Josua 23:8 - Godigo dwagi yai po buku

⁸ Tialima, te dagego te Genuai Bidi dali bugagia kęą pelama, tama aga wali peyu, te megi tama dagego te ela asali tiwai gilama yao.”

Josua 23:8 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 18:6

Aga te Godiba kęa pelama, dąų mu wagi pali. Tama agai te tigidali sogo Genuai Bidi munu me tagalobe. Mu meni. Tama agai tigidali bomai po te Godigo te Mosesbolo mani po tigidali te agai bugagia wali mu pali.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Bomai Po 10:20

Dage tigidali sogo God dago Genuai Bidi dologode bidiąo, tama aga delide naga lotu weyu yao. Dagego agaba dąų ola selama, tama dagego tigidali po aga delide naga dąų waliyu yao.

Bomai Po 11:22

“Dagego eno dagebolo obao te po tigidali wali piąo. Dagego God dago Genuai Bidi godolo mu iyąo, tama agai po tigidali bugagia wali piąo, tama dagego homugo agaba bugagia kęą peyu yao.

Bomai Po 13:4

Dage Genuai Bidi dologode naga elaluyu, aga wali naga piąo. Tama dagego agai po odama, tama agai bomai po tigidali wali piąo, tama aga deliba naga lotu weyu, tama aga dąų olama tola sao.

Bomai Po 13:5

Tiali goli, dagego te profet bidi o te na yali po page pusubo bidi ela muiąo. Ma, augwaligo dagebolo Godigo po sela sąyao obaso da. Dagego God aga dage Isip bulu olo sę ebo kalabus bidi tiwai bidibadi odasa sali, te konea. Te tama bidi hani dabego dage te Genuai Bidigo dagebolo te wali pao wali te sunumi taga pelama, digibulu pomainogo kegebo bage dao. Tama dagego te tama bidi dabe elama, isilao. Tama tiyu da, dagego te dwai kolesaga silaibao,” Mosesgo te po wali.

Bomai Po 4:4

Tiali goli, te dago God Genuai Bidide augwa homu mu kęą pai bidi dabe, dage da me te bidibao,” wali.

Bomai Po 8:20

Genuai Bidigo dagego pabo sunumidu elalubo te bulu dabe dolai dao. Tiali goli, dagego agai po wali pisąma yali da, teda dage me te deli tiwai dene naga saibao,” Mosesgo te po wai.

Josua 22:5

Tama dagego homu kone bugagia palama, tama te Genuai Bidigo sę bidi te Mosesgo po dabe me te bomai po te dagebolo mani, bugagia wali pao. Te bomai po page e tiwai dao, dagego duga Genuai Bidi God godolo mu iyąo. Tama dagego agai homu kolesaga me, po me, wali pao. Dage te aga dali bidiyu, tama dagego homu kolesaga me bomo tigidali te agaba munama, tama agai sę yao,” agai te po wai.

Josua 23:7

Tama te dage tomode bidalubo gasa we bidi hani dali deliba me sisinamuo, tama dagego te augwaligo tibo god nogi te me nogilamuo, tama dagego te mu po dąų walainu te augwali nogi me nogi igio. Tama dagego te kidu sugunama, tama te augwaligo tibo godiba lotu po me wagio. Menio!

Josua 23:9

“Genuai Bidigo te genuai bidi dabe me, te bomai we bidi hani me, sela sąyu ela gudulama, tama mena bidi me deli te aga bomo elama dolalu, te dage me sela sąbeo.