Josua 8:8 - Godigo dwagi yai po buku

⁸ Dagego te hanu tomoba pedela sigi pabo sogo, dagego te Genuai Bidigo po wali tiwai gilama, te hanu siago ulao. Te eno po da, tama dagego bugagia wali piąo,” wali.

Josua 8:8 Iomraidhean Croise

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

Bomai Po 20:16

“Tiali goli, dagego te Genuai Bidi dago Godigo dabolo mu mawainogo ebo te bulude dagego te hanu me siyu da, teda dagego tigidali we bidi elama, mu silao.

Josua 1:16

Tama tigidaligo Josuabolo po wei ponoyu, te po wai, “Awe,” wali. “Te dago nago dabolo wali po tiwai gilama, te tama tigidali sę dago yaibao. Tama tigidaliba nago da tagala palobaso da, teda da teba paibao.

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Josua 6:24

Tama nosali te Israel dabe augwaligo sia nogolama, tama te hanu me te tomode elaluali nai tigidali te siago dai. Tiali goli, hasiabolo te Israel dabego te gol, me silva, me bras, me ain, tego nigali te nai dabe augwaligo selama, tama deli madi sisinama, te Genuai Bidigo mone mubo be tomoba muai dao.

Josua 8:13

Te ami bidi dabego te tama tialio, te genuai ami hanigo bidabo pesage te hanu sese bogo badu pąde nigai. Tama te gasa ami bidi dabe meba te sia ge dulubo badu te nǫ muyu bidali. Tama Josua te hulide te bulu odogode bidalio.

Josua 8:2

Nago te Ai hanude bidibo we bidi me, te augwa tuni bidi me, te mu silao, te nago Jeriko moni hanude te aga tuni bidi dabe dali silali tiwai gilama ilao. Tiali goli, te sogo dagego te tigidali bulmakau me, tama te bulude elalubo nai dabe tigidali sagameo. Megi dagego te hanuba hwįgi painu sisi elaluao. Hasia sogo bolo nago te ami bidi dabe meba tagala palama, te hanu tudi badu geme duala sigi pomainogo tagala palao,” wali.

Josua 8:22

Tama te hanu tomoba pali te Israel dabe te buluba ma aselama, tama te Israel hani si augwaligo te Ai bidi bagua selama, tama te tigidali augwaligo ela muai. Te me deli wi me pabe, te me deli me bidibeo.

Josua 8:28

Josuago te Ai hanu siago ulama mu dolali, te megi tama e po asębo sogo me te tiwai dwai elalubao.

Josua 8:7

Dagego te tiwai ebo subaso da, teda dage te dualaluali pesage tagalama, tama te hanu tomoba pedela sigi pao. God, dago Genuai Bidigo, te hanu dagego nogoba mawaibao.

Josua 8:9

Tialima, Josuago augwali tagala palobaso, tama augwali pelama, te sia ge dega sigi pabo bulu me deli badu geme duala sigi pali, te Ai hanu de te Betel, te bulu si tomoba duala sigi pelama, tama te nǫ muai. Tama augwali tonalu bidali. Tiali goli, Josua te bidibo pesagede te sogo hulide tede bididuai.

Te Israel Tobolu Bidi Dabe 4:6

Tama Deborago po te Barakba ola tolali, te Abinoamgo ogwa da, te Naptali hanigo hanu Kedes te badu bidali. Tama Deborago agabolo te tiwai po wali, “God, te dago Genuai Bidigo, nagebolo te po wainogo yali: ‘Nage pelama, te Naptaligo hanide, me Sebulungo hanide te bidi sese umabo bidi e tama bidi, te 10,000 bidi dabe sigi pelama, tama augwali te bulu du Tabor teba sisinao,’ wali.