Josua 24:17 - Godigo dwagi yai po buku

¹⁷ Te Genuai Bidi deli naga te dago God, tama agai te da dali, te dago aya dede dali, te Isip kalabus sęde bidibadi, te da ma dobola selama, odasa asali. Tama dago te agai te ebo bomai sę suali. Te da gasa hani dabego tǫde bilaluali sogo, tama da te mena pabo sogo me, te Godigo da bugagia tonalualigo te da bugagia bidali.

Josua 24:17 Iomraidhean Croise

Tuni Bidi Dabego Po Elalubo Buku Si 13:10

“Tiali goli dago da, dena Genuai Bidi dena God wali pobao, tama dago agaba tudi me ola mabeo. Tama Arongo hani pris bidigo Genuai Bidigo sę ebo dao, tama Livai dabego augwali tau sabo dao.

Ma Dobola Sali 13:14

“Tama nosali dagego ogwa dabego dagebolo te tiwai hanaluyu, te po tiwai waibao, ‘Te kolesaga page mena tama dawe?’ Tama dagego augwalibolo te po wao, ‘Da Isip bulude kalabus sę ebadi, tama Genuai Bidigo bomai sę mu elama, tama da Isip bulude selama, da odasa asai dao.

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

Ma Dobola Sali 19:4

Genuai Bidigo te po wai, “Dagego eno yali sę te Isipde suai dao. Tama eno dage te ba kemodagego te aga gesi noma gǫų te bogo ugwadu daide sela soabo tiwai elama, tama dage eno e buluba odasa aselama, tama megi dage ena dali bidibao.

Aisaia 46:4

Ena duga God dao, te eno dage tonalua pidubadi, te dage monu dabe eboba usu nama, te ayadeba nisi elaluaibao. Ena digi eno dage deli hani we bidi pedalumainu ilali, te sesemane sogo eno dage auąlu, te tonalu, te dage ma dobola saibao.”

Bomai Po 29:2

Mosesgo tigidali Israel dabe i olama, sisinama, agai augwalibolo te tama po wali, “Dagego te Genuai Bidigo te Isip king tuni bidi dali yali sę dagego polo suai dao, te aga ofisa dabe dali, me agai bulu tigidali tomode yali sę.

Bomai Po 32:9

Tiali goli, agai Jekopgo hani sa munama, aga digi augwali tonalumainogo yai dao.

Bomai Po 7:19

Dagego te Isip bulude suali, te haniani gasi koneiąo. Tama me dagego te Godigo yali te we bidi noma sabo sę, me te haniani genuai sę yali te koneiąwe. Tama dagego Godigo dage Isip bulude dobola sainogo yali te genuai bomo koneiąo. Tama tialima, Godigo dagego megi wi ebo te we bidi dabe dali me te deli tiwai sę naga yaibao. Tama agai augwali dolama, mu dola silaibao.

Josua 24:16

Tama te we bidi augwaligo te tiwai po wei ponoyu, te po wai, “Dago te Genuai Bidi tagalama, te tibo god dabeba lotu munu me wagobeo! Mu menio!

Josua 24:18

Te da asali sogo, Genuai Bidigo te tigidali hani bage ela gudulubo sę yali, te Amor dabe dali, augwali te e tǫde bidibadi tiali. Tama tibaso, dago me te Genuai Bidiba lotu waibao wali. Aga deli naga te dago God dao,” augwaligo te po wai.