Josua 8:29 - Godigo dwagi yai po buku

²⁹ Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.

Josua 8:29 Iomraidhean Croise

2 Samuel 18:17

Tama augwa te Apsalomgo tigi selama, tama te buside genuai tǫ dedage me deliba aiyaba sąwani. Tama augwa te masigi hauwa selama, tama aga tigi daiba ugwadu te masigi sąnama, tama augwa te masigi pesage holali te genuai pedelai. Tama te Israel dabe wi pelayu, te augwa bulu deli deliba ma tedela palio.

Esta 7:10

Tama agai te Mordekai walainogo tulali posde augwaligo te Haman aga ma tede walali. Augwaligo te tiwai tama ela silama, tama king bidigo haliga sębę yali silai dao.

Godigo Nogi Ugwaba Sabo Tęąbi Po Wabo Buku Dabe 107:40

Genuai Bidigo te boi bidi dabego tobolu bidi dabe te olo nai tiwai naga pedalumainu elama, tama agai augwali te wa pai bulude te sunumi meni yai madi bilalumainu yalio.

Godigo Nogi Ugwaba Sabo Tęąbi Po Wabo Buku Dabe 110:5

King bidi, Yawe Genuai Bidi nage dali dolalu, te dąų walainu yaibao. Te aga haliga sębę ebo sogo agai te king dabe dali hwįnama, te agai hwįbo te ugwaba ela holama, tama augwali aiyaba mu elaluaibao.

Dwagi Yai Gesi Po Jongo Asęani 19:31

Te Jisas ni pedaide elali sogo augwaligo te Pasova bo disąwai nai sisi ebo side dao wai. Te do me te Sabat yabo sogo dao, tama te Pasova olo bidibo si te do gagalaibao, te genuai sogo mu dao. Tama tibaso, Juda bage augwaligo homugo te Sabatde te isai bidigo tigi te ni pedaide me daganalubo hagelabo wai. Tama augwaligo Pailat tuni bidibolo te po olama, tama augwaligo te bidi dabe sągą dili togolama, tama megi augwali polo isimainogo yao. Tama isai digi, augwaligo tigi te ni pedaide sao, te po wai.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Josua 10:30

Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 10:33

Te Horam, te Geser hanu tuni bidi, aga aselama, te Lakis hanu bidi dabe tau sagasai. Tiali goli, Josuago aga me, te aga hani bidi dabe dali, te hwįanigo augwali aiyaba elaluai. Tama Josuago augwali me deli bidimainu me gogola tagalobeo.

Josua 12:9

Te e nogi da te boi hwįani sogo te aiyaba elaluali tuni bidi dabego hanu nogi e dao: Jeriko, me Ai, te Betel bulu pąde elaluai,

Josua 7:26

Tama augwaligo te masigi dabe hauwa te Akan aga we wai puluba dali augwali tigiba te masigi pesage holai. Tama te masigi pesage holali te e po asębo sogo me elalubao. Tama augwaligo te bulu nogi Akor poali, te sęgę pedelai bulu odogo dao. Augwaligo tama tialigo, tama Genuai Bidigo homu kedau ilai dao.

Josua 8:23

Te Ai hanu tuni bidi deli digi agaduba naga bidai. Tama Israel dabego aga pageabi elama, tama Josua bidibo madi odasa pai.