Josua 8:2 - Godigo dwagi yai po buku

² Nago te Ai hanude bidibo we bidi me, te augwa tuni bidi me, te mu silao, te nago Jeriko moni hanude te aga tuni bidi dabe dali silali tiwai gilama ilao. Tiali goli, te sogo dagego te tigidali bulmakau me, tama te bulude elalubo nai dabe tigidali sagameo. Megi dagego te hanuba hwįgi painu sisi elaluao. Hasia sogo bolo nago te ami bidi dabe meba tagala palama, te hanu tudi badu geme duala sigi pomainogo tagala palao,” wali.

Josua 8:2 Iomraidhean Croise

Tuni Bidi Dabego Po Elalubo Buku Si 13:13

Te Abiyago po odubadi, Jeroboamgo aga ami bidi dabe me badu Abiyago ami dabe tudi badu geme no pomainu tagala palali, te augwali no bagua somainu.

Tuni Bidi Dabego Po Elalubo Buku Si 20:22

Te Jehosafat aga ami dabe dali augwa pabo gagalobadi yaide, te tęąbi po wabo bage augwaligo te Genuai Bidigo nogi ugwaba sabo tęąbi po ola pali. Tama tialima Genuai Bidigo te Amon ami bidi dabe, me Idom ami bidi dabe, me Moap ami bidi dabe augwa hasi wado elama, aga hasi tomode ma hwįmainu ilali. Hasia te Amon me Moap sigo te Idom dabe dali hwįnama, augwali sese mu ela silali, tama nosali te Amon dabe dali me Moap dabe dali aga hasi hwįnama, aga hasi mu dola siliboba usu nama tagalali.

Godigo Nogi Ugwaba Sabo Tęąbi Po Wabo Buku Dabe 39:6

Tigidali bidi te ni noma te giligade elalubo tiwai ebao. Augwa te doado bage hauwa sabo sę dene ebadi, tiali goli, augwa te sę dene odolali hagayu yai. Te bidi dabego doado bage hauwa sisinani, tiali goli, augwali isibo si, dego sogowe, te augwaligo me konebeo.

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Bugagia Bidibo Kolesagade Po Asęai Buku 28:20

Te bidigo doloba pai kolesaga wali pobaso da, teda te Godigo agaba wiegi yai sę mu yaibao. Tiali goli, te bidi aga polo mu tama te mone hauwa elalubo bidi pedelabo homu ebaso da, teda te Genuai Bidigo aga odolali me pomainu egobeo. Menio. Te agaba te dwai dene mabo sę yaibao.

Jeremaia 17:11

Te bidigo kolesaga dolo isąbadi, te mone hauwa sobaso da, te aga te ba me deligo te gasa bago ge wi selama, tama te gede pedelali wai dabe sabo tiwai ebao. Te bidigo mone tigidali te aga monu dabe isąbadi hagawaibao. Tama nosali, te bidi dabego koneaibao, aga te homu kolesaga meni yai bidi tiwai yalio.

Jeremaia 51:12

Dage boi bidigo, dagego plak ugwa ugwanu sagulama, te boi bidi dabego hwįbo bomo eyu, te Babilon genuai obo alumainao. Te taunde tonaluabo ami bidi dabe muao, te augwaligo sę bugagia mu yao. Te ami dabe geme duala sigi pomainogo tagala palama, te augwaligo Babilonba hwįabo sisi yao po walao. Genuai Bidigo te Babilon we bidi dabeba dwai dene mabo sę umagia mu yaiba wali, te megi da, agai te sę yainogo ebao wali.

Bomai Po 2:35

Tama dago te tigidali hanu dabede te tigidali kau kibu, me tigidali doado bage dago sai dao.

Bomai Po 20:14

Tiali goli, dagego te hanude we dabe, me wai dabe, me kau kibu dabe, me te gasa meba nai dabe te hanude nai dabe sao. Tama dagego duga boi bidi dabego nai dabe selama, sabilagameo. Magi baso meni, Genuai Bidi aga digi te nai dabe dagebolo mawaibao.

