Josua 7:4 - Godigo dwagi yai po buku

⁴ Tialima, te Israel ami bidi dabe te bidi sese umabo 3,000 bidi mu pali. Tiali goli, te Ai hanu bidi dabego augwali edaba ma pobeasa asai.

Josua 7:4 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 89:43

Nago agai ami bidi dabego te hwįbo nai dabe usu isąbo sę ilali, tama nago aga te hwįbo side aiyaba elalumainu ilalio.

Aisaia 30:17

Te dagego 1,000 ami bidi dabe augwali boi bidi me deli aselama, hwįaibao po wagasobo si da, teda augwali wi mu elama, augwali wi paibao. Tama ma, te boi bidi dabego ami bidi a naga aselama, hwįaibao hae wagasobo si da, teda dage hani tigidali wi ogodama, wi peyu, te hanu taga paibao. Tama te bidi me deli me bidigobeo. Tama te hanu te bidi dabego bulu dude plak ugwa walobo ni te bulu dude tula ma elalubo tiwai yali gilama tama agaduba elaluaibao.

Aisaia 59:2

Te duga sęgęgo naga tama tiyu, te God aga gesabidi seselasa elalu, te dagego gedu haluasa po wabo odobeo. Te duga dwai sęgęgo te duga tomode te duga God dali te obogo dąį elalubo tiwai ebao.

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

Bomai Po 28:25

“Tama Genuai Bidigo te boi bidi dabego dage aiyaba elalumainogo yaibao. Dage augwali dali hwįainogo deli sunumidu paibao. Tiali goli, dage augwalide wi soayu, sunumi hauwadu wi soaibao. Tama te tigidali tǫde we bidigo dagede te sę dabe pedalobo sulama, tama augwali noma dwai mu saibao.

Bomai Po 32:30

Magi baso mu boi bidi dabe deli deligo te 1,000 Israel dabe dolama tagalaliwe? Tama ma, magi baso te boi bidi sigo te 10,000 Israel dabe aiyaba elalualiwe? Te po page da e tama dao. Te augwa Genuai Bidi Godigo augwali hagela polo yali. Augwa bomai Godigo augwali tudi ola mani.

Josua 7:3

Nosali augwali ma asu, Josuabolo te tiwai po wai, “Nago te tigidali bidi pomainu mu elamuo. Te bidi sese sigo te umabo bidi hauwa mu 2,000, ma te bidi sese sela wabogo te umabo hauwa 3,000 bidi naga pelama, te Ai hanuba hwįgi pomainu tagala palao. Nago te tigidali bidi mu tagala palama, te hwįgi pomainogo me elamuo. Te genuai hanu menio,” te po wai.