Josua 8:17 - Godigo dwagi yai po buku

¹⁷ Megi da, te Ai hanu dali Betel hanu si ami bidi dabe tigidaligo te Israel dabe pobeasa pelama silai. Tama te hanu tomoba pabo genuai sunumi te olo dalaluali, tama te tonaluabo bidi me meni yanio.

Josua 8:17 Iomraidhean Croise

Jopgo Po Asęani Elalubo Buku 5:13

Bidi mebago haniani kolesagago bidi mebago homu kolesaga dolainu ebo dao. Tiali goli, God te dwai kolesaga ebo bidi aga te dwai kolesaga ebogo aga ma dolomainu ebo dao. Te e tiwai dao. Bidigo sųgų sabo wa te sųgų sainu wąį goli, te wa aga digi aga tigide ma agabesai subo dao. Tama augwaligo sainu yali homu te olo buluba taga pabo dao.

Bomai Po 2:30

“Tiali goli, tuni bidi Sihongo da agai buludu somainogo usu dao po wabeo. God dago Genuai Bidigo aga te hagoma homu ebo sę iliyu, aga homu dąų walali. Te dago aga aiyaba elaluama, tama agai te tǫ dago somainogo tama yali. Te tǫ megi da, te bidibao,” wali.

Josua 11:20

Magi baso meni, Genuai Bidigo digi te hani dabe homu hodolubo sę ilama, te Israel hani dali hwįmainogo ilali. Agai homugo te Israel dabego augwali te homu dene eyu, olo tau sabo homu kolesaga wiegi yai yabo homu munu me egobeo. Menio. Te augwaligo tigidali ela silaibao. Augwaligo te Genuai Bidigo te Mosesbolo polobadu mani po wali palio.

Josua 8:16

Tuni bidigo te tama tebo subaso, tama agai te hanude bidibo tigidali bidi dabe i olama, te Israel dabe augwali nǫ bagulagasao wai. Tama augwaligo te Josua pobeasa soabo sę eyu, tama augwaligo te hanu taga soyu, digibulu mu soalio.

Josua 8:18

Tialima, Genuai Bidigo Josuabolo te po wai, “Te nago sesemone ene ugwaba selama, tama te Ai hanu usu sao. Megi eno te hanu nage nogoba mawaibao,” wali. Tama Josuago te Genuai Bidigo wali po tiwai gilama yai.

Josua 8:3

Tialima, Josua dali te tigidali ami bidi dabe te Ai hanuba hwįgi painu sisi yai. Agai te hwįabo bomai bidi naga dagalama, tama te bidi sese umabo hauwa 30,000 bidi sa munama, tama augwali te hulide tagala palai.

Te Israel Tobolu Bidi Dabe 20:31

Te Benjamingo hani dabe te hwįagasu asobode tama te Israel dabego augwali te hanu digi kekasa soali. Tialima, te Benjamin dabego te polasa yali tiwai gilama yai, tama te Betelba pabo sunumide te bidi meba elibo sę ela peyu, tama te Gibeaba pabo sunumide bidi elala pelama, tama te bulu dabede te bidi elali. Tama augwaligo te Israel bidi dabe elala pali, te bidi sese deli olama, nogo si, te 30 bidi naga elali.