tama Abram te tǫ tomodu ma pelama, tama aga te gasa pesage te hanu nogi Sekem teba saboligi pai. Tama te bulude te gasa moni ni mu deli nogi More te elaluali. Tama te sogo te Kenan hani bidi dabe te bulude bidibadi dao, tama augwaligo augwa tibo god dabebolo te moni ni pagede te augwa lotu po weyu, bidaluali.
Josua 5:1 - Godigo dwagi yai po buku1 Te sia ge dulubo badu te Jordan wę badu, te Amor tǫde bidibo te tigidali tuni bidi dabe badi, te genuai tamu ąį Mediterenian te sesegede te Kenan moni tǫde bidibo tigidali tuni bidi dabego me, augwaligo te Genuai Bidigo te Jordan wę wai ilai digi te da Israel dabego te wę nogali po odali. Tama te da Israel dabe augwali pąba asobaso, te tuni bidi dabe augwali wi dwai mu eyu, tama augwali homu didibili mu yai dao. Faic an caibideil |
Josua 5:1
32 Iomraidhean Croise
Tialima, Devitgo te Gibeon dabe i olama, asali. Te Gibeon dabe augwali te Israel we bidi menio. Augwali te Amor hani bage da. Te gasa Amor dabe te hagawai, tama te dwasianu hani naga bidai. Polobadu mu te Israel dabego te bomai po mu dąų weyu, te Gibeon dabe augwaligo me dologobeo po wai. Tiali goli, king Solgo bomo eyu, te Israel de Juda si naga te Israel tǫde bidimainu yai. Tama tiyu, Solgo te Gibeon dabe silimainu tiai dao.
Tama kwingo te wiegi yai nai hauwa te tigidali sogo Solomongo sabo suali, te agai ofisa dabe te Solomon dali deliba dualama nai tubo me suali. Tama agai te kingo sę bidi dabe me, te gasa sawi yai ugwa te augwa mubo suyu, te agai te wain wę dobabo bidi dabe me suali. Tama agai Solomongo te Genuai Bidigo tempel beba sela pabo kibu dabe me, te tigidali siaba ulama domainu ofa ebo me suai. Agai te wiegi yai nai dabe tigidali sulama, tama aga midigi mu elama, te aga po mu wabeo.
Dago te sę tigidali ela silama da, teda dago te polalubo bidi dabe aselama, tama enabolo te tiwai po wagasalio, “Odao. Te pris dabe, me Livai dabe, me te dago we bidi tigidali te Godigo po odisąbo bidi hani bage digibulude me bidibeo. Menio. Augwaligo te Kenan dabe, me Hit dabe, me Peres, me Jebus, me Amon, me Moap dabe, me Isip dabe, me Amor dabe, te tama hani dabego ebo dwai kolesaga wali pobao,” wai.
Te augwaligo nage hanalu magi baso nago te tiwai hwąwa obawe po obaso da, teda nago augwaliba te tiwai po walao, ‘Genuai sęgę mu pedelainu ebaso, te ena hwąwa obao,’ po wao. ‘Te sogo dage wi dwai mu eyu, te dagego sągą didibili elama, te dage bomo mu meni yaibao. Te dwai sogo megi da pedelainu ebao. Te Genuai Bidi Godigo po dao.’ Nago augwalibolo te po wao,” wali.
Te dagego te moni ni sili bulu du elalubo bulu te dagego sagameo. Mu tama, te genuai bulu elalubo, tiali goli te dagego penama, tama te tǫ tigidali saibao. Tede bidalubo Kenan dabego te bomo eyu, tama augwaligo te ain karis dabe elalubao, tiali goli te dagego augwali sela sąyu, ela gudulagameo,” Josuago te po wai.
Tiali goli, dagego te Genuai Bidiba lotu wabo hagela homu ebaso da, teda dagego bugagia homu kone palao. Te dagego lotu po debolo waibawe? Te duga wąįgo te Mesopotemiade te tibo godiba lotu wali te Godiba lotu po waibawe? Ma, te Amor dabego tibo god, te megi te dage te bidibo tǫde te Godiba lotu waibawe? Tiali goli, ena, te ena we wai sibi dali, te dago da te Genuai Bidiba naga lotu po waibao,” Josuago te po wai.
te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.
Sanasan