Josua 24:33 - Godigo dwagi yai po buku

³³ Tama Eleasar, te Arongo ogwa, te isibaso, tama augwaligo aga te Gibeade pubulali. Te hanu augwaligo te aga ogwa Finiasbolo mani, tama te Efraimgo bulu du te badu elaluai dao.

Josua 24:33 Iomraidhean Croise

2 Samuel 20:21

Mu menio. Dago te bidi me deli naga sagasu asali, aga nogi te Seba, te Bikrigo ogwa. Aga te Efraimgo pesage te bulu dude bidi dao. Te bidigo te bidi dabego homu hodolobaso, te king Devit aiyaba elaluainu yai. Dago homugo dagego te bidi Seba naga daba mobaso tama, teda dago te dagego hanu tagalama, paibao,” Joapgo te po wai. Tama te wego Joapbolo te tama po wai, “Mu tama obao, dago te bidi ela munama, tama agai tobolu naga te obo buluba sąbo, te nago sueibao,” wali.

Te Israel me Juda Hani Sigo Tuni Bidigo Po Elalubo Buku Deli 4:8

Te polalubo kiap dabego nogi te e tama tiwai: Benhur, agai te Efraim hanigo te bage bulu hani pesage tonaluali.

Te Israel me Juda Hani Sigo Tuni Bidigo Po Elalubo Buku Si 5:22

Tama Gehasigo te po wai, “Menio. Da bugagia bidibao. Tiali goli, eno genuai bidigo ena tagala palama, e tiwai po nagebolo tama wagi soao obaso, ena asobao,” wai. “Megi tama bolo te profet gesi bidi si agai beba asalio. Te profet bidi si augwali si te bulu du Efraimde bidibo profet hani dao. Tama agai homugo te nago aga silva mone beg me deli badi, me te dwagi yai bulubo ugwa si ebadi elama, mao wali. Tama Elisa agai te profet bidi dabe augwaliba mawaibao,” wali.

Jopgo Po Asęani Elalubo Buku 30:23

Eno koneani, nago ena isimainu elama, tama nago ena te nago nigilali te tigidali isibo we bidigo bidigi pabo pesage gų pageba pomainu ebao.

Godigo Nogi Ugwaba Sabo Tęąbi Po Wabo Buku Dabe 49:10

Da tigidaligo koneai, kolesaga koneai bidi, augwali me isibo dao. Tama dwai kolesaga ebo bidi, te kolesaga meni yai bidi me, augwali isibo dao. Te bidi dabe augwaligo walu me mone masigi tigidali nai isu, taga peyu, tama gasa bidi dabego te nai sabo dao.

Ma Dobola Sali 6:23

Arongo we Eliseba sai, te Aminadapgo wegi, te Nason aga abe dao. Tama Elisebago wai me si me si ame nai, Nadap, Abihu, Eleasar, me Itamar.

Ma Dobola Sali 6:25

Eleasar te Arongo ogwa, agai te Putiel te bidigo wegi selama, agai wai te Finias ame nai. Te megi nogi nogi yali bidi hani augwali da te Livai hani sibi deli deli augwaligo tobolu bidi dabe dao.

Sekaraia 1:5

Megi da, dagego wąį dabe polo isila pai dao, tama te profet dabe augwali me isai dao.

Israel Hanigo Namba 3:32

Te pris bidi Arongo ogwa Eleasar te tigidali Livai dabego tobolu bidi dao. Agai te bidi dabe te Godigo be tomode sę ebo bidi dabe tonalubo dao.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Hibru 7:24

Tiali goli Jisas da, sesemane sogo bidada peyu, bidada pabo dao. Tama tibaso, agai te pris sę sesemane sogo tonaluyu, tama gasa bidigo aga me hasegelegobeo.

Josua 14:1

Te Israel dabego te Kenan tǫ sali. Te pris bidi Eleasar, me Josua te Nungo ogwa, tama tigidali Israel hani tobolu bidi dabego hani sibi deli deli augwalibolo te tǫ dobayali.

Josua 22:13

Tialima, te Israel dabe augwaligo te Finias tagala palali, te pris bidi Eleasargo ogwa, te Rubengo hani me, te Gatgo hani me, te Manasego hani badi, te hani sela bidibo madiba te bulu Gileatba pai.

Te Israel Tobolu Bidi Dabe 17:8

Agai te aga bulu taga peyu, tama aga te gasaba bidigi painu homu yali. Tialima, aga pelama, tama te Maikago beba sabolali, te Efraimgo bulu du bage buluba pai.

Te Israel Tobolu Bidi Dabe 18:13

Tialima, augwaligo te bulu taga peyu, tama te bidi Maikago beba sabolali, te Efraimgo bulu bage bulude elaluai.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.

1 Samuel 9:4

Tialima, augwali hogodama, te Efraimgo bage buluba pali, tama te Salisago tǫ pedaiba pali, tiali goli, augwaligo me sube. Tama tibaso, augwali te Salimgo tǫ pedaiba pali, tiali goli, te donki dabe tede me bidalubeo. Nosali augwali te Benjamin hanigo tǫba pai, tiali goli, augwali sigo te donki dabe tede me subeo. Mu menio.