Josua 8:33 - Godigo dwagi yai po buku

³³ Te tigidali Israel dabe dali te augwa genuai bidi dabe me, te ami dabego ofisa bage me, tama te po tų dodolobo jas dabe me, te augwali dali bidibo gasa bulu bidi dabe dali, tigidali te Genuai Bidigo po dąų wali halobage munalubo tomoba ilama, si dali si badu dolaluai. Te Livai hani pris dabego te bomai po munalubo halobage toloboba augwaligo tononaluai. Me deli badu te we bidi augwali te bulu du Gerisim te badu dolaluyu, tama te we bidi meba augwali gasa bulu du Ebal te badu dolaluyu yai. Moses, Genuai Bidigo sę bidigo, polobadu te bidi dabe augwalibolo weyu, te Genuai Bidigo augwali dali dwagi yai sę emainao po maiabo sogo te tiwai lain si wasiąo po wai dao.

Josua 8:33 Iomraidhean Croise

Ma Dobola Sali 12:49

Tama te gasa bidi hani te Israel hani augwali dali bidagasali bagego te Israel hanigo Pasova nai bomai po tiwai naga wali peyu, dage dali bidao,” wali.

Pris Sę Ebo Bomai Po 24:22

Eno te bomai po deli dage Israelba me dage tomode bidibo gasa haniba me dąį mubao. Ena Genuai Bidi, ena dagego God dao, eno dagebolo te po wai dao,’” wali.

Israel Hanigo Namba 15:15

Te bomai po deli naga elalubao, te Israel dabe dage me te gasa bulu bidi dabe dagego wali pabo po elalubao. Te bomai po tigidali sogo elalua pidu piduaibao, tama te wąį nosali asobo te wąį dabeba mu tama usu nigi paibao. Magi baso meni, ena Genuai Bidi eno suali, dage Israel dabe me gasa hani bidi dabe deli mu tama yai yalio.

Israel Hanigo Namba 15:16

Dage Israel dabe me gasa bulu bidi dabe me, dage deli kolesaga naga yao, te ofa ebo kolesaga.” Te po wai.

Israel Hanigo Namba 15:29

Te dagego homugo bugagia konesąma dwai sę yaibaso da, te dagego te bomai po deli naga wali piąo. Te Israel dabe, ma te gasa bulu bidi duga bulude bidibo me, tagala.

Dwagi Yai Gesi Po Jongo Asęani 4:20

Polobadu da Samaria dabego wąį dabe augwali te bulu duba sisinama, tama lotu po wai dao. Tialima, dage Juda dabego te po wabo dao, ‘Te tigidali bidigo lotu po wabo bulu te Jerusalemde, tede naga wao,’ dagego te po wabo dao,” te wego te po wai.

Bomai Po 11:29

Te Genuai Bidigo dage odasa agai dagebolo megi mawainogo ebo te tǫba odasa pabo si da, teda dage te bulu du Gerisim me bulu du Ebal teba piąo. Tama te bulu du Gerisimde dagego Genuai Bidigo dage dali yaibao wali te wiegi yai sę po dabe nogi iyąo. Tama te bulu du Ebalde da, dagego te Godigo dage dali dwai sę yainogo yali te sę dabe po nogi iyąo.

Bomai Po 31:12

Te bidi, me we, me wai, me gasa bulu bidi dagego hanude bidalubo sese tama i olama, tama dage sese tama aselama, te po odagameo. Augwaligo odama, tama Genuai Bidi dago God wi eyu, aga dologode bidimainao, tama agai tigidali bomai po bugagia wali pomainogo tama tiao.

Bomai Po 31:25

Agai asęna silama, tama agai po me deli Livai pris bidi dabe dali wali, te augwaligo Godigo kontrak dąų walali po munalubo halobage tonalubo bage. Te augwalibolo te po walali,

Bomai Po 31:9

Te tama tialima, Mosesgo bomai po sese asęnama, tama agai te Livai hani pris bidi dabebolo, me te Israel dabego tobolu bidi dabebolo mani. Te Livai dabe augwaligo te Godigo kontrak asęani dąų walali po munalubo halobage tonalubo sę ebo dao.

Josua 23:2

Tialima, agai te Israel dabe tigidali i olama, tama te tobolu bidi dabe me, te genuai bidi dabe me, tama te tonalubo bidi dabe me, te ofisa bidi me, augwali i olama, tama agai augwalibolo te po wali, “Megi da, ena monu dabe yalio.

Josua 24:1

Josuago te Israel hani tigidali te Sekemba sisinani, tama nosali agai te tobolu bidi dabe me, te genuai bidi dabe me, te tonalubo bidi dabe me, te augwali tigidali i olama, sisinama, tama augwali te God gedude doligi pali.

Josua 3:14

Tialima, te we bidi augwali te bidali pesage tagalama, te wę Jordan nogoainu yali. Tama te pris dabego te dąų wali po muani halobage tolama, tama augwali polasa pai.

Josua 3:3

tama te we bidibolo te tiwai po wai, “Dagego te Livai dabego pris bidi hani dabe augwali pabo subo sogo, tama te dago Genuai Bidi Godigo bomai po dąų wali po muani halobage tolasa pobaso da, teda dage hogodama, te duga tigidali doado bage selama, tama augwali wali piąo.

Josua 3:6

Nosali Josuago te pris bidi dabebolo te po wai, “Dagego te bomai po dąų wali halobage te we bidi augwali nosaliba ilama, polasa te halobage tolasa pao,” wai. Te augwaligo tama tiai dao.

Josua 4:10

Te pris dabe te Jordan ąį tomode me dolaludubadi, te bidi dabego te tigidali sę te Genuai Bidigo me, te Mosesgo me, te Josuabolo po wali sę tigidali ela siligi peyu, usu nigi pai. Te we bidi augwali polo mu te wę u badu sabolai.

Josua 4:18

Tama te dąų wali po muani halobage tolali bage te pris dabe te sesegeba sabolai digi, te wę dąų olaluali te gelama, tama aga soali pesagede dolo ma soai dao, genuai mu eyu tama yali.

Josua 6:6

Tialima, Josuago te pris dabe i olama, asobode tama augwalibolo te po wai, “Dagego te dąų wali po muani halobage tolao,” wai. “Tama te pris a naga me badu sigo te biugel tolama, tama te dąų wali po muani halobage tolali bidi dabe asobadi, te augwali poligi pao,” wai dao.