Josua 6:27 - Godigo dwagi yai po buku

²⁷ Genuai Bidi te Josua dali bidibaso, tama te tǫ dabe badu bidalubo tigidali bidi augwaligo agabolo genuai nogi mawai dao.

Josua 6:27 Iomraidhean Croise

Tigidali Nai Gagalama Nigali Side 39:21

Tiali goli, Yawe te Josep dali bidiyu, tama agai aga dali dwagi yai sę yali. Tama tiyu, Yawego te kalabus tonalubo bidigo Josep dali wiegi yai homu pemene emainogo yali.

2 Samuel 7:9

Ena te nage dali bidiyu, te nage pabo tigidali tǫ pedaide te ena bilai dao. Tama eno te nago boi bidi dabe aiyaba elalu yai dao. Tama eno nageba te genuai nogi mawainu yali, te gasa bulu tǫ pedai te bulu tonalubo bomai bidi tiwai pedalumainu yai.

Tuni Bidi Dabego Po Elalubo Buku Deli 14:17

Te tigidali bulu tǫ kantri we bidigo Devitgo te tama sę yali po odama, te augwaligo Devitba genuai nogi manio, tama Genuai Bidigo digi te augwali Devitde wi emainu ilai dao.

Esta 9:4

Te tuni bidigo provins dabede bidibo tigidali bidigo koneani, te king bidigo te genuai nogi me te genuai bomo te Mordekaibolo mawai. Tama agai bomo genuai geninama, tigidali sogo pedaliyu yalio.

Matyu 14:1

Te Jisas aga page bulude bidali sogo te Juda hani genuai gavman tuni bidi nogi Herot agai te Jisasgo sę ela bilibo po odai.

Matyu 18:20

Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

Bomai Po 31:6

Dage dili elama dolalua, dage noma selama, augwalide wi elamo dao. Magi baso meni, Genuai Bidi dago God dage dali bidaibao. Tama agai dage me gegeda pelama, o dage olo bidimainogo me sula tagalogobeo,” Mosesgo te po wali.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Polgo Si Wali Pas Timotiba Asęani - 2TI 4:22

Eno homugo te dago Genuai Bidi te nage dali bidao. Te agai olo mu tau sabo wiegi yai kolesaga te dage dali bidao. Te tama dao.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Josua 9:1

Te Jordan wę sia ge dega sabo badu bidalubo tuni bidi dabe badi, te bulu dude bidalubo tuni bidi dabe badi, te malu bulu dolo bidibo tuni bidi dabego me, tama te nabis ąį sani Mediterenian te badu te Lebanon teba usu nigi pelama bidalubo, te tuni bidi dabe augwali tigidaligo te Israel dabego ebo sę dabe po odada pai. Te Hit tuni bidi dabego badi, te Amor dabe badi, te Kenan dabe badi, te Peres dabego me, te Hivi, me Jebus, te tama tǫde bidalubo tuni bidi dabego te po odai.

Josua 9:3

Tama te Gibeon bulu bidi dabego me te Josuago te Jeriko de Ai hanu side yali sę po odama,

Josua 9:9

Tialima, augwaligo agabolo te tiwai po wai, “Da te digibulu bulu me delidu asali, magi baso meni, dago te dagego Genuai Bidi Godigo genuai nogi elalubo po odalio. Dago te tigidali sę agai te Isip tǫde yali odai dao.

Te Israel Tobolu Bidi Dabe 1:19

Genuai Bidigo te Juda dabe tau sobaso tama augwaligo bulu du elalubo tǫ dabe sali. Tiali goli, augwaligo te wę sanide bidalubo bidi dabe sela sąyabo te usu meni yai, magi basowe, te bidi dabe augwaligo te hwįbo nai dabe karis ain elaluali.

1 Samuel 18:14

Tiali goli, Genuai Bidi aga dali bidiyu, tama aga tau siyu, tama tigidali sę agai ebo te wiegi yai naga pedelali.

1 Samuel 2:30

Ena God, te dage Israel dabego Genuai Bidi, polobadu eno po nago wąį nǫų Aron dali po dąų walali, tama aga hani dali me, te augwali hani sesemane te pris sę iduaibao wai. Tiali goli, megi eno te dąų walali po hasegelaibao. Megi eno te tiwai po obao, te eno nogi ugwaba sabo bidi da, teda eno agaba genuai nogi mawaibao. Tama ena dali hagoma homu ebo bidi da, teda eno aga aiyaba mu elalueibao.”