Josua 7:12 - Godigo dwagi yai po buku

¹² Tama tialigo te Israel augwali bomo elama dolalu, te boi bidi dabe dali hwįabo te usu ebeo. Megi da, augwali te boi bidi dabe dali hwįbo wi soai, magi baso meni, te augwali dolomainao! Te dagebolo eno habu selali nai dabe te dagego dolisiąbaso da, teda ena munu me dage dali bidimainogo egobeo,” Genuai Bidigo wali.

Josua 7:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 44:10

Nago tama tibaso, tama da te boi bidi dabede wi sobadi, tama augwaligo te dago doado bage salio.

Godigo Nogi Ugwaba Sabo Tęąbi Po Wabo Buku Dabe 60:10

God, te nago da te tudiba muani homu eba, agawe? Nage te dago ami dabe dali pisąma eba, agawe?

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Aisaia 59:2

Te duga sęgęgo naga tama tiyu, te God aga gesabidi seselasa elalu, te dagego gedu haluasa po wabo odobeo. Te duga dwai sęgęgo te duga tomode te duga God dali te obogo dąį elalubo tiwai ebao.

Jeremaia 23:33

Genuai Bidigo Jeremaiabolo te tiwai po walali, “Te we bidi dabego, ma profet me deligo, ma te pris me deli, te aselama, nageba te tiwai po hanalu waibao, ‘Genuai Bidigo sęgę yai po meba elalubo, ma meniwe?’ obaso da, teda nago eno te po agabolo pusao, ‘Ena Genuai Bidigo, eno po dagede elalubao. Dagego enabolo sęgę mawai. Tialima, te eno dage sela sąwaibao.’ Nago eno te po agabolo pusao.

Jeremaia 6:8

Jerusalem, nago po odao. Te meni baso da, te eno nage tudiba muaibao. Te eno nage te olo bulu pesage tiwai pedalumainu ilama, te nagede bidi deli me bidibo usu egobeo,” wali.

Hosea 9:12

“Tiali goli, te mebago wai elalubaso da, teda te wai dabe eno ela mueibao, tama eno te me deli sula tagalama, elalumainu me egobeo. Eno te we bidi tagalobo sogo, te dwai nai haniani augwaliba pedelaibao,” Genuai Bidigo te po wai dao.

Habakuk 1:13

Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Israel Hanigo Namba 14:39

Mosesgo Genuai Bidigo te wali po Israel dabebolo pusa silibo si, augwali gela dwai mu ola pali.

Israel Hanigo Namba 14:42

Dage pigimio. Magi baso meni, Genuai Bidi dage dali me bidibeo. Tiyu, dage pabo digi te boi bidi dabego dage aiyaba elaluaibao.

Israel Hanigo Namba 14:43

Ma, dage peyu da, te dage Kenan dabe dali, me Amalek dabe dali hwįyu, tama augwaligo dage ela silaibao. Genuai Bidi dage dali te hwįbode bidigobeo. Magi baso meni. Dage aga tudiba sąnama, tama aga wali me pisąma ebaso,” wali.

Israel Hanigo Namba 14:45

Tiali, te Israel dabe augwali pali, tama te Amalek dabe me Kenan dabe augwali bulu du taga solama, edaba dulama, te Israel dabe dali hwįagasali, tama augwali aiyaba elaluali. Tama augwaligo te Israel dabe pobeasa pelama, te hanu nogi Hormaba usu nigi pali.

Bomai Po 7:26

Dagego te tibo god dagego be tomoba me seselamuo. Godigo te po wali, te nai dabe dolaibao wali, tama dagego me sali dage me dolaibao wali. Te tibo god dabe te dwai nai mu dao. Tama tialima, dagego augwaliba tudi mu ola mao,” Mosesgo te po wai.

Josua 6:18

Tiali goli, dagego te hanude nai me deli sidali weyu habu sai. Te dagego sali da, teda te dolabo te moni dwai sę te dage Israel dabe bidibo pesagede mu pedelaibao.” Te po wai.

Te Israel Tobolu Bidi Dabe 16:20

Tama te wego i wali, “Samson, dua dao! Te Filistia dabe asobao!” wai. Tama Samson hodaluama te homu yai, “Te ena hodaluama peyu, tama ena te polobadu hasia te eno nogo kęduali sogo yali sę tiwai eyu, te nai dabe tologa paibao,” te homu elama pali. Tiali goli, te Genuai Bidigo agaba mani bomo te taga pali te agai me konebeo.

Te Israel Tobolu Bidi Dabe 2:14

Tama Genuai Bidigo sębę eyu, tama dwai homu mu elama, tama agai te hwįbo boi bidi dabe me, te nai wi sabo bidi me te aselama, te Israel dabe dali hwįagasomainu ilali, tama augwaligo doado bage dabe me wi sagasomainu yali. Tama Genuai Bidigo te bidalubo boi bidi dabego te augwali aiyaba elalumainu ilali. Tama te Israel dabe augwali bomo elama, dolalu hwįaiyu ebo usu me isiąwai dao.

Te Israel Tobolu Bidi Dabe 2:4

Nosali Mobo Bidigo te po wai madi, te tigidali Israel we bidi dwai gela mu wali.

1 Samuel 14:38

Tama Solgo te Israel dabe tobolu bidibolo te po wai, “Dage asiąo,” wali. “Te e megi bubugade dego te dwai sęgę yali te gegelama hanilaibao, tama tialigo te Genuai Bidigo dabolo te po wei ponobeo.