Josua 23:10 - Godigo dwagi yai po buku

¹⁰ Te dage hani bidi me deligo te umabo bidi mu, te 1,000 bidi dabe te wi pomainu ilibo sę ebaso, te usu yai dao, magi baso meni, God, te dago Genuai Bidigo, te dage tau siyu, augwali dali hwįai dao, te agai polobadu po dąų wali tiwai gilama yaibao.

Josua 23:10 Iomraidhean Croise

2 Samuel 23:8

Te Devitgo bomai ami bidi dabego nogi te tama elaluali. Josep Basebet te Takemon hani bidi, aga te nogi elalubo hwįbo bidi selago polalubo ofisa bidi dao. Me sogo deli te Josep Basebetgo te sesemone tolalu, tama te 800 boi bidi dali hwįnama, tama agai tigidali ela muai.

Tuni Bidi Dabego Po Elalubo Buku Deli 5:20

Te boi hwįgi pabo sogo te Israel dabe augwaligo Godiba gedu haluasa po weyu hanalu te augwali tau somainu yali. Tama Godigo augwali tau mu selama, tama augwaligo te boi bidi dabe aiyaba elaluali. Te Israel dabego homu kolesaga bomo elama, te Godigo augwali tau somainu ebaso, tialima agai augwali tau salio.

Tuni Bidi Dabego Po Elalubo Buku Deli 5:22

Tiali goli te augwali boi hwįani sogo te boi bidi hauwa isali, magi baso meni, God aga digi te hwįbo tonalualigo te tama tialio. Tama nosali te Israel dabego te boi bidi dabego tǫ augwa selama bidali. Tama augwali te tǫde bidada pidubadi, te gasa boi bidi dabego te Israel dabe gasa tǫ kantriba kalabus sela pali sogoba usu nai dao.

Godigo Nogi Ugwaba Sabo Tęąbi Po Wabo Buku Dabe 35:1

Genuai Bidi, nago te ena dali wado yainu elalubo bidi dabeba te nago wado ilao. Te ena dali hwįbo bidi dabe dali te nago hwįao.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Ma Dobola Sali 14:14

Odao, Genuai Bidigo dage tau siyu, hwįaibao. Tiali goli, duga digi magi sę me elamuo. Dagego pedauwali dąų naga wao,” wali.

Aisaia 30:17

Te dagego 1,000 ami bidi dabe augwali boi bidi me deli aselama, hwįaibao po wagasobo si da, teda augwali wi mu elama, augwali wi paibao. Tama ma, te boi bidi dabego ami bidi a naga aselama, hwįaibao hae wagasobo si da, teda dage hani tigidali wi ogodama, wi peyu, te hanu taga paibao. Tama te bidi me deli me bidigobeo. Tama te hanu te bidi dabego bulu dude plak ugwa walobo ni te bulu dude tula ma elalubo tiwai yali gilama tama agaduba elaluaibao.

Pris Sę Ebo Bomai Po 26:7

Te boi bidi augwaliba dagego hwįbaso da, te dagego augwali pobelama, ela mubaso, te hwįbogo augwali mu dolaibao.

Pris Sę Ebo Bomai Po 26:8

Te dage nogo a naga bidigo te bidi sese a naga 100 boi bidi aiyaba elalueibao, te dage 100 bidigo te bidi sese umabo hauwa 10,000 boi bidi aiyaba elalueibao, tama tigidali boi bidi dolaibao,” te po wai.

Sekaraia 12:8

Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Bomai Po 20:3

‘Dage Israel bidi dabe, dagego odao. Megi da, dage boi hwįgi painogo te ebao. Tiali goli, dagego te boi bidi dabede wi me elamuo. Tama dagego nogo nagame me elamuo. Tama dage augwalide noma me selamuo, wi pelamuo.

Bomai Po 20:4

Genuai Bidi, dena God, aga digi dage dali te pobao. Tama agai dagego hwįbo tau saibao. Tama agai boi bidi dabe aiyaba elaluama, tama dagego ugaba ela holomainu yaibao,’ te pris bidigo te po waibao,” Mosesgo te po wai.

Bomai Po 28:7

“Godigo dagego boi bidi dabe dage dali hwįagasainogo asobode aiyaba elaluaibao. Augwali te sunumi me delidu pedalagasaibao. Tiali goli, augwali sunumi hauwadu wi paibao.”

Bomai Po 3:22

Dage augwalide wi me elamuo. Magi baso meni, God dago Genuai Bidigo dage tau selama, tama augwali dali hwįaibao,’ eno te po wali,” Mosesgo te po wai.

Bomai Po 32:20

Tama agai te po wali, ‘Te we bidi augwali tobolu gagea pelama, tama augwali ena wali asobeo. Te dwai sęgę dabe augwaliba pedalobadi, me tagalao, eno augwali me ma tau sogobeo.

Bomai Po 32:30

Magi baso mu boi bidi dabe deli deligo te 1,000 Israel dabe dolama tagalaliwe? Tama ma, magi baso te boi bidi sigo te 10,000 Israel dabe aiyaba elalualiwe? Te po page da e tama dao. Te augwa Genuai Bidi Godigo augwali hagela polo yali. Augwa bomai Godigo augwali tudi ola mani.

Josua 10:42

God, te Israel dabego Genuai Bidigo, te augwali tau sobaso, tama augwaligo te tigidali tǫde bidali tuni bidi dabe tigidali augwali aiyaba elaluama, tama augwaligo tǫ te hwįanigo naga sai dao.

Josua 23:11

Tama tibaso, dage te duga ebo kolesagade te bugagia dua yao. Dagego te dena Genuai Bidi, God, te godolo mu yao,” wali.

Josua 23:3

Dagego digi te tigidali sę te God, dago Genuai Bidigo, te boi bidi hani dali te dage homugo koneama, te sę yali dagego suali. God, te dago Genuai Bidigo, te dagego boi hwįbadi tau sali.

Te Israel Tobolu Bidi Dabe 15:15

Tama agai te tamadi isali ogwa bidi donki me deligo penane dili sulama, tama te agai sali. Tama agai te penane diligo te bidi hauwa umabo te 1,000 bidi ela muai.

Te Israel Tobolu Bidi Dabe 3:31

Te Ehut tudi badu te gasa tobolu bidi me pedelali, te aga nogi Samgar da, te Anatgo ogwa dao. Agai te bidi sese bidi hauwa elali, te e tama bidi, 600 te Filistia bidi dabe te dwasianu te kibu bulmakau tonalubo ene sesemonego te bidi dabe ela silali. Tama te Israel dabe tau siyu, agai tama tiai dao.

1 Samuel 14:6

Tialima, Jonatan te masigi elalubo pesageba sabolama, tama aga te aga dali hodobo asali bidibolo te tiwai po wali, “Ae, da u badu pedai badu pelama, tama da te Genuai Bidigo po odisiąbo bage, te Filistia dabe bidalubo pesageba paibao. Te Genuai Bidigo da tau siyu, te dago augwali aiyaba elaluabo homu ebao. Te Genuai Bidigo te hwįabo bidi hauwa selama, te boi bidi dabe augwali aiyaba elalumainu me egobeo. Menio. Te dwasianu hani naga te usu dao,” wali.