Josua 24:32 - Godigo dwagi yai po buku

³² Te Josepgo dili te we bidigo Isipdu tolasa asali, te augwaligo te Sekemde pubulali, augwaligo te Jekopgo te mone 100 silvago te Hamorgo ogwa dabe dali polobadu abelali, te tǫde pubulali. Hamor te Sekemgo aya dao. Tama Josepgo hani augwaligo te tǫ sali.

Josua 24:32 Iomraidhean Croise

Tigidali Nai Gagalama Nigali Side 33:19

Tama agai te tǫ te Hamor hani bage dali mu abelali, te Hamor Sekem aga aya da. Te tǫ abelali mone te 100 silva masigi tamago abelai.

Tigidali Nai Gagalama Nigali Side 48:22

Sekem te wiegi yai tǫ mu dao. Eno te Amor dabe dali te hwą ge bainat me enesigi sigo boi hwįnama, tama augwaligo te tǫ eno sali. Tama ena digi eno te tǫ te eno nagebolo naga megi mobao. Eno te naga ama dede augwalibolo me magobeo,” Jekopgo Josepbolo te po wali.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Tigidali Nai Gagalama Nigali Side 50:25

Nosali Josepgo te Israelgo ogwa dabebolo te mu po dao po wao po me deli te hanalu wali. Agai te po wali, “Dagego enaba po dąų waliyu, te God asiyu dage tau sabo sogode, teda dagego ena pubulali pesagede te ena tigi dili hodolama, tama dage peyu, te dili sela piąo,” wali.

Ma Dobola Sali 13:19

Polobadu Josepgo te Israel hanibolo te po wai, “Nosali ena isama, tama Godigo dage Isipdu te Kenan tǫba ma oda sagasobode, tama dagego eno dili dabe dali selasa pao.” Tama Israel dabe augwaligo bomai po dąų weyu, tama tiaibao wai. Tama Mosesgo te Josepgo dili dabe selama, tolasa pai.

Dwagi Yai Gesi Po Jongo Asęani 4:5

Tama tilama, Jisas pelama, Samaria bagego hanuba sabolai, augwaligo te bulu nogi Sikar wali. Te tǫ te polobadu mu bidai bidi Jekopgo aga ogwa Josep mani tǫ te pąde tama dao.

Godigo Sęba Tagala Palai Bidigo Po 7:15

Tama tibaso, Jekop dede dago wąį hani tigidali te sogo Isipba asali. Aga monu dabe bidiyu, tede isai. Nosali dago wąį dabe me augwali tede isai.

Godigo Sęba Tagala Palai Bidigo Po 7:16

Isilama, tama bidi dabego augwaligo tigi sela pelama, Sekem buluba pubaligi pali. Polobadu Abrahamgo te tǫ Hamor bidi hanide masigigo abelai tǫ,” Stivengo te po wai.

Hibru 11:22

Te nosali Josep me agai konealubo po Godiba dąų olama agaba tią peyu bidibaso, tama aga isainogo ebo sogo agai te po wali, nosali te Israel dabe augwaligo te Isip tǫ tagalama gasaba paibao wai. Tama augwaligo agai dili dabe te sogo teba sela pelama, gasa tǫde pubulao po me wai dao.