Josua 5:13 - Godigo dwagi yai po buku

¹³ Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Josua 5:13 Iomraidhean Croise

Tigidali Nai Gagalama Nigali Side 18:1

Nosali Yawe te Abraham bidibo madi, te bidi Mamrego genuai ni dabe elalubo digi, teba pedelali. Te giliga sesane mu ebaso, tama Abraham te aga ugwa be sunumi mabode dulaludai.

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Tigidali Nai Gagalama Nigali Side 28:16

Jekop te pila muani hodalu, tama po wai, “Eno Yawe te e bulude bidibo me konesiąwai. Tiali goli, mu tama aga bidibao.”

Tigidali Nai Gagalama Nigali Side 33:1

Te Jekop aga hani dali tama pobadi, tama agai digibulu gana tonoyu, tama Iso te aga hani bidi dabe te 400 dali asobo suali. Tama aga hani tigidali wai dabe bugulama, tama te Leaba, me Reselba, me te sę ebo we sibolo te dobaba pali.

Tigidali Nai Gagalama Nigali Side 33:5

Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?” Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”

Tuni Bidi Dabego Po Elalubo Buku Deli 12:22

Tama tigidali side te bidi hauwa te Devitba asesa aselama, te agai ami pedelainu yali. Tialima agai ami bidi hani te genuai mu pedelai.

Tuni Bidi Dabego Po Elalubo Buku Deli 21:27

Tama Genuai Bidigo po obaso, te ensel bidigo te bainat hwą te aga munaluali pesageba ma muai dao.

Tuni Bidi Dabego Po Elalubo Buku Deli 21:30

Tialima te sogo Devit te taun Gibeonba pelama, te Genuai Bidigo homu konemainu yabo usu meni yai, magi baso meni, aga te Genuai Bidigo enselgo bainat hwą tolalubo sulama wi yai dao.

Ma Dobola Sali 23:23

Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.

Daniel 10:5

Eno te ugwaba tonobadi, tama eno te bidi me deli te nami ugwa wiegi yai beali bidi suali, tama augwaligo te wiegi yai golgo nigali kukulu muai.

Daniel 8:3

Ena tonalubadi, te omai sipsip me deli te wę pąde dolalubo suali. Agai te gąų si elaluali. Te podolali kom gąų te bobobage yai elaluali, tiali goli te si wali kom gąų te polasa pedelali kom gąų nosali badu pedelai, tama te bobobage mu dao.

Sekaraia 1:8

Te hulide eno nai me nade subo nai tiwai me suali. Tama eno Genuai Bidigo ensel bidi kaneme hosde dualasa asobo suali. Te hos te bulu odogo mede ni tomode dolalubo suali. Tama meba hos dabe aga tudi badu dolalubo suali. Te hos dabe meba te kaneme hos, meba te nala hos, meba hos dabe te popoi pai hos dabe suali. Tama te ensel dabe te hos dabede dualalubo suali.

Israel Hanigo Namba 22:23

Te enselgo bainat hwą tolaluyu, sunumide dolalubo suali, tama tibaso donkigo sunumi tagalama, bogo badu pali. Tama tibaso, Balamgo aga donki elama, sunumiba ma tagala palali.

Israel Hanigo Namba 22:31

Tama Genuai Bidigo Balamgo te ensel bainat tolaluyu sunumide dolalubo sumainogo ilali. Tama polo tama Balam gesabidi aiyaba elama, tǫba degasa dulali.

Godigo Sęba Tagala Palai Bidigo Po 1:10

Te Jisas holobaso, augwaligo bomo yaigo tonalubadi, tama polo te nala nisi ugwa gudai bidi si augwali dali hodobo dolaluagasai.

Josua 6:2

Tiali goli, Genuai Bidigo Josuabolo te po wai, “Bugagia odao! Te eno nagebolo te Jeriko hanu badi, te aga tuni bidi me, te bomai ami bidi dabe me, te eno nago nogoba mawaibao.

Kraisgo Geme Dualali Sę Pedelabo Po Jonbolo Ola Mani 1:13

Tama eno suali, te sole dabe munalubo tomode bidi me deli te bidi mu tiwai tede dolalubo suai. Tama te bidi aga bobage ugwago sągą halua sai bidi, tama te bidigo tigide eno suai, te kapa golgo nigali nai aga hagawia bagulai nai te eno suai.

Te Israel Tobolu Bidi Dabe 13:11

Tama Manoa hogodama, tama te aga we wali pali. Manoa te bidi bidiboba sabolama, tama agabolo te tama po hanalu wali, “Nage te bidi polobadu nago te eno we dali po miani bidi da, agawe?” Tama te bidigo te po wali, “Awe, ena tama dao.”

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”