Josua 9:15 - Godigo dwagi yai po buku

¹⁵ Tialima, Josuago augwali nogo menama, tama te Israel dabego augwali munu me eligobeo po olama, te bomai po augwali dali dąų wai. Tama te Israel dabe genuai bidi dabego me te bomai po augwali dali dąų walio.

Josua 9:15 Iomraidhean Croise

2 Samuel 21:2

Tialima, Devitgo te Gibeon dabe i olama, asali. Te Gibeon dabe augwali te Israel we bidi menio. Augwali te Amor hani bage da. Te gasa Amor dabe te hagawai, tama te dwasianu hani naga bidai. Polobadu mu te Israel dabego te bomai po mu dąų weyu, te Gibeon dabe augwaligo me dologobeo po wai. Tiali goli, king Solgo bomo eyu, te Israel de Juda si naga te Israel tǫde bidimainu yai. Tama tiyu, Solgo te Gibeon dabe silimainu tiai dao.

Ma Dobola Sali 23:32

Tama dagego augwali dali po dąų weyu, me ma augwaligo tibo god dali me te tiwai kolesaga igio.

Josua 10:1

Te Adoni Sedek, te Jerusalem tuni bidigo, te Josuago te Ai hanu pedela selama, tama tigidali bidi dolama, tama Ai hanu tuni bidi ela mubadi yai, te agai te Jeriko hanude te aga tuni bidi dali yali sę tiwai gilama yali po odai. Tama agai odali, te Gibeon dabego te Israel dabe dali abagi si olama, nogo menama, tama augwali dali deli madi bidibo po odalio.

Josua 10:4

Agai te tiwai po wai, “Dagego te eno Gibeon hanu bidi dabe dali hwįbo te dage aselama, tau sagasao, magi baso meni, augwaligo te Josua de te Israel dabe dali sibolo te abagi olama, deliba bidainogo nogo mawai dao,” te po ola tolali.

Josua 11:19

Te hanu me deligo te Israel dabe augwali dali nogo menama, tama augwali dali me bidibeo. Gibeon te Hivi dabego page bulu, te bulu deligo te Israel dabe dali nogo mawai. Tigidali te gasa hanu dabe te hwįanigo dolai dao.

Josua 9:16

Augwaligo te bomai po dąų ola sai madi, tama nosali sela sogo bidai digi, te Israel dabego te po wali page gegali, te bidi dabe augwali te digibulu bidi meni, te bulu pąde bidi naga asai yalio.