Josua 9:17 - Godigo dwagi yai po buku

¹⁷ Tama tibaso, megi da, te Israel dabe augwali hogodama, te gasa badu poloba palio. Augwali pelama, te sela sogo dąį igi pabode, tama augwali te hani dabego hanuba sabolai. Te hanu dabe nogi e dao: Gibeon, Kefira, me Berot, me Kiriat Jearim. Te e tama hanuba augwali sabolai.

Josua 9:17 Iomraidhean Croise

2 Samuel 4:2

Te Isbosetgo ofisa bidi sigo te boi bidi dabe dali hwįgi pabode tonalubo bidi si bidali. Augwa si nogi Bana me Rekap, tama augwali si te Rimongo ogwa si. Rimon te Berot taun bidi me deli da. Te bidi si te Benjamingo hani, magi baso meni, te bidi dabe augwa te Berot taun te Benjamin hanigo taun me deli tiwai nigilai.

Tuni Bidi Dabego Po Elalubo Buku Deli 12:4

te Ismaia te Gibeon taun bidi. Ismaia te bidi sese deli olama nogo si 30 te Devitgo ami bidi dabede polalubo ofisa bidi da, tama aga te wiegi yai ami bidi mu da. Te Benjamin hanide te gasa bidi dabe augwali nogi e tiwai elalubao, Jeremaia, me Jahasiel, me Johanan, me Josabat, aga te Gedera taun bidi me deli dao,

Tuni Bidi Dabego Po Elalubo Buku Deli 2:50

Tama Kalepgo gasa ogwa hani dabe me elaluali, Hur te Kalepgo we Efratago gomunai ogwa dao, tedu te gasa hani pedelali. Te Hurgo ogwa dabe nogi e tiwai, Sobal, me Salma, me Harep. Sobalgo te taun Kiriat Jearim nigali, te Salmago te taun Betlehem nigali, tama Harepgo te taun Betgader nigai dao.

Tuni Bidi Dabego Po Elalubo Buku Deli 2:52

Sobal, te Kiriat Jearim taun hodolali bidi da, aga te Haroe hani me Menuhot hani pedai bulali wąį nǫų da,

Tuni Bidi Dabego Po Elalubo Buku Deli 2:53

me te Kiriat Jearim hani dabe, te augwali Itra, me Put dabe, me Sumat dabe, me te Misra dabe da. Te Sora taun me Estaol taun te hani we bidi dabe augwaligo taun dao.

Tuni Bidi Dabego Po Elalubo Buku Deli 21:29

Te sogo, te Genuai Bidigo sel ugwa be me te agaba ofa ebo alta dabe, te lotu wabo pesage mu te Gibeon taunde elaluali. Polobadu Mosesgo te sel ugwa be sę yani te Israel dabe augwali te tǫ wa pai bulude bidali sogo te tobage be sę yai dao.

Esra 2:25

Te Kiriat Jearim taun bidi dabe, me te Kefira, me Berot taun bidi dabe te 743 dao.

Nehemia 7:29

Te Kiriat Jearim taun bidi dabe, me Kefira taun, me Berot taun, te bidi 743 elaluali.

Jeremaia 26:20

Nosali bidi me deli, aga nogi Uriago, te Genuai Bidigo nogide po pusali. Uria aga te Semaiago ogwa, aga te taun Kiriat Jearim bidi da. Agai te po weyu, te Jerusalem me Juda dolaibao po wali, te Jeremaiago wali po tiwai wai dao.

Josua 10:2

Tibaso, aga de te Jerusalem hanude bidali we bidi dabe dali, augwali si wi dwai mu yai, magi baso meni, te Gibeon hanu te genuai hanu elaluali, te gasa genuai tuni bidi elalubo hanu gagawai elaluai. Te genuai hanu digi mu te Ai hanu te aiyaba elaluai elaluali, tama tigidali bidi te hwįbo bomai bidi naga bidai. Tama tibaso, te Jerusalem bidi dabe te augwalide wi umabo mu yalio.

Josua 15:60

Te e tama moni hanu si elaluali, Kiriat Bal, te gasa nogi wabo me te Kiriat Jearim, me Raba, te moni hanu si elaluai. Te hanu si pąde te dwasianu hanu dabe me elaluali.

Josua 15:9

Tama te bulu du bageba holama, tama palima, te Neptoa dabego te ulu węba sabolama, tama te Efrongo hanu dabe pąde te bulu duba pedelama, dąį igi pai. Te pedai badu te dąį begelama, te Bala te badu pali, te gasa nogi me elaluali te Kiriat Jearim dao.

Josua 18:14

Tama te dąį gasaba poloba begelali. Te saut badu tagalama, te sia ge degegi pabo badu te bulu du a badu, te saut badu te Bethoron teba sabolali. Tama dąį pali, te hanu Kiriat Bal, te nogi augwaligo Kiriat Jearim wabo, teba pedelali. Te hanu te Juda dabego hanu. Te giliga dega sigi pabo te dąį pedai badu elaluali.

Josua 18:15

Te saut badu dąį te Kiriat Jearimde gagalasa pelama, te giliga dega sabo badu tugi pelama, te Neptoa dabego ulu wę elalubo madiba sabolali.

Josua 9:16

Augwaligo te bomai po dąų ola sai madi, tama nosali sela sogo bidai digi, te Israel dabego te po wali page gegali, te bidi dabe augwali te digibulu bidi meni, te bulu pąde bidi naga asai yalio.

Josua 9:18

Tiali goli, te Israel dabego augwali me elibeo, magi baso meni, te Israel augwa genuai bidi dabego te bomai po te we bidi augwali dali te augwa Genuai Bidi Godigo nogide te po te we bidi dabe dali dąų wai. Tama tiyu, te Israel dabego te augwa genuai bidi dabe augwalibolo te tama tiali pode te wado po naga augwalibolo wai dao.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,

Josua 9:9

Tialima, augwaligo agabolo te tiwai po wai, “Da te digibulu bulu me delidu asali, magi baso meni, dago te dagego Genuai Bidi Godigo genuai nogi elalubo po odalio. Dago te tigidali sę agai te Isip tǫde yali odai dao.

Te Israel Tobolu Bidi Dabe 18:12

Augwali pelama, tama te bidabo pesage te Kiriat Jearim te Juda tǫ pedai badu nigali. Tama te bulu nogi augwaligo te Dango Nigali Pesage wabo te nogi megi me elalubao. Tama te nigali pesage te giliga degasa dulubo badu te bulu Kiriat Jearimde elaluai.

1 Samuel 6:21

Tama te bidi dabe augwaligo te taun Kiriat Jearim hanude bidibo bidi dabe augwaliba te tiwai po wagi pomainu tagala palai, “Te Filistia dabego te Genuai Bidigo Dąų Wali Bomai Po Munalubo Halobage te dago buluba ma sela asalio. Tama tibaso, dago homugo te dage aiyaba dulama asu, tama sagasiąo,” te po wagi pai.

1 Samuel 7:1

Tialima, te Kiriat Jearim bulude bidali bidi dabe aselama, te Genuai Bidigo halobage selasa peyu, te augwa hanuba ma sela solama, tama augwaligo te Abinadapgo be te dwasianu bulu dude elalubo beba muani. Tama augwaligo te aga ogwa te Eleasar te tonalubo bidi pedalumainu nigilali, te Dąų Wali Bomai Po Munalubo Halobage te bugagia tonalumainu yai.