isąma, megi da dolama mu elalubao. Polobadu da, te Genuai Bidigo genuai be tempel augwaligo te wiegi yai masigi dabego nigilama elaluai dao. Tiali goli, augwali megi da hagayali dao, te masigi dabe subigila tulaluama, te tigidali taun sunumi dabede munalua pabo dao. Megi da, te we bidi augwali nogi ma elalubeo. Augwali te dwai pobele bage sene dage te bidi dabego nigai, te sene dage tiwai dao.

Te We Bidi Dabego Jerusalem Hagede Gela Wali 5:16

Dago genuai nogi polo tulalualio, te dago gawe yali nai dabe dolai dao. Da hobede mu yao. Magi baso meni, dago yali dwai sęde sali sęgę dwai yalio.

Esekiel 26:16

Tama te tigidali tǫ pedai kantri te tamu ąį pąde bidibo king bidi dabego dagede te pedalubo sę dabe sulama, wi dwai mu eyu, te augwa king sę eyu, te dugulalubo sia sai tagalama, aiyaba duagulu, tama augwa te king sę eyu gudubo sawi yai ugwa dabe pepeda sąnama, tama olo te tǫba duagulama, tama didibili eyu bidaibao.

Esekiel 26:2

“Tǫde bidio, eno te tamu ąį tomode elalubo tǫde elalubo taun Tair we bidide po elalubao, te tǫ te tamu ąį sesege pąde elalubao. Te Tair taunde bidibo we bidigo homu pemene eyu, e tiwai i hae obao, ‘Jerusalem dolobaso, te gasa tǫ kantri bidi dabe teba pelama, te mone sabo bisnis sę yali te ma igi pabo usu me egobeo. Megi da, te augwali aselama, da dali naga te nai dabe dobu si ebo bisnis sę yagasaibao, tama tiyu dago doado bage hauwa saibao,’ po wabo dao, te Tair we bidi.”

Esekiel 5:5

Te God Genuai Bidigo enabolo te tiwai po wali, “Nago te Jerusalem taun suao. Eno aga selama, te tigidali tǫ pedai kantri tomode mu munama elaluali, tama genuai nogi elaluali.

Pris Sę Ebo Bomai Po 26:31

Te eno dagego taun dabe me lotu be dabe dolaibao, tama eno dagego te ebo ofa dabe homu godolo me egobeo.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Kraisgo Geme Dualali Sę Pedelabo Po Jonbolo Ola Mani 18:7

Te aga digi aga nogi ugwaba siyu, tama aga tigi naga tau sabo sę yai dao. Tama dagego agabolo dene dali sęgę dali si hauwa mayu, te yali dwai sę usu nama yao. Tama dagego aga gela hauwa omainogo yao. Magi baso meni. Agai aga homude e tama po wabo dao: ‘Ena te tuni we bidibao, tama ena te tuni bidi bidibo saide dulalubo dao. Ena te bidi isai we bidibo tiwai olo bidibeo. Tama tibaso, te sęgę enabolo pedaluyu, te ena gela me wagobeo. Mu menio,’ agai te homu ebo dao.