Josua 22:8 - Godigo dwagi yai po buku

⁸ tama agai te po wali, “Dagego te boide sali doado bage hauwa elalubao, tama megi dage duga buluba ma piąo. Dagego te bulmakau hauwa elalubo, me silva, me gol, me bras, me ain, tama ugwa me hauwa elalubao. Tama dagego te boi bidide sali doado bage meba te duga ude bidali abagi dabe mao,” wali.

Josua 22:8 Iomraidhean Croise

Tuni Bidi Dabego Po Elalubo Buku Deli 5:9

Augwali te tǫ pedai Gileat badu bidalu, tama augwaligo bulmakau me sipsip hauwa umabo pedelalio. Tibaso, augwali meba pelama, te giliga pedalubo badu te wa pai bulu tǫde bidali, te wa pai bulugo dąį pali te wę Yufretisba usu nigi pai dao.

Tuni Bidi Dabego Po Elalubo Buku Si 17:5

Tama Genuai Bidigo Jehosafat aga bomai king mu pedalomainu elama, tama agai kanrti Juda tonaluali. Tama tigidali we bidigo agabolo doado bage dabe magasali. Tama tiyu, agai mone me nai dabe hauwa elaluyu, tama Juda dabego gedude agai genuai nogi mu elaluali.

Tuni Bidi Dabego Po Elalubo Buku Si 32:27

Te Hesekia agai nai dabe hauwa mu selama, tama aga bomai king mu pedelali, tama agai genuai nogi elaluali. Agai te sę bidi dabebolo olama, tama augwaligo bakstua dabe sęnama tama augwaligo e tama tiwai nai dabe muani, silva, me gol, me genuai monego abelai wiegi yai masigi dabe, me wiegi yai denami ebo pauda dabe, me hwįbo ni name sabele dabe me, me gasa wiegi yai homua pabo nai dabe me te bede muani.

Godigo Nogi Ugwaba Sabo Tęąbi Po Wabo Buku Dabe 68:12

Te po e tama wali, “Te king dabe dali te tigidali ami dabe me, tigidali te wi palio,” po wai. Tama te augwa bidali pesagede bidali we dabego te augwa bidi dabego hwįyu sali doado bage te dobayalio.

Bugagia Bidibo Kolesagade Po Asęai Buku 3:16

Te wiegi yai homu ebo kolesagago te nage tau selama, tama nage te tǫde bobobage sogo sesabi elama bidaibao. Tama agai nageba genuai nogi mayu, tama nageba doado bage hauwa mawaibao.

Israel Hanigo Namba 31:27

Tama te nai dabe si bugulama, tama hani sibolo dobayao, te hwįgi pali bidi dabe, me te bede bidali bidi hani si bugulama, tama dobayao.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Hibru 11:26

Agai te homu yali, te aga te nosali asaibao wali bidi Kraisgo nogide hale siyu da, tego te tigidali mone me te Isipde elalubo te au dobage dabe te aiyaba mu elaluaibao. Tama te gasagi yai wiegi yai nai te Godigo agabolo mawaibao po, tede aga homugo kęą palio.

1 Samuel 30:16

Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.

1 Samuel 30:24

Dego te dagego pode usu da po waibawe? Te po wabo bidi me deli te menio. Dago te doado bage bugagia te tigidali bidiba te deli tiwai si naga dobolama, sesa paibao. Te bidiyu, te doado bage tonalu bidali bidi dabego sabo doado bage deli te tiwai te hwįgi pali bidi dabego me saibao,” wai.