Josua 9:2 - Godigo dwagi yai po buku

² Augwaligo te sę ebo po odama, tama augwali sisinama, te Josua dali me te Israel dabe dali hwįainogo yai.

Josua 9:2 Iomraidhean Croise

Bugagia Bidibo Kolesagade Po Asęai Buku 11:21

Mu tamao, Genuai Bidigo te dwai kolesaga ebo bidi dabeba po tų ilama, tama agai augwaliba dene gesoai mu ilaibao. Tiali goli, te wiegi yai kolesaga ebo bidi dabego hanigo te po tų ebo ugwaba igulaibao.

Aisaia 54:15

Te hani mebago nage dali hwįai olama, asobaso da, te nago te tiwai koneao, te augwali eno tagala palobaso me asobeo. Menio. Te augwa homugo digi asali. Tama augwali te eno nago nogoba mueibao,” wali.

Aisaia 8:12

“Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.

Josua 10:5

Te e tama a naga te moni hanu Amor tuni bidi dabe, augwali te Jerusalem hanu tuni bidi, me te Hebron, me Jarmut, me Lakis, me Eklon, te e tama a naga hanu dao. Tama te tuni bidi dabego te augwa ami bidi dabe sisinama, tama augwaligo te Gibeon hanu bobogela sigi pelama, tama augwaligo augwali dali hwįagasai.

Josua 11:1

Te bidi dabe augwaligo te Josuago yali tigidali sę po sela bilali po te Hasor tǫ tuni bidi Jabinba sabolali. Tama agai te po te Jobapbolo ola tolali, te Madon hanuba, tama te Simron hanu tuni bidibolo me, te Aksap hanu tuni bidiba me, te po ola tolali.

Josua 11:5

Te tuni bidi dabego te augwa ami bidi dabe hauwa sisinama, tama augwali bidabo pesage te sigi ąį Meromde nigilama, te Israel dabe augwali dali hwįainogo yali.

Josua 24:11

“‘Dage te wę Jordan nogelama, te Jerikoba sabolali. Tama te Jeriko bidi dabego dage dali boi hwįani. Tama te Amor dabe me, te Peres dabe me, te Kenan me, te Hit dabe me, te Girgas me, te Hivi dabe me, te Jebus dabe me, te augwaligo me dage dali boi hwįani. Tiali goli, eno augwali dagego nogoba muani.

Kraisgo Geme Dualali Sę Pedelabo Po Jonbolo Ola Mani 16:14

Tama te dwai haubo noma bidi augwaligo te bidigo isiąwai sę te bidi noma sabo sę haniani mu ebo dao. Tama augwali te tigidali tǫba te tigidali tuni bidi bidibo digi pelama, te bidigo isiąwai bomo yai sę augwaligo sulama noma somainogo ebo dao. Augwaligo homugo te tuni bidi dabe augwali deliba sisinama, tama augwaligo te Tigidali Bomo Elalubo God dali hwįabo sogo asobo tonalumainogo yaibao.