Josua 24:31 - Godigo dwagi yai po buku

³¹ Te Josua bidibadi, te sogo da, te Israel dabego te Genuai Bidiba lotu po uduai. Tama nosali te Josua isai madi me te augwaligo Genuai Bidiba lotu po udali. Augwaligo tama tidubadi, te Genuai Bidigo te Israel dabe tau siyu ebo sę suali te genuai bidi dabe augwali me isali.

Josua 24:31 Iomraidhean Croise

Tigidali Nai Gagalama Nigali Side 14:10

Tama te Sidim odogo tǫde te kolta sabo tǫ dedage hauwa elaluai. Tama te Sodom de Gomora gavman tuni bidi si augwa bidi dabe dali te boi hwįbaso, wi painogo homu yali, tiali goli augwali meba te kolta sabo tǫ dedage dabeba tulaluali, tama isali. Te augwaligo ami bidi dabe meba te bulu du bageba wi pai.

Tuni Bidi Dabego Po Elalubo Buku Si 24:2

Te pris Jehoiada bidibadi da, Joasgo Genuai Bidigo gedude wiegi yai kolesaga iyu yai dao.

Tuni Bidi Dabego Po Elalubo Buku Si 34:33

Te Israel bulu tigidali badu te tibo god dabego piksa dabe sese me elaluali. Tama te nai dabe te Genuai Bidigo gedude dwai nai mu elaluali. Tialima Josaia agai te tibo god dabego nai dabe sese tama sela sąyani. Tama agai bomo elama, te Israel dabe augwaligo Genuai Bidi augwa God wali pao po wali. Tama aga king bidibo sogo da, te we bidi augwaligo Genuai Bidi augwa wąįgo God wali bomo elama mu wali pali. Tama augwaligo Genuai Bidi me tagalobeo.

Godigo Sęba Tagala Palai Bidigo Po 20:29

Eno koneani, nosali te eno dage taga pabo sogode, te dwai bidi dabe dage tomoba aselama, dage dolaibao. Tama augwali te bulu yowi asobo ąǫ elama, te sipsip kibu wai elabo ąǫ yaibao.

Bomai Po 11:2

Dagego Genuai Bidigo da ola mayu, agai haniani bomai sę hauwa ebo dagego suai dao. Duga digi duga te sę dabe ebo suai dao, te dagego wai dabego menio. Menio. Dagego Godigo bomo suali, te genuai mu dao.

Bomai Po 11:7

Mu tama dao, duga digi Godigo te genuai sę dabe yali suai dao,” Mosesgo te po wali.

Bomai Po 31:13

Dagego te tama tiyu da, teda duga wąį wai puluba augwaligo Godigo bomai po me odisąwai, augwaligo nosali odaibao. Tama augwaligo odama, tama augwali aga dologode tigidali sogo dagego te Jordan wę u badu sigi painogo ebo te tǫde bugagia mu bidaibao,” wali.

Bomai Po 31:29

Eno koneani, ena isai digi dage we bidi dwai mu pedelaibao, tama eno dagebolo mani po me wali pogobeo. Te dagego dwai kolesaga hauwa mu yaibao. Tama dagego Genuai Bidi sębę mu ilaibao, tama agai dageba dwai sę dabe mu pedalomainu yaibao,” Mosesgo te Livai pris dabebolo te po wali.

Filipai 2:12

Eno abagi mu dede, Krais aga Godigo po mu wali pali. Tama tibaso, ena dage dali polobadu bidibadi dagego eno po wali pali tiwai gilama, te megi me, ena digibulu bidibadi te dagego bomo elama, te eno po bugagia wali pao. Te sęgę dao, olo sę mu menio. Tama tiyu, God dali duga homugo kęą pai we bidi mu bidiyu, tama te dage bidibo kolesaga wiegi yai mu sese pedalomainu bomo elama tiduao.

Te Israel Tobolu Bidi Dabe 2:10

Te Josua aga deli hani me te augwali isila pali, tama gesi noma we bidi pedelai. Te gesi hani we bidigo te Genuai Bidi konesiąyu, tama agai te Israel dabede yali sę me te munu me konesiąyu gegeda pali.

Te Israel Tobolu Bidi Dabe 2:6

Tialima, polobadu Josuago te Israel dabe augwalibolo te sabo tǫ sigi piąo po wali. Tama deli deli bidi dabe pelama, te augwa sa muani tǫ selama, tama tede bidali.

Te Israel Tobolu Bidi Dabe 2:7

Te Josua bidibadi te sogo te Israel dabe augwaligo te Genuai Bidiba lotu po wali. Tama nosali te Josua isai madi me te augwaligo Genuai Bidiba lotu po me udali. Augwaligo tama tiwai sę me idubadi, te Genuai Bidigo ebo sę sulama, te Israel dabe tau sali bidi dabe me augwali isai.