Josua 9:14 - Godigo dwagi yai po buku

¹⁴ Tama te Israel bidi dabe augwaligo te Hivi dabego elalubo nai dabe suali. Tiali goli, hasia bolo te Genuai Bidi God aga homuba augwaligo me hanalubeo.

Josua 9:14 Iomraidhean Croise

2 Samuel 2:1

Te Sol de Jonatan si isai madi, tama nosali Devitgo Genuai Bidiba te tama po hanalu wali, “Ena pelama, te Juda dabego taun me deliba duagi pelama bidibaso, usu yaibawe?” Tama Genuai Bidigo te po wali, “Nage pao.” Tialima, Devitgo agaba ma hanalu wali, “Te ena mena taunba duagi pelama bidigowe?” Tama Genuai Bidigo agaba te tiwai po wei ponani, “Nage pelama, te Hebron taunba bidigi pao,” wai.

2 Samuel 5:19

Tialima, Devitgo Genuai Bidiba te tama po hanalu wali, “Nago homugo eno te Filistia dabeba hwįgi pomainu homu ebawe? Tama ena pobaso da, teda nago ena tau siyu, te augwali aiyaba elalumainu yaibawe?” Tama Genuai Bidigo te tama po agaba wei ponani, “Awe, nage pao. Te augwali nage nogoba eno munama, tama te nago augwali aiyaba mu elalueibao,” wali.

Esra 8:21

Da te wę Ahava pąde bidalu, tama te tigidali sę bidibolo eno te tiwai po wai, “Dago te nai habu selama, tama dena God gedude dena digi aiyaba elaluinao,” po wai. “Tama dago agabolo hanalu, te da tau somainu eyu, tama da me te dago wai dabe tonalumainu eyu, te dago doado bage dabe dali, te da Jerusalemba pabo sogode me tonalumainu ebo dao,” wai.

Ma Dobola Sali 28:30

Tama te masigi si te Godigo homu kolesaga somainogo te hagawia badu muani ugwa agebele tomode munama, tama Aron te Tedali Gasagi Yai Be Habu tomoba pabo sogo, ena Genuai Bidi ena agade bidibao, aga te masigi si dali tolasa pomainogo yaibao. Sesemane sogo agai te hagawiade te muani ugwa sela asomainao, te agai eno Genuai Bidigo magi sę te Israel dabe dali yainogo ebo te agai konemai hagede yaibao,” wali.

Israel Hanigo Namba 27:21

Tiali goli, Josua te Eleasar pageba pelama, tama eno homu kolesaga te tigidali nai dabede koneainogo yaibao, nosali. Tama Eleasargo te prisgo gudubo te name ugwa baude daganalubo te masigi si te dwasianu paus sao, te eno homu kolesaga konea sainogo. Tama Eleasargo te Josuabolo me te we bidi sesebolo te tigidali te sę ela silimainogo,” wali.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

Josua 9:13

Te e meme tigiwali botol dabe te gesi elalubadi, te sogo dago te wain ąį buai. Tiali goli, megi da, suao! Augwali te pepeda pai. Tama dago gudali ugwa dabe me, te sągą nadoba me, te bobobage sunumidu asidubadi dolai dao,” te po wai.

Te Israel Tobolu Bidi Dabe 1:1

Te Josua isai madi tama te Israel dabego te tiwai po te Genuai Bidibolo hanalu wali, “Te mena hani polasa peyu, tama te Kenan dabe dali boi hwįgi pogowe?” wali.

Te Israel Tobolu Bidi Dabe 20:18

Megi da, te Israel dabe te lotu wabo pesage te Betelba pelama, tama augwaligo te Genuai Bidiba hanalu wai, “Te da mena hani bolo te hasia pelama, te Benjamingo hani dabe dali hwįgi paibawe?” Tama Genuai Bidigo te po wali, “Te Juda hani bolo polasa pomainao,” wali.

1 Samuel 22:10

Tama Ahimelekgo te Genuai Bidiba hanalu, te Devitgo aga mena sunumi wali pomainu ebo po wai. Tama prisgo te nai meba siyu, te Goliatgo bainat hwą me selama, tama Devitba mawai,” wali.