Josua 6:19 - Godigo dwagi yai po buku

¹⁹ “Te tigidali nai augwaligo te silvago me gol me bras me ain, tego nigali nai dabe, te Genuai Bidigo nai dabe naga dao. Dagego te Genuai Bidigo mone mubo beba naga sela asao,” Josuago te po wai.

Josua 6:19 Iomraidhean Croise

2 Samuel 8:11

Devitgo te wiegi yai homu eyu magasobo nai dabe selama, tama God Genuai Bidiba sa munani. Te agai gasa boi bidi dabe aiyaba elaluama, te sali gol me silvade te tobage kolesaga yali tiwai gilama yalio.

Te Israel me Juda Hani Sigo Tuni Bidigo Po Elalubo Buku Deli 14:26

Tama augwaligo te Jerusalem bulu hani bidi dabe aiyaba elaluama, tama augwaligo te dwagi dwagi yai doado bage dabe me siyu, te Genuai Bidi God dolo lotu po wabo bede muani doado bage me, tama me te kingo bede muani doado bage me sali. Tama me te augwaligo te king Solomongo nigali sabele ni name dabe, te golgo haluali ni name, te me te tigidali doado bage augwaligo sali. Tama te doado bage augwaligo te Isip buluba tolasa pai.

Te Israel me Juda Hani Sigo Tuni Bidigo Po Elalubo Buku Deli 7:51

Te king Solomon dali, te sę bidi dabe daligo te Genuai Bidigo tempel be sę yali tigidali silama da, teda Solomongo te tigidali silva, me gol, me te dis nai dabe te aga aya Devitgo nai dabe selama, te Genuai Bidiba dąį ilali nai dabe, tama augwa te doado bage tigidali te Genuai Bidigo be tomode elaluali bakstua be habu tomoba muanio.

Te Israel me Juda Hani Sigo Tuni Bidigo Po Elalubo Buku Si 24:13

Tama te king Nebukatnesar aga te Genuai Bidigo tempel be tomoba pelama, tama agai te tigidali gol te king Solomongo nigali naide muani gol dabe tigidali sali. Tama me te gasa dwagi yai doado bage te Genuai Bidigo tempel bede muani me, me te kingo bede muani doado bage me, tama tigidali te agai te Babilon buluba selasa pali. Agai te tama tiali sę te Genuai Bidigo polobadu wali poba usu nigi peyu, tama sę yali.

Tuni Bidi Dabego Po Elalubo Buku Deli 18:11

Devitgo te Toigo wiegi yai homu eyu mani nai dabe agai te Genuai Bidiba dąį ilama manio. Agai te tobage deli kolesaga te agai gasa boi bidi dabe elaluama sali silva me gol te Genuai Bidiba naga mawai, te Idom dabe, me Moap dabe, me Amon dabe, me Filistia dabe, me Amalek dabe, te hani augwali Devitgo aiyaba elaluai dao.

Tuni Bidi Dabego Po Elalubo Buku Deli 26:20

Te Ahiya, te Livai hani dabede te bidi me deli da, agai te Genuai Bidigo bede munalubo mone mubo be tonalubo tobolu bidi da, tama agai te wiegi yai nai dabe te elalubo be habu te bidi dabego Genuai Bidigo nai da olama dąį ilali nai te tonalubo bidi dabe tobolu bidi dao.

Tuni Bidi Dabego Po Elalubo Buku Deli 26:26

Selomit aga deli hani bage dali te wiegi wiegi yai nai dabe te bidi dabego Godiba dąį ilama te Genuai Bidigo beba muani nai dabe tonaluali. Te wiegi yai nai dabe da, te king Devit me augwa tobolu bidi dabe me te deli hani sibi te ami ofisa dabe, augwali tigidaligo te wiegi yai nai dabe te Godiba dąį ilai dao.

Tuni Bidi Dabego Po Elalubo Buku Deli 26:27

Te augwaligo boi bidi dabe aiyaba elaluali sogo, augwaligo te boi bidi dabego wiegi yai nai hauwa salio. Tama nosali augwaligo te nai meba te Godigo nai da olama sa munama, tama te Genuai Bidigo beba sela asalio. Nosali me sogo augwaligo te moni tempel bede ma geselebo sę elalubaso da, teda teba muani naigo augwaligo te sę ebo abelaibao homu yali.

Tuni Bidi Dabego Po Elalubo Buku Deli 26:28

Te Genuai Bidigo bede munaluali wiegi yai nai meba dabe, te profet Samuel me king Sol me Apner, te Nergo ogwa, te Joap, te Seruiago ogwa, te tama bidigo Godiba mawai. Te Selomit aga deli hani dabe daligo te nai dabe tigidali tonaluai dao.

