Josua 23:12 - Godigo dwagi yai po buku

¹² “Tiali goli, dagego te dena God tagaliyu, tama dage te hwįbode isiąwai gasa hani we bidi te dage tomode bidalubo bage dali sisinama, tama dagego augwali dali we si ebaso da,

Josua 23:12 Iomraidhean Croise

Tigidali Nai Gagalama Nigali Side 2:24

Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Tigidali Nai Gagalama Nigali Side 34:3

Tiali goli, Sekemgo te Jekopgo wegi Daina te wei mu ebaso, tama agai te aga homu wiegi yai ilibo po dua digi wai.

Te Israel me Juda Hani Sigo Tuni Bidigo Po Elalubo Buku Deli 11:2

Tiali goli, te we dabe augwali te Godigo po odisąbo bulu hani we, tama Genuai Bidigo te Israel dabe augwaliba habu seliyu, te tobage we dabe sigio wali. Polobadu Genuai Bidigo te Israel dabeba te tiwai po wai, “Dage Israel dabego te Godigo po odisąwai bulu we dabe sigio,” wali. “Te tiwai dagego ebaso da, mu tama te augwaligo dage kekebaso, tama te dagego ena tagalama, tama te augwaligo tibo god te wali paibao.” Genuai Bidigo te tama po wali, tiali goli Solomongo te we dabe augwali wei eyu, godolo homu mu yali.

Te Israel me Juda Hani Sigo Tuni Bidigo Po Elalubo Buku Deli 11:4

Te aga monu dabe ebo sogo, aga te we dabego aga homu te tibo godiba kekasa pali. Tama tiyu, Solomongo te aga aya Devitgo kolesaga te tagalama, tama agai te aga Genuai Bidi wali mu me pabeo. Menio.

Godigo Nogi Ugwaba Sabo Tęąbi Po Wabo Buku Dabe 125:5

Tiali goli, nago te augwa digi augwa dwai kolesaga wali pabo we bidiba te dwai dene mabo sogo da, teda nago kolesaga tagalubo we bidi tigidaliba nago te dene mao.

Godigo Nogi Ugwaba Sabo Tęąbi Po Wabo Buku Dabe 36:3

Sesemane sogo agai te dwai sę yabo po, me te gasa bidi tibo po ola mabo po weyu yaibao. Agai te wiegi yai kolesaga yabo homu te agade me elalubo menio.

Aisaia 1:4

Tega, te we bidi dage dolama, dagego kolesaga me mu doali. Tigidali sogo dagego dwai sęgę sabo dao. Te duga dwai sęgęgo dage aiyaba kegebo dao. Dage Israel dabego duga Genuai Bidi tagalai dao, aga te Dwagi Yai Doloba Pai Kolesaga Naga Ebo God dao. Tama dagego aga tudi ola manio.

Esekiel 18:24

“Tiali goli, te doloba pai bidi me deligo te doloba pai kolesaga tagalama, te tobage eno godolo menisąbo dwai dwai kolesaga eyu, te dwai bidi dabego ebo kolesaga tiwai ebaso da, teda aga bugagia bidaiba homu ebo da, agawe? Mu menio. Te eno agai wiegi yai kolesaga yalide homu kone munu ma palogobeo. Agai te enaba homugo kęą pai kolesaga togolama, tama ena tudiba munama, te dwai sę yali, tibaso te aga isimainao,” wai dao.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Dwagi Yai Gesi Po Jongo Asęani 6:66

Te po silama, tama Jisas aga wali pabo we bidi hauwa augwaligo te po odama, Jisas tagalama, augwa ma geasa pai, tama augwali Jisas dali me bidibeo.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Bomai Po 6:15

Ma, dagego te tibo god dabeba lotu po wali da, teda Genuai Bidi agai sębę mu elama, tama agai dage te isigo dwai dwai nai dabe dela silibo tiwai tama dela silaibao. Magi baso meni, God dago Genuai Bidi da dali megi bidiyu, tama agai dage gasa god meba lotu omainu sula tagalogobeo, mu menio,” wali.

Bomai Po 7:3

Tama me dagego augwali dali we si me abelamo dao.

Bomai Po 7:4

Magi baso meni. Augwaligo dagego ogwa dabego God tudiba mubo ilaibao, tama augwaligo tibo godiba lotu po waibao. Tama tialima, te wai dabego te tama tiali da, tede polo tama Genuai Bidi sębę elama, tama dage dolaibao.

Josua 23:11

Tama tibaso, dage te duga ebo kolesagade te bugagia dua yao. Dagego te dena Genuai Bidi, God, te godolo mu yao,” wali.

1 Jon 2:9

Niwai bidi me deligo te po weyu, “Ena te ulade bidibo dao” obaso da, tialima te po wabo bidigo aga ama dali sębę elama boi bidi homu eyu da, te bidi aga be hulia sai digi me bidibao.

Te Israel Tobolu Bidi Dabe 14:3

Tiali goli aga aya de ida sigo agabolo te po wali, “Magi basowe? Te wegi ogwa we me deli te da Dango hani tomode meni baso, ma te dena we bidi dabe tomode me meni baso weyu, obawe? Magi baso nago te Filistia we me deli sainogo, te augwali tigi wali togobo meni dawe?” Tiali goli Samsongo aga ayabolo wali, “Eno te we godolo mu ebao! Dagego te aga eno we siąo.”

Te Israel Tobolu Bidi Dabe 3:6

Tama te Israel dabe augwaligo te hani dali we si elama bidiyu, tama augwaligo tibo godiba lotu weyu yali.