Josua 23:9 - Godigo dwagi yai po buku

⁹ “Genuai Bidigo te genuai bidi dabe me, te bomai we bidi hani me, sela sąyu ela gudulama, tama mena bidi me deli te aga bomo elama dolalu, te dage me sela sąbeo.

Josua 23:9 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 21:26

Ahapgo te tibo god dabeba lotu weyu, tama agai te Amor dabego kugumini yai kolesaga dabe wali pali, te augwali te tǫde polobadu bidali we bidi dabe da. Tialima, Genuai Bidigo augwali ela gudulama, tama te tǫ Israel dabe augwaliba mawai dao.

Tuni Bidi Dabego Po Elalubo Buku Si 20:7

Dago God, nago koneani, da Israel dabe naga abagi Abrahamgo hani wąįgo wai puluba dao. Tama da naga we bidi mu dao. Nago e tǫde polobadu bidali we bidi nago sela sąwai dao, tama nago e tǫ te dago wąį dabebolo mawai dao. Te dago tǫ tigidali sogo elalua pomainogo tiai dao.

Ma Dobola Sali 23:23

Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.

Ma Dobola Sali 23:30

Te eno boi bidi dabe augwali dua dua digi sela sąyu, tama dage hauwa pedelama, tama dagego te tǫ tigidali usu na silao.”

Godigo Sęba Tagala Palai Bidigo Po 7:45

Nosali dago wąį augwa ogwago te ugwa be selama, te tobolu bidi Josua wali pelama, gasa hanigo tǫ sali. Godigo augwali tau selama, te tǫ sai. Tama te ugwa be tede elalubadi, genuai bidi Devit bidibo sogo te be me elaluali.

Bomai Po 11:23

Tama tiyu da, agai te meba gasa bidi hani dage augwali pąba pabo si, augwali sela sąwaibao. Tama dage te genuai bomai we bidi hanigo tǫde dage bidaibao, te augwaligo bomo dagego bomo edelama elalubo bagego tǫde dage bidaibao.

Bomai Po 7:24

Tama agai augwaligo tuni bidi dabe dagego nogoba muaibao. Tama dagego augwali ela muaibao. Tama nosali te bidi dabego augwali me kone me egobeo, gegeda mu paibao. Tama dage paliabo bidi meni yaibao. Menio. Dagego augwali sese ela isila silaibao.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Josua 15:14

Kalepgo te Anakgo hani bidi sela ela gudulali, Sesai, me Ahiman, me Talmai.

Josua 23:5

God, dago Genuai Bidigo, te boi bidi dabe ela gudulama, tama dagede wi eyu pomainogo ilaibao. Tama te dagego augwaligo tǫ saibao, te Godigo bomo yai po dąų wali tiwai gilama yaibao.”

Josua 23:8

Tialima, te dagego te Genuai Bidi dali bugagia kęą pelama, tama aga wali peyu, te megi tama dagego te ela asali tiwai gilama yao.”

Josua 24:18

Te da asali sogo, Genuai Bidigo te tigidali hani bage ela gudulubo sę yali, te Amor dabe dali, augwali te e tǫde bidibadi tiali. Tama tibaso, dago me te Genuai Bidiba lotu waibao wali. Aga deli naga te dago God dao,” augwaligo te po wai.