Bomai Po 3:2

Tiali goli, Genuai Bidigo enabolo te po wali, ‘Nage te bidide wi me elamuo. Te eno aga, me aga we bidi tigidali, me tǫ dali, sese tama nagebolo mawaibao. Tama nago te Amor dabego tuni bidi Sihon dali yali kolesaga tiwai me aga dali yaibao,’ Genuai Bidigo te po wali.”

Josua 10:1

Te Adoni Sedek, te Jerusalem tuni bidigo, te Josuago te Ai hanu pedela selama, tama tigidali bidi dolama, tama Ai hanu tuni bidi ela mubadi yai, te agai te Jeriko hanude te aga tuni bidi dali yali sę tiwai gilama yali po odai. Tama agai odali, te Gibeon dabego te Israel dabe dali abagi si olama, nogo menama, tama augwali dali deli madi bidibo po odalio.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 11:14

Te Israel dabe augwaligo te hanude tigidali mone, me te tigidali bulmakau me selama, te augwa digi te augwa nai da olama, tolaluai. Tama augwaligo te bidi me deli sula tagalobeo. Te augwaligo tigidali ela silai dao.

Josua 6:21

Augwaligo te tigidali we bidi me, te gesi we bidi me, te monu dabe, mosi dabe me, te bulmakau dabe me, sipsip, donki me, te nai dabe dali augwaligo te moni hwą bainatgo ela silai.

Josua 8:12

Tama Josuago te bidi sese hauwa umabo 5,000 bidi tiwai usu pąde ami bidi dabe selama, tama augwali te sia dega sigi pabo badu, te hanu Ai de Betel tomo agebele si tomoba pelama, geme duala sigi pomainu tagala palai dao, te do tama yai dao.

Josua 8:14

Te Ai hanu tuni bidigo te Josuago ami bidi dabe bidibo suali sogo, kigamu digi mu aga te aga bidi dabe tigidali dali asesa polo te Jordan odogo buluba dulama, te Israel dabe dali hwįainogo yali. Te bulu odogode te augwali polobadu hwįai madi. Tiali goli, te Ai gavman tuni bidigo te nǫ muani hwįbo bidi tudi badu asabo te agai munu me konebeo.

Josua 8:19

Agai te sesemone ene ugwaba sobaso, tama polo mu, te ami bidi dabe geme dualaluali augwali hogodaluama, tama augwali udada peyu, te hanu tomoba pai. Augwaligo te hanu pedela sigi pelama, tama polo augwaligo te hanu siago ulalio.

Josua 8:24

Te Israel dabe augwaligo te augwa boi bidi dabe tigidali te augwali pobeasa asali, te kemi tǫ bulude ela silai. Nosali augwali te Ai hanuba ma pelama, tama augwaligo te hanu tomode bidali we bidi tigidali ela muai.

Josua 8:3

Tialima, Josua dali te tigidali ami bidi dabe te Ai hanuba hwįgi painu sisi yai. Agai te hwįabo bomai bidi naga dagalama, tama te bidi sese umabo hauwa 30,000 bidi sa munama, tama augwali te hulide tagala palai.

Josua 8:7

Dagego te tiwai ebo subaso da, teda dage te dualaluali pesage tagalama, tama te hanu tomoba pedela sigi pao. God, dago Genuai Bidigo, te hanu dagego nogoba mawaibao.

Josua 8:8

Dagego te hanu tomoba pedela sigi pabo sogo, dagego te Genuai Bidigo po wali tiwai gilama, te hanu siago ulao. Te eno po da, tama dagego bugagia wali piąo,” wali.

Josua 8:9

Tialima, Josuago augwali tagala palobaso, tama augwali pelama, te sia ge dega sigi pabo bulu me deli badu geme duala sigi pali, te Ai hanu de te Betel, te bulu si tomoba duala sigi pelama, tama te nǫ muai. Tama augwali tonalu bidali. Tiali goli, Josua te bidibo pesagede te sogo hulide tede bididuai.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,