Josua 24:12 - Godigo dwagi yai po buku

¹² Ena dage asobadi polasa peyu, tama eno digi te boi bidi dabe wi ilama, tama augwali sela sąwai dao, tama te tialigo te Amor tuni bidi si wi pomainu ilali. Tiali goli, duga digi te poai hwą ge bainatgo, me te sesemonego te augwali si gudulu baso wi me pabeo.

Josua 24:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 135:11

Agai te Sihon elali, te Amor dabego king, tama Ok, te Basan bulu king da, tama te Kenan tǫ king tigidali ela silai dao.

Godigo Nogi Ugwaba Sabo Tęąbi Po Wabo Buku Dabe 80:10

Tama te ni wain nologogo te tigidali bulu du me, tama te moni dobo dwai ni sida dabe mesegelai dao.

Godigo Nogi Ugwaba Sabo Tęąbi Po Wabo Buku Dabe 80:9

Nago aga tǫ delide peda selama, tama nago bulalio. Aga holama, tama aga sele te aiyanu mu dulalio, tama aga genuai mu holama, tama te tigidali tǫ pedai mesega sai dao.

Ma Dobola Sali 23:28

Tama eno te bidi gąų kelebo nai nenemo dabe polasa tagala palama, dage nosali asobadi, tama augwaligo te Hivi dabe me, te Kenan dabe me, te Hit dabe me, te hani augwali sela sąmainogo yaibao.

Ma Dobola Sali 23:31

“Tama eno dagego tǫ dąį e tiwai ilaibao, te wę sanede, te mama tamu ąį badu, te Akaba tǫ te badu pelama, te tǫ tomode elalubo genuai tamu ąį Mediterenian teba sabolama, tama genuai wę Yufretis te badu peyu, te masigi kemi elalubo badu teba te dąį sabolaibao. Tama eno bomo dageba menama, tama te tǫde bidibo hani augwali aiyaba elaluama, tama dage te tǫ tomoba peyu, augwali sela sąwaibao.

Israel Hanigo Namba 21:31

Tiali tama, te Israel dabego te Amor dabego hanu dabe selama, tama augwali te hanude bidali.

Israel Hanigo Namba 21:32

Tama nosali Mosesgo bidi dabe te hanu Jaserba tagala palama, tama te hanu dolabo sunumi wiegi yai gegali. Tama te Israel dabego te hanu Jaser dali hwįnama, tama augwaligo te hanu me, te hanu pąde elaluali bulu dabe tama sali. Tama augwaligo te Amor dabe te bulude bidali bidi dabe sela sąyani.

Bomai Po 31:4

Tama Genuai Bidigo te hani dolaibao, te agai te Sihon de Ok si dali si augwa sigo kantri dolali gilama tiaibao, te Amor dabego tuni bidi sigo bulu yali gilama.

Bomai Po 4:47

Tama augwali agai tǫde, me te Ok te Basan tuni bidigo tǫde augwali bidaluali. Te Amor dabego tuni bidi si te Jordan wę te giliga asobo badu bidai dao.

Bomai Po 7:20

Tiali goli, augwali hani meba wi pelama, duala sigi pali da, teda Godigo te bidi tigide gąǫ kelebo te bunu dabe tagala palama, augwali dolomainu yaibao,” wali.

Josua 2:10

Magi baso meni, dagego te Isip tǫ taga soali sogo te Genuai Bidigo te Nosai Elaluali Tamu Ąį wai ilali po augwaligo dabolo te po pusai. Tama dago odali, dagego te Amor dabego gavman tuni bidi Sihon de Ok si me, te augwali sigo ami bidi dabe dali, te wę Jordan u badu ela silali po dago odai dao.