Josua 7:21 - Godigo dwagi yai po buku

²¹ Te dago hwįyu, te Jeriko dabego nai dabe sali sogo, eno te nai dabe tomode te Babilon dabego sawi yai bobobage gudubo ugwa me deli suali, tama te silva sęgę me badu te 2 kilo usu badi, te gol me badu te sęgę deli usu elalubo eno suai. Eno te nai dabe pesa mu ebaso, tama augwali eno sai. Nago te eno ugwa be tomode munalubo gegelama, suagameo. Eno tigidali te tǫba pubulama, tama silva te dologode mu munalubao,” te bidi Akango te po wai.

Josua 7:21 Iomraidhean Croise

Tigidali Nai Gagalama Nigali Side 10:10

Te Nimrotgo hasia bolo tonaluali moni hanu me si me si elaluali, Babel, me Erek, me Akat, me Kalne. Tama te hanu dabe me si me si te Babilonia pedai badu elaluali.

Tigidali Nai Gagalama Nigali Side 3:6

Te hasamanigo te po olama, tama wego te nedu du sulama, tama te nedu du gasa wiegi yai au mu sulama, tama aga du te wiegi yai mu elaluali. Tialima, wego te tiwai homu yai, ‘Te eno te tiwai dwagi yai koneabo kolesaga siyu da, teda te dwagi yai mu yaibao,’ te homu yalio. Tama tiyu, wego te nedu du meba selama, tama tuali. Nosali agai te nedu du meba bidibolo mani, tama agai me tualio.

Tigidali Nai Gagalama Nigali Side 34:27

Tama te Jekopgo gasa ogwa dabe augwali asama, tama te ela muani bidi dabe tede suali. Tama augwaligo te hanude wiegi yai nai tigidali selama, tama pali, magi baso meni, Sekemgo te hanude te kolesaga Dainade yali, te Israelgo gedude te wiegi yai me ebeo, dwai mu dao.

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

2 Samuel 11:2

Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

Te Israel me Juda Hani Sigo Tuni Bidigo Po Elalubo Buku Si 7:8

Tama te sogo te me si me si tama bidi augwali te Siria bidi dabe bidali pesageba sabaligi pali, augwaligo pelama, te sel ugwa be me deli tomoba pali, tama augwaligo te be tomoba subadi yaide, te Siria bagego tubo nai me, te wain ąį me, te be tomode munalubo suali. Tama augwaligo te nai selama tuyu, te ąį me selama tuyu bidali. Tama nosali augwaligo te silva me, gol me, ma name ugwa me, te Siria bagego doado bage hauwa mu augwaligo selama, tama te tolasa pelama, te gasa madigi me deli dualigi pai. Tama augwali ma aselama, tama augwaligo te me sel ugwa bede muani doado bage dabe me ma sali. Tama augwa ma tolasa pelama, gasa madigi me dualigi pali.

Jopgo Po Asęani Elalubo Buku 31:1

Te bidi Jop agai po ma wadoliyu, e tama wali, “Eno bomo yai po dąų mu olama, e tama wai dao. ‘Eno we sibi gedu me elama, penani ebo homu me egobeo,’ po wai dao.

Godigo Nogi Ugwaba Sabo Tęąbi Po Wabo Buku Dabe 119:37

Nago ena tau selama, te dwai sę ebo tudiba muaibao. Nago ena dwagi yai bugagia ilao, te nago ena dali wali po wali pao.

Ma Dobola Sali 20:17

“Nago gasa bidigo be sulama, pesą eyu, godolo igio. Tama nago gasa bidigo we dali gedu igio. Tama aga sę ebo bidi, me te sę ebo we, me te bulmakau, me bidi duabo donki, me te agai tigidali gasa nai dabe me, te nago godolo eyu, sabo homu me igio.”

Bugagia Bidibo Kolesagade Po Asęai Buku 1:19

Te hwįbo bidi dabego, ma te nai wi sabo bidi dabego te kolesaga wali pabo dao, tama tiyu, augwa digi dolaibao. Te augwa wi sali nai dabego te augwali dolobo ąǫ ebo dao.

