Josua 8:22 - Godigo dwagi yai po buku

²² Tama te hanu tomoba pali te Israel dabe te buluba ma aselama, tama te Israel hani si augwaligo te Ai bidi bagua selama, tama te tigidali augwaligo ela muai. Te me deli wi me pabe, te me deli me bidibeo.

Josua 8:22 Iomraidhean Croise

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 6:21

Augwaligo te tigidali we bidi me, te gesi we bidi me, te monu dabe, mosi dabe me, te bulmakau dabe me, sipsip, donki me, te nai dabe dali augwaligo te moni hwą bainatgo ela silai.

Josua 8:21

Josua dali te ami bidi dabe augwaligo suali, te augwa age dabego te hanu selama, tama te siago ulubo suai. Tama tibaso, augwali ma gelama, begasama asiyu, tama te Ai bidi dabe ela mubo sę yai dao.

Josua 8:23

Te Ai hanu tuni bidi deli digi agaduba naga bidai. Tama Israel dabego aga pageabi elama, tama Josua bidibo madi odasa pai.

Josua 8:8

Dagego te hanu tomoba pedela sigi pabo sogo, dagego te Genuai Bidigo po wali tiwai gilama, te hanu siago ulao. Te eno po da, tama dagego bugagia wali piąo,” wali.