Tuni Bidi Dabego Po Elalubo Buku Deli 28:12

Tama me te nogi asęanide te tigidali nai te Godigo Mobo Noma Bidigo Devitba ola mani, te sisinabo pesage te Genuai Bidigo tempel be sę yabo pesage nigabo, me te piksa noma dabe elalubo ola mani te sisinibo pesage bagulali habu dabe, me te Godigo bede mone mubo be, me te Genuai Bidiba dąį ilama te bidi dabego mabo wiegi yai nai dabe ola mawai dao.

Tuni Bidi Dabego Po Elalubo Buku Si 15:18

Tama Asago aga ayago Godigo nai dao olama sa muani te nai dabe sese me silva me gol me haniani dis dabe me, te aga digi Godigo dao olama sa muani te nai dabe sese selama, tama Godigo tempel be tomoba mugi pali.

Tuni Bidi Dabego Po Elalubo Buku Si 31:12

Tama augwaligo te we bidigo Genuai Bidibolo mani te nai dabe me meba gasa nai dabe selama, te be habu dabe tomoba muani. Tama Livai bidi me aga nogi Konaniago te sę tonaluali, tama aga ama Simei aga tudi badu namba tu dolaluali.

Nehemia 10:38

Tama te Aron hanigo pris dabe te augwa Livai dabe dali aselama, te nai dage me deli sagasaibao wai. Tama te Livai dabego te nai te nogo si pedai badu dobolama, tama me dage pedai deli te Godigo nai mubo be habuba mueibao wai dao.

Jeremaia 38:11

Tialima, Ebetmelekgo te bidi dabe te kingo beba sela pelama, tama augwali te kingo mone mubo be habu me deli te dologode elaluali teba pali. Tama augwa te poloba badi ugwa selama, tama augwa te Jeremaia bidibo tǫ dedageba pali. Ebetmelekgo te ugwa nami dabe te baklain bonode kęnama, te Jeremaia bidibo madi aiyaba tagalaluali.

Pris Sę Ebo Bomai Po 19:24

Te kibu be me si me si wabode, dagego te ni du wai tigidali te ena Genuai Bidiba mao, te dagego enaba wiegi yai pemene eyu puba hwi wabo ola mabo tiwai ebao.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Israel Hanigo Namba 31:11

Tama nosali augwaligo te we wai, me kau kibu, me sipsip kibu, me te wiegi yai nai dabe augwaligo te

Israel Hanigo Namba 31:12

Moses, me Eleasar, me te Israel dabe pageba te Moapde malu bulude bidibadi sesali, te wę Jordan u badu, te Jeriko dolo si dao.

Israel Hanigo Namba 31:22

Te isigo dolisąbo nai dabe, te gol, me silva, me ain, me kapa, me bras, te tama nai dabe dagego isi bogoliba osogo muao, tama te nai dabe Genuai Bidigo gedude ma wiegi yai pedalaibao. Ma, te nai dabe te isigo mu dolabo nai dabe yaibaso da, dagego te wę telayao, te bedeba so kau kibu sisi dulu dali taluali węgo tama telayao, tama augwali wiegi yai ma pedalaibao.

Matyu 27:6

Te genuai pris bidi dabe augwaligo te Judasgo sąwani mone ge selama, tama augwaligo augwa hasi te po wai, “Te e monede da, te bidi elai mone dao. Tama tibaso, dago te mone ge te Moni Lotu Be tempel mone dali muyu da, teda dago te bomai po bolaibao. Te dali me mugobeo,” wali.

Dwagi Yai Gesi Po Makgo Asęani 12:41

Jisas te Moni Lotu Be tempel tomode bidiyu, tama aga te Godibolo ofa maiabo mone ge mubo halobage pąde dulaluai. Tama agai te we bidi dabego te halobageba mone ge tulagasobo suali. Tama doado bage hauwa elalubo bidi dabego masigi hauwa tulagasu yai.

Josua 7:11

Te Israel dabe augwaligo dwai sę yalio! Hasia eno augwalibolo habu seliyu, te Jeriko hanude elalubo nai dabe me sigio po wai, tiali goli augwaligo eno po sela sąwanio. Tama eno augwalibolo te dolao po wali nai dabe meba te augwaligo salio. Augwaligo te nai dabe wi selama, tama augwaligo tibo sę elama, tama augwaligo te nai dabe te augwa nai dabe tomoba geme dualalio.