Josua 7:18 - Godigo dwagi yai po buku

¹⁸ Tialima, Sapdigo te aga hani tigidalide te bidi deli deli wasilama, tama Josuago te bidi Akan nogo tų ilai. Akan te Karmigo ogwa, tama Karmi te Sapdigo ogwa, tama Sapdi te Serago ogwa, te aga Juda hani dao.

Josua 7:18 Iomraidhean Croise

Bugagia Bidibo Kolesagade Po Asęai Buku 13:21

Te dwai sęgęgo te dwai sę ebo bidi dabe deliba gesabidi ununaibao. Tiali goli, te doloba pai bidi dabego augwa te wiegi yai nai te augwa mone sabo tiwai ebo dao.

Jeremaia 2:26

Genuai Bidigo po ma weyu, te tiwai po wali, “Te nai wi sabo bidi me deli augwaligo dąų ola sobaso da, teda te bidi hale dwai mu saibao. Te Israel hani te tiwai me bidibao. Te augwa king dabe, me augwa tobolu bidi dabe, me pris dabe, me profet dabe, me te tigidali we bidi dabe, te hale yaibao.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

Josua 7:17

Agai te Judade te sibi bage tigidali te odasa asama, tama agai te Serago sibi sa muai. Tama Josuago te Serago hani sibi tigidali deli deli pedela silabo sę yalio. Tama agai te Sapdigo hani bage dolo sa muai.

1 Samuel 14:42

Tama megi da, Solgo tama po wali, “Te dego dwai sę yaliwe naga gegebo sę ebo tobage kolesaga eyu, ena ma Jonatan da si yaliwe, te sueibao.” Tialima, augwaligo tama tiali, tama te masigigo te Jonatan dąį ilali.