Josua 7:26 - Godigo dwagi yai po buku

²⁶ Tama augwaligo te masigi dabe hauwa te Akan aga we wai puluba dali augwali tigiba te masigi pesage holai. Tama te masigi pesage holali te e po asębo sogo me elalubao. Tama augwaligo te bulu nogi Akor poali, te sęgę pedelai bulu odogo dao. Augwaligo tama tialigo, tama Genuai Bidigo homu kedau ilai dao.

Josua 7:26 Iomraidhean Croise

2 Samuel 18:17

Tama augwa te Apsalomgo tigi selama, tama te buside genuai tǫ dedage me deliba aiyaba sąwani. Tama augwa te masigi hauwa selama, tama aga tigi daiba ugwadu te masigi sąnama, tama augwa te masigi pesage holali te genuai pedelai. Tama te Israel dabe wi pelayu, te augwa bulu deli deliba ma tedela palio.

2 Samuel 21:14

Tama augwali te Benjamin hanigo tǫ te hanu Selaba pelama, tama augwaligo te Solgo dili me, Jonatango dili dali, te Solgo aya Kis muani gų pagede pubulali. Augwaligo te kingo wali po gilama, te tigidali sę ela silai. Tama te elama nosali badu, te Godiba gedu haluasa po wabo bidi dabego te augwa bulu tǫ pedai bugagia ilabo gedu haluasa po wali, tama Godigo augwaligo te gedu haluasa po wabo odai.

Tuni Bidi Dabego Po Elalubo Buku Si 29:10

“Tama tialima, eno homugo dago megi da Israel dabego God dali wadolama bidabo po dąų wainao, tama agai da dali sębę munu me egobeo.

Esra 10:14

“Tama dago te homu ebao, te dago polalubo bidi dabego te sę tonalumai da homu ebao. Tama augwaligo te bulu badu hani dabego wegi te we sali bidi dabe augwaliba te po olama, te nisu sogo te deli deli bidi te Jerusalemba aselama, te sęgę dodolagasomainao homu ebao. Tama te bidi me deli asobo side, te tobolu bidi me te aga taunde po tų odobo jas bidi te aga dali asomainao. Dago te tibaso da, teda te Godigo haliga sębę yali te sia saibao,” te po wali.

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Ma Dobola Sali 32:12

Ma, nago te tiwai kolesaga augwalibolo ebaso da, teda te Isip dabego te po waibao, ‘Godigo aga we bidi augwali dali dwai homu yai. Tama tibaso, augwali agai te Isipde selama, tama augwali odasa asali, te augwali te bulu dude mu dola silama, tama tigidali ela muani da,’ te po wabuo. Tiali goli, Genuai Bidi, tagalao. Tama nago te sębę yali homu te nago tagalama, tama nago homu kolesaga hasegelama, tama te we bidi augwali nago me dolamu dao.” Mosesgo te po wai.

Aisaia 40:2

Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 65:10

Te augwa sipsip dabe, te bulmakau me, te tǫde pągąnalueibao, te Saron te giliga dega sigulubo pedai te odogo pesagede gagalasa pali, te Akor giliga pedalubo badu te odogo tǫba usu nigi paibao. Te augwa nosai hauwa elalu, te nai tuyu, toma neyu, bidaibao. Eno te sę dabe ebo te ena gegebo homu elalubo we bidi dabeba tiaibao,” te po wali.

Te We Bidi Dabego Jerusalem Hagede Gela Wali 3:53

Te augwaligo ena te genuai tǫ dedageba sąnama, tama ena dedagede bidibadi masigi ugwadu sąbo tiwai yali, te ena ela muainu.

Hosea 2:15

Te eno te wain gi dabe agaba ma menama, tama eno augwaligo te odogo nogi yali pesage Te Dwai Sęgę nogi poali pesage te hasegelaibao, tama te wiegi yai nai pedalubo pesage pedelaibao,” wali. “Te pesagede agai te eno po wali peyu, te aga gesi wegi ogwa wede te Isip tǫ taga soyu asali sogo tiwai kolesaga yaibao.

Hosea 2:17

Te eno agai te nogi Bal ma omainu me egobeo. Mu menio.”

Joel 2:13

Te duga homu dene ebo ola mayu, te dagego ugwa dabe olodali pisagimio. Te duga haligade digi te duga yali dwai sęde homu dene mu yao,” Genuai Bidigo te po wali. Dage te Godiba ma asiyu, te dena Genuai Bidi dao. Agade te olo mu tau sabo wiegi yai pemene ebo homu kolesaga pągąnalubao, te dade wiegi yai sę ebao. Godigo dabolo te dua dua eyu, sębę polo egobeo, te da sesemane sogo godolo mu ebao. Sesemane sogo agai dago dwai sęgę sela sąyabo sisi idu, te dabolo dwai dene ilabo homu ebe dao.

Joel 2:18

Tialima, augwali homu begelibaso, te Genuai Bidigo aga tǫde homu hauwa elama, tama agai te aga we bidi dabeba te olo mu tau sabo wiegi yai homu kolesaga eyu, tau sai dao.

Jona 1:15

Tama augwaligo te Jona selama, tama te tamu ąįba sąwani. Tama te ąį dini yali isalio.

Sekaraia 6:8

Tama te ensel bidigo enabolo i weyu te po wali, “Te notba pali te hos dabego tebogo te Genuai Bidigo homu kedau iligi palio,” wali.

Israel Hanigo Namba 25:8

Tama aga te we bidi si wali pelama, te ugwa be tomoba tula pelama, te we de bidi si hodobo agai sesemonego enani. Genuai Bidigo dwai gasi me te Israel we bidibolo menama, tama 24,000 we bidi te gasi selama isali. Tiali goli, Finiasgo te we de bidi si ela mubo si, te gasi sia sali.

Bomai Po 13:17

Dagego te hanude nai deli me selamo dao. Te isigo sese dela silimainogo sula tagalao. Tama tiyu da, Genuai Bidigo sębę tagalama, dage hobede yaibao. Tama agai dage hani genuai mu pedalomainogo yaibao, te agai dagego wąį dabe dali polobadu po dąų walali gilama tiaibao.

Bomai Po 13:18

Agai te tama tiaibao, magi baso meni, te dagego agai tigidali bomai po wali pali da, te eno megi dagebolo mani, te po. Tama me dagego agai godolo ebo sę naga eyu yali dao,” Mosesgo te po wai.

Josua 10:27

Tama be pio mu ebode, Josuago te bidi dabebolo olama, tama augwaligo te tigi dabe aiyaba sela dulama, tama augwa te dualaluali ola be tomoba sąwai. Tama te ola be augwaligo te moni genuai masigigo paliai. Tama te masigi dabe e po asębo sogode me elalubo dao.

Josua 7:24

Tialima, Josua dali te Israel dabe tigidaligo te Akan dali, te silva dabe badi, te ugwa me, te gol dage me, tama aga te ogwa dabe me, te aga wegi dabe me sobadi, tama te kibu bulmakau dabe badi, te donki dabe badi, te sipsip dabe me, te aga doado bage tigidali me sai. Augwaligo te tigidali nai dabe te selama, Akor bulu odogoba dulai dao.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.