Bugagia Bidibo Kolesagade Po Asęai Buku 23:31

Tiyu, nage te wain węgo kekemainu elamuo, te aga au te sawi yai elama, tama aga te mubo glas tomode te ula bugagia elalubo, tama nago tubaso da, te nago dogonide wiegi yai mu ebo dao.

Bugagia Bidibo Kolesagade Po Asęai Buku 28:22

Te aga doado bage yogo ela sabo bidigo, aga te mone hauwa elalubo bidi pedalubo sę bomo polo yaibao. Tiali goli, aga te magi nai meni yai dwai mu pedelabo te agai me konebeo.

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Habakuk 2:9

Dage te bomonama eyu, te gasa hani dabego nai hauwa sali bidi dabe, dage dolaibao. Magi baso meni. Dagego te doado bage duga hani dabeba digi mawai. Tama dagego bomai be dabe sęnama, te duga doado bage bugagia obo tomoba bagua selama, tama dagego homugo te dagego te tiali kolesaga yaligo te dolabo sęgo dage ela soaibao homu yai dao.

Dwagi Yai Gesi Po Lukgo Asęani 12:15

Te we bidi dabebolo agai te po wali, “Dua dao, duga tobage nai yogo idali weyu. Nai hauwa mu mubo te bidi geswai bidibo menio. Nai hauwa mu mubo te bidi te aga bidibo ula sabo te usu menio,” wali.

Dwagi Yai Gesi Po Lukgo Asęani 12:2

Magi magi nai tigidali mesegaluali, te daiba hania hanilaibao. Tigidali mesegalubo po me konea sialibao. Magi po me dagego hulide wali, te po ulade odaibao.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

Efesus 5:5

Dagego gisiga mu koneao, te penani ebo bidi me, te dwai dwai meda yai kolesaga ebo bidi me, te mena gasa bidigo nai godolo eyu pesa ebo bidi me, te tobage dwai sę ebo bidi dabe augwali Krais dali God dali sigo tonalubo we bidi hani tomoba munu me pogobeo. Tama te nai godolo eyu pesa ebo kolesaga, te kolesaga da te tibo godibolo lotu po wabo sę tiwai dao, te naiba te bidigo aga homu tigidali muani.

Bomai Po 7:25

Dagego augwaligo tibo god dabe sese tama isi ula silao. Tama me dagego augwaligo te augwa te tibo god au ilali gol me silva, te nai dabe godolo me elamuo. Dagego te nai dabe me selamuo. Magi baso menio, Genuai Bidigo te tibo god dabede dwai homu mu ebo dao. Tiyu, dagego sai madi dagego Genuai Bidiba lotu po wabo kolesaga tagalamu dao.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Hibru 13:5

Dagego te monede pesą eyu godolo ebo kolesaga wali me pigio. Te dagego tolalubo naide te dagego e tiwai homu yao, “Te wiegi yai dao. Te ena usu yaibao.” Magi baso meni, Godigo digi te po walio, “Te ena nage munu me tagalogobeo. Te eno nage tudiba munu me mugobeo.”

Jems 1:15

Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.

Josua 7:20

Tialima, Akango te po wai, “Mu tamao, eno dwai sę te Genuai Bidi, da Israel dabego God, agai gedude yalio. Megi nagebolo eno te yali sę po pusubao.

Josua 7:22

Tama te po obaso, Josuago te bidi meba tagala palama, augwali udulama, te ugwa beba pai. Tama augwaligo te Akango po wali tiwai gilama te gegali, tama silva te gasa nai dologode mu munalubo suai.

2 Pita 2:15

Tama augwaligo te doloba pai kolesaga wali pabo tų tudiba muyu, tama augwali hagawai. Augwaligo te polobadu bidai bidi Beorgo ogwa, Balam, tego yali kolesaga te tų wali pai. Agai te sęgę sabo sę elama, tama te sęde sabo masigi te agai godolo mu yai dao.