Josua 23:4 - Godigo dwagi yai po buku

⁴ Megi te dagego bugagia odiąo! Te gasa hani dali tama te elalubo tǫ, te eno dagebolo somainogo sa muani. Eno te boi hwįnama aiyaba elaluali hani dali te tiwai naga yali. Tama dagego tǫ te wę Jordan sesege badu gagalasa pali, te giliga pedalubo madi, te Mediterenian Tamu Ąį badu, te giliga dega sigilubo pedai badu dąį igi pali.

Josua 23:4 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 105:11

Agai Jekop dali te po wai, “Nage eno te Kenan tǫ mawaibao,” wai, “tama te tǫ naga tǫ, te naga hani dali.”

Godigo Nogi Ugwaba Sabo Tęąbi Po Wabo Buku Dabe 78:55

Agai te gasa hani dabe te aga hani dabe asobo si, te augwali sela sąwani. Tama agai te tǫ te Israel hani dabeba doba yali. Tama agai augwali te augwa ugwa be dabede bugagia bidimainu yai dao.

Ma Dobola Sali 23:30

Te eno boi bidi dabe augwali dua dua digi sela sąyu, tama dage hauwa pedelama, tama dagego te tǫ tigidali usu na silao.”

Sefanaia 3:6

Genuai Bidigo e tama po obao, “Eno meba kantri dabe mu silama, te Juda hani isąwai bage, tama augwaligo genuai taun dabe dolama tagalai dao. Tama te bomai obo dabe me, be dabe me, te boi bidi tonaluyu no munalubo te sigide elalubo be dabe dolama, tagalai elalubao. Tama te bidi dabe augwali te taun sunumidu tomodu bidi dabe me bilibeo. Magi baso meni. Bidi deli me bidisąma ebaso.

Bomai Po 12:29

Tama Mosesgo po geninama weyu, te po wali, “Genuai Bidi, dago God, agai te tigidali we bidi hani sese tama dage augwaligo buluba pabo si, augwali sese tama dola silaibao. Tama dagego te tǫ selama, tama tede bidiagameo.

Josua 13:2

Te elalubo bulu dabe te e dao: te tigidali Filistia dabego bulu me, te Gesur dabego bulu tigidali badi,

Josua 18:10

Tialima, Josuago te tǫ sabo po dodolobo sę elama, te mena tǫ Genuai Bidigo augwalibolo mabowe naga koneainogo yali. Tama nosali agai te tǫ dobolama, te Israel hani deli deli augwaliba te tǫ mani.

Te Israel Tobolu Bidi Dabe 2:21

tama eno te bidalubo boi bidi dabe pomainu me gudulugobeo, te Josua isai madi tiali.