Josua 3:10 - Godigo dwagi yai po buku

¹⁰ Megi da, dagego te dena God, te bidibo ula elalubo God, aga te da tomode elalubaso, tama agai te Kenan dabe me, te Hit bage dabe me, te Hivi dabe me, te Peres dabe me, te Girgas me, te Amor me, te Jebus dabe badi, te tama bidi hani dabe te Godigo bomogo sela sąbo te dagego koneaibao. Dagego te Godigo bomo bugagia sula selama, mu konemainu eyu,

Josua 3:10 Iomraidhean Croise

Tigidali Nai Gagalama Nigali Side 15:21

te Amor dabe me, te Kenan me, te Girgas me Jebus, te tama hani bidi dabe augwali tǫ saibao. Eno tama po mu dąų obao,” Yawego Abrambolo te po wai.

Te Israel me Juda Hani Sigo Tuni Bidigo Po Elalubo Buku Deli 22:28

Tama Mikaiago Ahapba te tiwai po ma wali, “Nage te dolobo sęgo gegesiąma, te nage asobaso da, teda Genuai Bidigo enabolo te po mabe da homu yagameo,” wali. Tama Mikaiago te tama po ma wali, “Dage tigidali hani we bidigo te po bugagia odao,” wali.

Te Israel me Juda Hani Sigo Tuni Bidigo Po Elalubo Buku Si 19:4

‘Asiria king bidigo aga sę ebo gavman ofisa bidi tagala palali bidigo aselama, dago God dolo agai dwai po mu wagasalio, dena Genuai Bidi dao, aga te tigidali sogo bidada peyu, bidada pabo God dao. Tialima, te aga dolo te dwai po wali aga odali bogo, tama aga digi te po wali bidibolo wei ponoyu, sęgę mawaibao,’ wali. ‘Tama teyu, dago homugo nago te God dolo gedu haluasa po wao, tama agai da dwasianu hani bidibo tau somainao,’ kingo te po wali,” augwaligo te po wai.

Tuni Bidi Dabego Po Elalubo Buku Deli 1:14

te Jebus dabe, me Amor dabe, me Girgas dabe,

Godigo Nogi Ugwaba Sabo Tęąbi Po Wabo Buku Dabe 42:2

God, nage te bidibo ula elalubo God da, tama eno nage wei homu mu ebao, te bidi aga dogoni wa pobaso, te wę tuainu ebo tiwai yaibao. God, mena sogo te ena nageba aselama, tama te moni lotu be tempelde nageba lotu wagowe?

Godigo Nogi Ugwaba Sabo Tęąbi Po Wabo Buku Dabe 9:16

Awe, te tama tebogo te God agai kolesaga te bidi dabeba te po tų ebo sogo ola mawai dao. Te dwai sę ebo bidi dabego te gasa bidi dolabo sę yali, tiali goli te naigo begelama, te augwa digi ma dolai.

Ma Dobola Sali 17:7

Tama te bulu nogi augwaligo Masa wai, te nogi page “Usu sai,” tama me nogi Meriba, te nogi page “Wado po wai.” Magi basowe, Israel augwaligo wado eyu, tama augwaligo te po wai, “Genuai Bidi da dali bidibowe, ma meniwe?” Tama te dwai kolesagade augwaligo te Genuai Bidigo bomogo ebo sę usu sai.

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Ma Dobola Sali 33:2

Tama eno ensel mobo bidi me deli te dage pabo madi polasa tagalama, tama eno te Kenan hani, me Amor, me Hit, me Peres, me Hivi, me Jebus, te hani augwali eno sela sągi paibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Jeremaia 10:10

Tialima, Genuai Bidi, nage God mu dao. Nage sesemane bidibo God, te nage sesemane sogo king bidaibao. Te nago haliga sębę ebo sogo da, te tǫ mali eyu, te we bidi hani bugagia me bidigobeo.

Hosea 1:10

Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao.

Israel Hanigo Namba 13:29

Te Amalek dabe te saut badu bidibo, te Negevde. Tama te Hit dabe me, Jebus hani dabe me, Amor hani dabe me, augwali te bulu du badu bidibo suali. Tama te Kenan dabe te genuai tamu ąį Mediterenian pąde bidibo, tama me badu te wę Jordan sesegede bidibo,” augwaligo te po wai.

Matyu 16:16

Tama Saimon Pitago po wei ponoyu, te po wai, “Nage da, nage te Godigo te we bidi tau sabo sa muani bidi Krais dao, te nage bidibo ula elalubo Godigo Ogwa dao,” Pitago te po wai.

Dwagi Yai Gesi Po Jongo Asęani 6:69

Tama dago te pode bomo yai homu dąų olama, bidibo dao. Me dago nage koneai, naga digi naga Godigo doloba pai bidi mu dao, Godigo tagala palai bidi dao, te dago konebao,” Pitago Jisas dali te po wai.

