Josua 3:6 - Godigo dwagi yai po buku

⁶ Nosali Josuago te pris bidi dabebolo te po wai, “Dagego te bomai po dąų wali halobage te we bidi augwali nosaliba ilama, polasa te halobage tolasa pao,” wai. Te augwaligo tama tiai dao.

Josua 3:6 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 8:3

Te tigidali polalubo bidi me tobolu bidi te deliba sisinani sogo, teda te pris dabego te Dąų Wali Bomai Po Muani Halobage te tolali.

Tuni Bidi Dabego Po Elalubo Buku Si 5:4

Te polalubo bidi dabe me tigidali hetman dabe sisina silibo sogo da, teda te Livai dabego te halobage tolali.

Maika 2:13

“Godigo te aga we bidi kalabuside bidali tagala palama, te augwali buluba dinaibao. Augwaligo te taun obo aluama, te buluba teda soaibao, te augwa king da, te Genuai Bidi digi da, te augwali asobodu polasa paibao,” Genuai Bidigo te po wai dao.

Israel Hanigo Namba 10:33

Te we bidi augwaligo te Genuai Bidigo bulu du taga pali, te Sainai bulu du dao. Augwali sela sogo tama pali. Tama augwaligo Godigo Dąų Wali Bomai Po Munaluali Halobage bolo polasa sela pali, te bidabo pesage nigabo pesage gege peyu pali.

Israel Hanigo Namba 14:15

Tama tialima, nago naga we bidi tigidali sese tama eliyu da, te gasa we bidi hanigo nago genuai nogi odali bagego te e tama po waibao,

Hibru 6:20

Tama da tobade Jisas aga digi polasa peyu, te be habu tomoba pali, te da tau sainogo yali. Aga te genuai pris tobolu bidi pedalali, te bidi Melkisedek tiwai pedalali, tama aga sesemane sogo bidada peyu, bidada paibao.

Josua 3:3

tama te we bidibolo te tiwai po wai, “Dagego te Livai dabego pris bidi hani dabe augwali pabo subo sogo, tama te dago Genuai Bidi Godigo bomai po dąų wali po muani halobage tolasa pobaso da, teda dage hogodama, te duga tigidali doado bage selama, tama augwali wali piąo.

Josua 3:5

Tama Josuago te we bidi dabebolo te po wai, “Te duga homu me kolesaga dodolobo sę iliyu, lotu po wao, magi baso meni, do da, te Genuai Bidigo noma sabo bomai sę te dage tomode yaibao,” wali.

Josua 3:7

Tialima, Genuai Bidigo Josuabolo te po wai, “Megi da, te eno nago nogi ugwaba sabo sę te Israel dabe augwali gedude gagalaibao, te ena nage dali bidibo konemainu, te ena Moses dali bidali tiwai gilama yaibao.

Josua 6:6

Tialima, Josuago te pris dabe i olama, asobode tama augwalibolo te po wai, “Dagego te dąų wali po muani halobage tolao,” wai. “Tama te pris a naga me badu sigo te biugel tolama, tama te dąų wali po muani halobage tolali bidi dabe asobadi, te augwali poligi pao,” wai dao.