Josua 7:7 - Godigo dwagi yai po buku

⁷ Tama nosali Josuago te po wai, “O God, Genuai Bidio! Magi elama, nago da te Jordan wę e badu odasa asaliwe? Nago da te Amor dabego nogoba menama, da dolomainogo yai dawe? Magi baso da te wę Jordan u badu bidimainu yai meniwe?

Josua 7:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 3:10

Tama te king Joram agai e tiwai po tama wai, “Homu dene mu ebao, God Genuai Bidi aga digi da sela king bidi dabe sisinama, tama agai da sela bidi te Moap bidi dabego king bidi nogoba mubo yabao,” wali.

Godigo Nogi Ugwaba Sabo Tęąbi Po Wabo Buku Dabe 116:11

Tama ena wi eyu, eno te po wabo sogo, “Eno konealubo homu te mena bidi me deliba me mugobeo,” te sogo me eno konealubo homu te Godiba muanio.

Ma Dobola Sali 16:3

Augwaligo te bidi si dali te po wai, “Dago homugo Genuai Bidigo da Isipde eligi sogo da, usu igi dao. Polobadu da Isipde bidibadi, mena tiwai nai dabe, me hasa mi me, te dago homugo digi sai dao. Tiali goli, dage sigo da e nai meni yai wa pai buluba odasa asai, tama dage sigo homugo da nai sili bidilama, tama da tigidali isimainogo homu yai. Tama da Isipde bidibadi isigi sogo da, te wiegi yai mu igi dao,” wali.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Israel Hanigo Namba 14:16

‘Genuai Bidigo aga hani agai augwalibolo mawaibao wali te tǫba odasa pabo usu egobeo,’ te po waibao. ‘Tama tibaso, agai augwali te nai meni yai bulude ela muna silali dao,’ augwaligo nagede te tama po waibao.”

Israel Hanigo Namba 14:3

Magi baso Genuai Bidigo da u buluba odasa painogo ebawe? Ma, da te buluba peyu da, teda da ela silama, tama augwaligo dago we dabe me wai dabe te kalabus bidi tiwai oda saibao. Ma, da Isipba ma peyu da, teda usu mu yaibao,” wali.

Matyu 17:17

Te Jisasgo te po wei ponoyu, bomonama te po wai, “Dagego homu enaba begi pisąwai we bidi hani, tama dagego homu gagea pidubao. Ena dage dali nisu naga sogo me bidigowe? Nisu naga sogo eno dagego sęgę tologowe? Dagego te ogwa eba sesao,” wali.

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Hibru 12:5

Te Godigo dagego homu bugagia dąų walomainogo bomo mayu wali po te dagego homugo gegeda pai dawe? Agai dage te aga wai da olama nogi ilama, tama agai te po wai, augwaligo te bukude asęani, “Te eno waio, te eno nage dodolobo kolesaga me deli nagebolo ebaso da, nago homugo te olo nai tiwai da me wagio. Nago geda muani kolesagade bugagia kone palao. Te eno sęgę nagebolo mayu te nage dodolobaso da, teda nago homu me dolamu dao.

Josua 7:6

Josua te homu sęgę mu elama, tama aga gudali ugwa pisąwai. Tama aga te Genuai Bidigo bomai dąų wali po halobage munalubo pąba te aga gesabidi te tǫba degasa dulama, munaluai. Tama te Israel dabe tonalubo bidi dabe augwali me te Josua dali tǫba degasa dulama, tama augwali tede bididubadi, te giliga aiyaba dega sigi pai. Augwaligo homu sęgę ebo te sa muyu, te augwa tobolude te tǫ hogomu muanio.

Josua 7:8

O Genuai Bidio, te Israel dabego te boi bidi dabe augwali tudiba ilama, tama augwali wi eyu, ma geasa asalio. Te eno magi po wagawe?

1 Samuel 4:3

Tama te Israel ami bidi dabe te bidibo pesageba ma asobode, te polalubo bidi hetman dabego te po wai, “Magi baso Genuai Bidigo te da Filistia dabego aiyaba elalumainu ilaliwe? Tegoba, polo tama, dago bidi meba te Siloba tagala palama, te Genuai Bidigo Dąų Wali Bomai Po Munalubo Halobage te selasa asomainao. Tama da pelama, hwįgi pabo sogo, te Genuai Bidi da dali pelama, te da tau sobaso, te boi bidi dabego da aiyaba me elalugobeo,” wali.