Bomai Po 31:17

Te augwaligo te tama tibo sogo da, teda eno augwali sębę dwai mu yaibao. Tama tibaso, eno augwali tagalama, tama augwali tudi ola mawaibao. Tama augwali mu dolaibao, tama dwai sę dabe hauwa mu augwaliba pedelaibao. Tama augwaligo te po waibao, ‘Te God da dali bidibe yali bogo, tama te dwai sę dabe daba te pedalobo yabao,’ te po waibao.

Bomai Po 5:26

Te niwai bidi mu te God tigidali sogo mu bidibo bidigo po te isi tomode bidi po wabo de isigobewe?

Bomai Po 7:1

Te Mosesgo po geninama weyu, te po wali, “God dago Genuai Bidigo dagebolo megi sainogo ebo te tǫba odasa paibao. Tama agai te bidi hani hauwa te tǫde bidibo bidi hani sela sąwaibao. Dage tǫba pabo sogo, agai te a naga olama si, te 7 bidi hani sela sąwaibao, te tǫde bidali bidi hani. Te bage augwaligo bomogo da, dagego bomo edelai bage dao. Te hani te Hit, me Girgas, me Amor, me Kenan, me Peres, me Hivi, me Jebus, te tama hani dao.

Bomai Po 7:21

“Tama tialima, dage te bidi hanide wi elamo dao. Magi baso meni, God dago Genuai Bidi dage dali bidibao. Agai bomo genuai mu elalubao, tama tigidali bidi dabe augwali agade wi mu yao.

1 Tesalonaika 1:9

Dage bidibo digi da asali sogode dagego yali sę po augwa digi augwaligo dabolo pusubo dao. Augwaligo da dali pusuyu, te po wai, ‘Augwaligo te tibo god tagaliyu, tama augwaligo homu God muba muai,’ te po wabo dao, tama dage bidabo ula sabo te God agai sę bidi dage bidibao, te po wabo dao.

Hibru 10:31

Te bidibo ula elalubo God agai da dąų weyu, te dwai dene ebo te dabolo wei ponainogo eyu da, te dwai wi mu ebo nai dao.

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

Josua 12:8

Te mani tǫ da, te bulu du dabe elalubo tǫ, te dwasianu bulu du dabe, me te Jordan malu bulu me, tama te Jordan ąį pąde te dwasianu bulu du elalubo me, te olo kemi tǫ bulu elalubo madi me, te Negev bulu te dąį igi pai. Polobadu te Hit hani bage me, te Amor dabe me, te Kenan dabe me, te Peres dabe me, te Hivi dabe me, te Jebus dabe me, augwali tigidali te genuai tǫde bidaluai dao.

Josua 21:45

Genuai Bidigo te tigidali wiegi yai te dąų wali po te Israel bage augwaliba mu usu nama, tama te sę ela silali. Agai wali po me deli munu me tulalubeo.

Josua 22:31

Tialima, Finias, te pris Eleasargo ogwago te Ruben, me Gat, me Manase, te hanibolo te tiwai po wali, “Megi dago koneani, te Genuai Bidi da dali bidibo, magi baso meni, dagego agai po me sela sąbeo. Tama tibaso, Genuai Bidigo da dali wado po me wagobeo,” wali.

Josua 24:11

“‘Dage te wę Jordan nogelama, te Jerikoba sabolali. Tama te Jeriko bidi dabego dage dali boi hwįani. Tama te Amor dabe me, te Peres dabe me, te Kenan me, te Hit dabe me, te Girgas me, te Hivi dabe me, te Jebus dabe me, te augwaligo me dage dali boi hwįani. Tiali goli, eno augwali dagego nogoba muani.

Josua 3:9

Tama megi da, Josuago te Israel dabe augwalibolo te po wai, “Dage te pąba aselama, te Godigo po odao, te dago Genuai Bidi dao.

Josua 9:1

Te Jordan wę sia ge dega sabo badu bidalubo tuni bidi dabe badi, te bulu dude bidalubo tuni bidi dabe badi, te malu bulu dolo bidibo tuni bidi dabego me, tama te nabis ąį sani Mediterenian te badu te Lebanon teba usu nigi pelama bidalubo, te tuni bidi dabe augwali tigidaligo te Israel dabego ebo sę dabe po odada pai. Te Hit tuni bidi dabego badi, te Amor dabe badi, te Kenan dabe badi, te Peres dabego me, te Hivi, me Jebus, te tama tǫde bidalubo tuni bidi dabego te po odai.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

1 Samuel 26:6

Tama Devitgo te Ahimelek te Hit hani, me Abisai, te Devit aga abe Seruiago ogwabolo walali. Abisai aga te Joapgo ama da. Devitgo augwali sibolo te tama po wali, “Te dage sigo de te Solgo bidibo pesageba pabo homu ebowe?” Tama Abisaigo te po wali, “Ena paibao.”