Josua 22:33 - Godigo dwagi yai po buku

³³ Tama te Israel dabego te augwaligo pusagasali pode te augwali wiegi yai homu pemene yai. Augwaligo te God nogi ugwaba siyu, tama augwaligo te Ruben, me Gat, te augwali dali boi hwįgi pabo homu eyu, te augwali bidali tǫ doligi pabo homu yali, te homu kone munu me ebeo.

Josua 22:33 Iomraidhean Croise

Dwagi Yai Gesi Po Lukgo Asęani 2:28

Simeongo nogogo te wai dobola selama, tama agai Godigo nogi ugwaba siyu, e tama te po wali,

Daniel 2:19

Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Tuni Bidi Dabego Po Elalubo Buku Deli 29:20

Tialima Devitgo te we bidi augwaliba te tiwai po walio, “Godigo nogi ugwaba sao, dago Genuai Bidi dao.” Te we bidi augwaligo odama, te augwa kidu sugunama, te gesabidi tǫba pǫgulali, te genuai nogi Devitba me Godiba mayu tialio, te augwaligo Genuai Bidi me augwa wąį nǫų dabego Genuai Bidi me dao.

Josua 22:30

Te pris bidi Finias te augwa we bidigo genuai dabe dali, te augwali te Israel hani sibi dabego tobolu bidi dao, augwaligo te Rubengo hani me, te Gatgo hani me, Manasego hani, te augwaligo wabo po odama, tama augwali wiegi yai homu pemene yai.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

2 Korin 7:7

Taitus te da bidibo digi sabalobode, tede naga te Godigo da wiegi yai homu nagame me ilibeo. Menio. Dagego Taitusgo homu nagame ilibaso, tama agai te po sela asali, tama tede me Godigo dago homu nagame ilama bomo mani. Taitusgo te dagego da suabo homu godolo mu eyu, tama dagego enade homu dene eyu gela wabo po dabolo pusali, tama dagego ena dali deli homu elama bidabo homu ebo po me wali. Tama eno homu pemene wiegi yai hauwa mu eyu bidibao.

Godigo Sęba Tagala Palai Bidigo Po 15:31

Tama te sogo te Antiok we bidigo te pas asęani po odama, augwali bugai homu mu yai, te pas tomode elalubo pogo augwaligo homu tau siyu dąų walali.

Godigo Sęba Tagala Palai Bidigo Po 15:12

Te po minama, tigidali bidi po sagia selama, Barnabas dali Pol dali sigo tigidali bomai sę Godigo augwali si nogode yali sę po pusali, te sogo augwali si te Juda hani isąwai bidigo tǫde biliyu, te sę yali po pusali.

Josua 22:32

Nosali Finias, me te tobolu bidi dabe, augwaligo te Ruben, me Gat, me Manase, te hani augwali te Gileat bulude taga peyu, tama augwali te Kenanba ma pelama, tama te wali po dabe te Israel dabebolo pusigi pali.

Bugagia Bidibo Kolesagade Po Asęai Buku 25:25

Te wiegi yai po odali bidi me deli te digibulu badu asai baso da, teda aga te wiegi yai pemene eyu, te bidi te bulu pali madi te tigi mu poma pobaso, te kedau yai ąį tubo tiwai ebo dao.