Josua 23:11 - Godigo dwagi yai po buku

¹¹ Tama tibaso, dage te duga ebo kolesagade te bugagia dua yao. Dagego te dena Genuai Bidi, God, te godolo mu yao,” wali.

Josua 23:11 Iomraidhean Croise

Ma Dobola Sali 20:6

Tiali goli, ena godolo homu elama, tama eno bomai po tigidali wali pabo we bidi bidibaso, teda eno augwali me godolo eyu, te augwaligo wai dabe hauwa 1,000 mu nosali pedalobo hani me, te eno augwali dali wiegi yai homu eyu, augwali eno godolo mu yaibao, tama te kolesaga ebo siligobeo.”

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Dwagi Yai Gesi Po Lukgo Asęani 21:34

“Te dage dua dao, bugagia suao. Dagego tigidali sogo bomai wę tulama, aiyoge elamu dao. Tiyu dagego tigi tau sabo homu naga egio. Te tiwai kolesagago dage mesegelebaso da, teda te Bidi Mu asobo sogo dage polo asaibao, te enego hasa enebo tiwai yaibao.

Polgo Po Pas Rom Dabeba Asęani 8:28

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

1 Korin 8:3

Tiali goli, te bidi me deligo aga God dali dwagi yai homu eyu godolo ebaso da, teda Godigo koneama, te bidi te Godigo bidi dao.

Efesus 5:15

Tama tibaso, dagego duga bilibo bugagia tonaluyu bilao. Dage bilibo te kolesaga meni yai bidi tiwai biligio. Menio. Dage bilibo te kolesaga koneai we bidi bilibo tiwai bilao. Tama tiyu dagego wiegi yai kolesaga naga yao.

Bomai Po 30:16

Megi dagebolo eno po walobao, te dagego God mu godolo elama, tama agai po wali pelama, tama agai godolo ebo kolesaga dabe naga yao. Tama ebaso da, dage genuai we bidi pedalama, tama tigidali sogo dage bugagia mu bidaibao. Tama Genuai Bidi dago God agai dage megi te bidigi painogo ebo bulude dage dali wiegi yai sę mu ilaibao,” Mosesgo te po wali.

Bomai Po 30:20

Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.

Bomai Po 4:15

Te Mosesgo po geninama weyu, te po wali, “Te Sainai bulu dude te Genuai Bidi te isi dabo tiwai ebo tomoba bidagaselama, te dage dali po miani sogo, dagego te God e tiwai nai me deli da olama dąį ilibo dagego me subeo. Tama tialima, dage bugagia dolasa bidiąo,

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Josua 22:5

Tama dagego homu kone bugagia palama, tama te Genuai Bidigo sę bidi te Mosesgo po dabe me te bomai po te dagebolo mani, bugagia wali pao. Te bomai po page e tiwai dao, dagego duga Genuai Bidi God godolo mu iyąo. Tama dagego agai homu kolesaga me, po me, wali pao. Dage te aga dali bidiyu, tama dagego homu kolesaga me bomo tigidali te agaba munama, tama agai sę yao,” agai te po wai.

Josua 23:10

Te dage hani bidi me deligo te umabo bidi mu, te 1,000 bidi dabe te wi pomainu ilibo sę ebaso, te usu yai dao, magi baso meni, God, te dago Genuai Bidigo, te dage tau siyu, augwali dali hwįai dao, te agai polobadu po dąų wali tiwai gilama yaibao.

Josua 23:12

“Tiali goli, dagego te dena God tagaliyu, tama dage te hwįbode isiąwai gasa hani we bidi te dage tomode bidalubo bage dali sisinama, tama dagego augwali dali we si ebaso da,