Josua 3:13 - Godigo dwagi yai po buku

¹³ Te pris bidi dabego te tigidali tǫde Genuai Bidi Godigo te dąų wali po muani halobage tolasa pabode, tama augwaligo sągą te węba agabo sogo, teda te wę tigidali dąų mu ola sigi pelama, tama te wę me soagobeo. Magi baso meni, te ugwadu wę daide te bulu du me dedeli tiwai gilama dolaluaibao,” Josuago te po wali.

Josua 3:13 Iomraidhean Croise

Tuni Bidi Dabego Po Elalubo Buku Deli 29:11

“Nago tigidali bomo kolesaga mu elalubao. Nago nogi genuai elalu, te nage ugwadu mu bidibao. Nage mu polalubao. Magi baso meni, tigidali dagalude me tǫde elalubo nai tigidali te nago nigai nai naga elalubao. Tama nage te tigidali naigo tuni bidi king bidibao.

Godigo Nogi Ugwaba Sabo Tęąbi Po Wabo Buku Dabe 33:7

Agai te tamu ąį selama, te deliba naga sisinani, te bidigo te deli sene sospende naga te wę tabibo tiwai gilama yali. Agai te tamu ąi page te aga pesagede aiyadu mu elalumainu yai.

Godigo Nogi Ugwaba Sabo Tęąbi Po Wabo Buku Dabe 74:15

Nago te wę dabe te tǫde pedalumainu elama, tama te wę dabe tedu palio. Tama nago te genuai wę dabe tigidali mu sula somainu ilai dao.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Ma Dobola Sali 15:8

Nago te bomai wali hodolai. Tama waligo te wę bo ugwadu ilali, tama wę te obo tiwai dolo dolaluai. Tama aiyadu mu elaluali tamu wę dila pai pedelai.”

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Habakuk 3:15

Nage te naga hos kibu dabe tudide dugulasali, tama augwali te tamu ąį daidu agaga palio. Tama tiali sęgo te tamu ąį dini genuai hogodomainu ilalio.

Sekaraia 4:14

Tialima agai te po wali, “Te da, te Genuai Bidigo bidi si tigidali tǫde genuai bidi si te tǫde agai sę emainu magi ilai bidi si tiwai dao, te augwali si tobolude wel gelama, magi ilai bidi si tiwai dao, te agai sę emainogo,” te ensel bidigo te po wali.

Josua 3:11

te Godigo dąų wali bomai po muani halobage te tolasa polasa peyu, te wę Jordan nogobo sogo te tiwai yaibao.

Josua 4:7

teda dagego augwalibolo te po waiąo, te Genuai Bidigo dąų wali po muani halobagego te wę Jordan nogali sogo te wę sula sai elalubadi, te masigi dabe sai dao po wainogo tama tiwai. Tama te masigi dabego te Israel dabego homu te sesemane bidada pabo sogo hogodomainogo tama tiao,” wali.