Josua 5:5 - Godigo dwagi yai po buku

⁵ Te tigidali bidigo te Isip bulu taga soali sogo, augwaligo te augwa tigiwali togwai. Tiali goli, te idago te olo kemi tǫ bulude ame nani bidi dabe, augwaligo tigiwali te me togosiąwai.

Josua 5:5 Iomraidhean Croise

Matyu 12:7

Tama bukude Godigo wali po me deli augwaligo asęani, ‘Eno te dagego enabolo olo mabo nai ofa te godolo ebo menio. Dagego gasa we bidi dali homu dene eyu tau sabo kolesaga ebo, te eno godolo ebo dao.’ Tama dagego te po page bugagia konegi sogo da, teda dagego te dwai sę meni yai bidi dabebolo sęgę magi menigi dao.

Polgo Po Pas Rom Dabeba Asęani 2:26

Me ma, te tigiwali togosiąwani Juda hani isąwai bidi dabe augwaligo te Godigo bomai pogo kolesaga tigidali bugagia wali pobaso da, teda te bidi dabego nogi te tigiwali togwali Juda dabego nogi tiwai mu elaluaibao.

1 Korin 7:19

Te tigiwali togobo kolesaga, te Godigo gedude te olo nai tiwai dao. Tama te tigiwali togosiąbo kolesaga me te aga gedude te olo nai tiwai dao. Tiali goli te Godigo bomai po wali pabo kolesaga, te mu nai dao, te sęgę dao, tede magigo meni wagimio.

Galesia 5:6

Tama tiyu, dago koneani, te bidi aga Krais Jisasde wadoloyu da, teda aga tigiwali togobo sę te olo sę tama tiwai da, tama te tigiwali togisąwai bidi me, te me te olo sę tiwai da. Te sęde magigobeo, te olo sę tama dao. Tiali goli, te bidigo aga abagi dali te wiegi yai homu elama tama tau sabo, te bidigo Godide konealubo po dąų wabo homu kolesaga hodolobao, te agai kolesaga te usu mu elalubao.

Galesia 6:15

Tama te tigiwali togobo sę dali, te tigiwali togisiąbo sę dali si te olo sę dao. Te sęde magigobeo, te olo sę tama dao. Tialima, te God agai da gesi noma sai we bidi nigibo kolesaga, te kolesaga wiegi yai mu dao, genuai mu dao, sęgę mu dao.

Josua 5:4

Agai te kolesaga yali page, e tiwai. Te Israel dabego te Isip tǫ taga soali sogo, te hwįbo usu yali bidi dabe tigidali, augwali te olo kemi tǫ bulude isila pai dao.

Josua 5:6

Te Israel dabe augwali te nai meni yai olo kemi tǫde bilaludubadi, te kibu be bidi sese si 40 yia yai. Te sogo te hwįbo usu yali bidi dabe tigidali te augwali isila pai. Magi baso meni, te augwaligo Genuai Bidigo po wali me pisąbaso, tiwai dao. Te mu tama Genuai Bidigo te wąį dabe augwalibolo po dąų waliyu, agai te tǫ dabolo mawaibao wai. Te tǫ da, te wiegi yai mu dao. Tiali goli, agai te po wai, te po sela sąbo bidi dabe augwaligo me sugubeo, wai.